¹ Paulo, Mutumwa wa Kilishitu Yesu kupichila mukusaka kwa Lesa, ne mwaila Mulaye wa Buumi buji mwi Kilishitu Yesu, ² kwi Timoti, mwaana yenatemwa:Lusa, Kifyele, nemuteende kufuma kwi Lesa Taata ne Kilishitu Yesu nkaambo weetu. ³ Namusanchila Lesa, aye yenaingijiile kufuma kubashakulu baami, mubukiine, byonemuvulukileenga mumilombelo yaami Mute ne Bufuku. ⁴ Inge navuluka Mipolo yoobe, nkebesha kukumona, amba ngyuulwe na Lusekeelo. ⁵ Mvuluka Lwitabilo loobe lwabula bujiimbi jiimbi, alo lwajiinga pataanshi kubankaambo yoobe ba Loisa neebainoobe ba Yunisa, loona ketekela naamba lujinemwi obewa. ⁶ Onkao maambo mbeena kukuvululamo naamba utemeenga noobe Mujilo kukyabupe kya Lesa kiji mwiobewa kupichila mukukutenteka Maboko ami. ⁷ Maambo Lesa keechi witupeele Mupashi wamooyo ne, bino witupeele wabulume ne Butemwe newakwitulengela kulanguluka buloongo. ⁸ Onkao maambo obewa keechi umvwe buumvu kusapwiila kwi nkaambo weetu ne, naangwa kwiamiwa, Paulo, wamukifuungo waanji. Bino, naangwa mulumanamo sapwilai byaambo byawaama kupichila mu bulume bwa Lesa, ⁹ witupulwiishe nekwitwiita na bwiite bwazhila. Waubile kino, keechi namaambo a mingilo yeetu ne, bino na maambo a kulanguluka kwaanji ne Lusa, loetupeele mwi Kilishitu Yesu kimye saka kikyaangye kutatula. ¹⁰ Bino Lupulukilo lwamwekele mukumweeka kwa nkaambo mupulushi Kilishitu Yesu, aye wabikileeko kufwa ne kuleeta Buumi bwa kyeeya kupichila mu byaambo bya waama. ¹¹ Na maambo a kino, nasajilwe kwikala Musapwiishi, ne Mutumwa, ne mufunjishi. ¹² O eene maambo o mbeena kumanamina bino biintu. Bino keechi nkalengeshiwa Buumvu ne, maambo namuyuuka aye yenaitabila. kabiji naketekela naamba ukalama akya kyonamushiila kufika ne jooja juuba. ¹³ Lama kyakumwenako kya byaambo byabukiine byowaumvwiine kwi amiwa, neena Lwitabilo ne Butemwe mwi Kilishitu Yesu. ¹⁴ Kiintu kyawaama kyaubile Lesa kwi obewa, Kilame kupichila mumupashi wazhila, waikala mwiatweeba. ¹⁵ Wayuuka kino, amba boonse bekala ku Asha bangalukilamo. Mujino jibuumba momuji ba Figelusa ne Helemojene. ¹⁶ Aye nkaambo obile Lusa bamuNzubo yaakwa onesifolusa, maambo aye wankoseeshe kabiji keechi waubijiile buumvu Minyololo yaami ne. ¹⁷ Bino, byoajiinga mu Loma, wankebele biingi, nekuntaana wantaine. ¹⁸ Aye nkaambo akamuswiishe kutaana Lusa kufuma kwi aye mu jooja juuba. Mumashiinda moonse wan'ini'jileenga mu Efisesa, wayukishaatu buloongo.