¹ Paulo, Mutumwa wakwa Yesu Kilishitu mwaila mukambizho wa Lesa mupulushi weetu ne Yesu kilishitu yetwaketekelamo, ² kwi Timoti, mwaana wamulume wakishiinka mulwitabilo: Bupe, Lusa, ne Muteende ufuma kwi Lesa Taata ne Yesu Kilishitu nkaambo yeetu. ³ Moonka monakusanshijile obewa kuuba byonaileenga ku Makedonya, kushala mu Efisesa pakuuba amba mukambizhe Baantu bamo kubula kufunjisha Mafunjisho angi ne. ⁴ Naangwa kutaako Maana Kumajaashi naangwa kubisemi bibula kupela. neebyo bibuusha byakwipuzha ipuzha keechi bingila bukalama bwa Lesa, buji Mulwitabilo ne. ⁵ Pano mwaila Mukambizho bobutemwe kufuma mu Muchima watooka, kufuma mumi Laangwe yawaama, kufuma mulwitabilo lwa kiine kiine. ⁶ Baantu bamo baaya Muungi kufuma ku Bino biintu kabiji ba alulukila ku Misaambo yatuutu. ⁷ Basaka kwikala Bafunjishi ba Muzhilo, mino keechi bonvwiisha kyobabena kwaamba ne naangwa kuunvwa Biintu byoobasuminyinwa kwaamba ne. ⁸ Mino twayuuka naamba Mukambizho wa waama inge waingijishiwa moaila. ⁹ Twayuuka kino amba awa Muzhilo keechi wabikiwa mu Mpuunzha ya Muuntu waoloka ne, mino ku booba babula kuyuuka Muzhilo ne Bandenga maambo, ne Baantu babula kuyuuka Lesa neba Ndenga maambo, nekubooba babula Buzhile neba mbulwa koloka, ku booba bepaya Bashabo neba Inaabo, maambo Bakapoondo, ¹⁰ neeba Bulaalelaale, ne booba balaala nawamuluume mukwaabo naangwa wamukazhi mukwaabo, neku booba bakwaata Baantu mubumfyamfya kwikala Bazha, Babubela, Bakamonyi babubela, ne biji byoonse bikwaabo byapusenamo kumafunjisho abukiine. ¹¹ Jino jifunjisho jaila mukutumbijiikwa kwa byaambo bya waama byapeshiwa bya Lesa naabyo nafunjishiiwe. ¹² Na saanta Kilishitu Yesu nkaambo weetu. Umpa Ngovu, maambo aye umbiika keewalwitabilo, kabiji wansajile kwikala kewamwingilo. ¹³ Najiinga Muuntu wa Mweenga, ne Lupato, newa Shiinta. Bino naubiilwe Lusa maambo naubileenga mukubula kuyuuka Lwitabilo. ¹⁴ Kabiji ne Lusa lwa Nkaambo yeetu lubeena kwichika nalwitabilo kabiji nebutemwe buji mwi Kilishitu Yesu. ¹⁵ Kino kyaambo kyookya kishiinka kabiji kyafwainwa kwitabilwa koonse, amba Kilishitu Yesu waishile mu Ntaanda mukupusha bandeenga maambo, mwi aye amiwa ne Mfumu. ¹⁶ Mino na maambo akino napelwe Lusa, pakuuba amba mwi amiwa, Mfumu, Kilishitu Yesu akoonshe kumweesha butekanye boonse. Waubile kino kwila kyakumwenako ku booba bakoonsha kwitabila mwi aye na maambo a Buubi bwa Myaaka. ¹⁷ Pano kwi aye Mfumu wa myaaka, Ubula kufwa, ubula kumweeka, yeenka aye Lesa, kwikale buneeme ne Lukumo myaka ne myaka. Amena. ¹⁸ Mbena kubiika uno Mukambizho ku Meeso enu, Timoti, mwaana waami, mwaila na Bungauzhi bwalengelwe panyuma lwalengelwe peanweeba, pakwaamba mulwe Bulwi bwa waama, ¹⁹ kukwachisha Lwitabilo ne Milaangwe ya waama. pakukaana kino, maambo bamo balobesha Lwitabilo lwaabo. ²⁰ Bamwiabo muji ba Haimanusa ne Elekasanda, bonafikizha kwi Satana naamba bafuundwe baleke kumuuba mweenga Lesa.