¹ Mu jishiinda jimootu, anweeba baana bakazhi mwa soongolwa nekenenai ba mwaata weenu. Ubai kino naangwa ba balume bamo baleengulula byaambo, bakoonsha kuwiina kwakubula byaambo, kupichila mu byuubilo bya bakazhi baabo, ² byo ba moona na bukamonyi bwa mushiingi weenu, byuubilo bya waama. ³ Kwi waamisha kweenu keechi kwiikaletu kwa paangye ne-noobe kwiichika nsuuki ne, ne kwiikobaika bya golode, naangwa bivwaalo byo muvwaala. ⁴ Mino, lekai kupeemuna kuubiwe mukachi ka muchima wa muuntu, ne buwaamae bwa bukimote ne mupashi wa buteekanye, kyo kyaneema ku meeso a Lesa. ⁵ Pakuuba abino byo byajiinga kala baana bakazhi bazhila ba ketekejile mwi Lesa byo be peemwiine abo beene, mukukookela balume baabo. ⁶ Mujiije jishiinda Saala wakookejile Abalama ne kumwiita aye amba nkaambo. Pano anweeba mwi baana baanji inge mwauba bya waama kabiji inge keechi mubeena kuchiina makatazho ne. ⁷ Muo mujishiinda jimootu, anweeba balume ikalai na bakazhi beeenu mwaila maana, byonka biji kipoompa kyanekena, wamuzhima. Mwafwainwa kwibapa muneema noobe baanswanyi ba buupe bwa buumi. Ubai kino pakuuba amba miloombelo yeenu ibule kufyaamika. ⁸ Kyapelako, anweeba boonse, ba muchima umo, bakwiingijila pamo, batemwaang'ana noobe baloongo, ba muchima wa waama, kabiji ne kwiikepesha. ⁹ Keechi mukabweezhe kibi pa kibi ine, naangwa mweenga pa mweenga ine. Mu byawaama, twajiijilai na bibusa, maambo pa bino mwaichilwe, amba mukaswaane jipeesho. ¹⁰ "Awa ukeeba kutemwa buumi ne kumona mooba a waama wafwainwa kuleka lujimi waanji kufuma ku byaatama kabiji ne mivuumbo yaanji kuleka kwaamba byabubela. ¹¹ Lekai aye afume mu byatama ne kuuba bya waama. Lekai aye akebe muteende ne kumuloondela. ¹² Meeso a Nkaambo Lesa amona bya oloka, kabiji ne maatwi anji omvwa miloombelo yaabo. Mino kiluungi kya Nkaambo Lesa kibatala bibi aba booba byatama." ¹³ Ye ng'anyi ukemuba kyatama anweeba inge mwasakisha kuuba kya waama? ¹⁴ Mino naangwa inge mwamanama na maambo a boololoke, anweeba mukapeeshiwa. Keechi mukachiine kuchiinya kwaabo ne. Keechi mwiikale ba katazhiwa ne. ¹⁵ Mino, zhijikai Kilishitu Nkaambo mu michima yeenu kwiikala wazhila. Ikalai be neengezha na kupaana mikuumbu ku boonse na maambo a luketekelo lo muji naalo- ¹⁶ byonka byo, ne na bukimote ne mushiingi. Mwiikale michima yatooka mukuuba amba mu byoonse byo ba kemuneenama bibi baantu baneena bibi bwiikalo bweenu bwa waama mwi Kilishitu bakoonshe kuleengeshiwa buumvu. ¹⁷ Kijitu buloongo, inge kyajiinga kya kusaka Lesa, amba mumaname na maambo a kuuba bya waama kukila kuuba bibi. ¹⁸ Kilishitu naaye wamanamijile buundenga maambo. Aye waoloka wamanamijile atweeba, ba bujile kooloka, pakuuba amba etuleete kwi Lesa. Wafwiile ku mubiji, kabiji wajiinga na buumi ku mupashi. ¹⁹ Mu Mupashi, waile na kusapwiila ku mipashi iji mu kaleya. ²⁰ Baleengulwiile lutekenesho lwa Lesa byo lwapeembejilenga mu mooba a Yona, mu booba a kushimika bwaato, kabiji Lesa wapulwiishe baantu bacheeche-batanu ne basatu-kupichila mu meema. ²¹ Akino kyo kifwaanyikizho kya lubatisho ki mupulusha anweeba pamo-keechi ko koovwa kufumya ndoochi pa mubiji, poso kukebesha bya waama kwi Lesa- moonka mu lusaanguko lwa Yesu Kilishitu. ²² Kilishitu uji ku kubooko kwa kiluujo lwa Lesa. Waile mwiulu. Ba malaika, ba lusa, ne ba bulume kasa banekenena kwi aye.