¹ Naanchi amiiwa keechi nakasuluka ne nyi? Naanchi amiiwa keecchi ne mutumwa ne nyi? Keechi namona Yesu Nkambo yeetu ne nyi? Anweeba keechi mwi ba mwiingilo pamo ne amiiwa mwi Nkambo ne nyi? ² Inge amiiwa keechi ne mutumwa ku bakwaabo, kyawaama ne mutumwa kwi anweeba. Pakuuba anweeba mwi kayuukilo ka butumwa bwaami mwi Nkaambo. ³ Kino kyo kya kwi pokololako kyaami ku booba ba ngeseka amiiwa: ⁴ Naanchi atweeba keechi tuuji na luusa lwa kuuja ne kutoma ne nyi? ⁵ Naanchi atweeba keechi tuuji na luusa lwa kusoongola mukazhi waitabila ne nyi, noobe byuuba batumwa boonse ne nyi, ne baloongo ba Nkambo, ne Kefasa ne nyi? ⁶ Nangwa yeenka amiiwa ne Banabasa yeetu twabula luusa lwa kwiingila pa kupoteshela nyi? ⁷ Ng'anyi wiingila noobe mushilikale pa luusa lwaanji mwiine? Ng'anyi ubyaala mung'anzang'anza ne ke kujaako kipaangwa ne? Nangwa ng'anyi ufuunga kipanyi kya ba ng'ombe ubula kutomako mukaka? ⁸ Bushe amiiwa na amba bino biintu pa luusa lwa bu muuntu nyi? Naanchi muzhilo naanji keechi wa amba bino ne nyi? ⁹ Pakuuba kya neembwa mu mizhilo yakwa Mosesa amba, "Keechi mubiike kya kukasa kanwa pa ng'ombe inge ubeena kuwaamisha nkuunwa ne." Naanchi ng'ombe Lesa keechi ye umulama ne nyi? ¹⁰ Aye naanchi keechi ubeena kwaamba pe atweeba ne nyi? Kya neembelwe atweeba, maambo awa ujima wafwainwa kujima muluketekelo, kabiiji ne yeewa ubyaala wafwainwa kubyaala mu luketekelo lwa kwabana mu kunoowa. ¹¹ Inge atweeba twa byaajila biintu bya mupashi mukachi keenu, bushe bituvujila atweeba kunoowa biintu bya ku mubiji kwi anweeba nyi? ¹² Inge bakwaabo ba mutaambwile luno luusa kufuuma kwi anweeba, naanchi atweeba keechi tuuji ne na lwabaya ne nyi? Mino atweeba keechi twaloombele luno luusa ne. Mino atweeba twakosejile byoonse kukiila kwiikala kuleka ku maambo awaama a kwa Kilishitu. ¹³ Keechi mwayuuka amba aba bengila mu kipwiilo bataambula kajo kaabo kufuuma ku kipwiilo ne nyi? Keechi mwayuuka amba bengijila pa bitapisho baabana mu byo batapisha pa bitapisho ne nyi? ¹⁴ Mo mu jishiinda jimootu, Nkambo wakambizhizhe aba basapwiila maambo a waama bafwainwa kutaambula bwiikalo bwaabo kufuuma ku maambo a waama. ¹⁵ Mino amiiwa keechi na loombapo pa bino bya luusa ne. Kabiiji amiiwa keechi na neemba bino byonkabyo amba baangubilepo bimo ne. Kya koonsha ku ngwamina amiiwa kufwa kukiila-nangwa umo ne ukaleengesha kwitoota kwaami kwiikala kwa tuutu! ¹⁶ Pakuuba inge amiiwa nasapwiila maambo a waama, amiiwa keechi nji maambo a kwiitotelamo ne, maambo amiiwa nafwainwa kuuba kino. Kabiiji jishamo jiikale kwi amiiwa inge nabula kusapwiila maambo a waama! ¹⁷ Pakuuba inge amiiwa nauba kino na kizaku, amiiwa nji na mfweeto. Mino inge inge nabula kizaku, amiiwa nkiji na bukalama bo ba mpeele. ¹⁸ Nga mfweeto yaami ka? byo nsapwiila, amiiwa nafwainwa kupaana maambo a waama kwa kubula kufweetesha kabiiji byonka byo kwakubula kwiingijisha luusa lwami loonse mu maambo a waama. ¹⁹ Pakuuba nangwa amiiwa na kasuluka ku byoonse, amiiwa naikele wa mwiingilo ku boonse, mukuuba amba nkoonshe kutaambwilapo byavula. ²⁰ Ku ba Yudea naikele noobe mu Yudea, mu kubiikapo ba Yudea. Kubooba ba muunshi ya mizhilo, amiiwa naikele noobe umo wa muunshi ya mizhilo mu kubiikapo booba ba muunshi ya mizhilo. Amiiwa kino nangwa amiiwa mwiine keechi najiinga muunshi ya mizhilo ne. ²¹ Kubooba ba paangye ya mizhilo, amiiwa naikele noobe umo wa paangye ya mizhilo, nangwa amiiwa keechi najiinga paangye ya mizhilo ya Lesa amiiwa mwiine ne, mino najiinga muunshi ya mizhiilo ya kwa Kilishitu. Amiiwa naubile kino mukuuba nkoonshe kuleetelapo aba bajiinga paangye ya mizhilo. ²² Ku banekena naikele wanekena, byonka byo amba nkoonshe kuuletelapo ba nekena. Amiiwa naikala biintu byoonse ku baantu boonse, byonka byo amba na mashiinda onse nkoonshe kupulushapo baamo. ²³ Amiiwa nguuba biintu byoonse na maambo a maambo a waama, byonka byo amba amiiwa nkoonshe kutaanwa mu mapeesho a byo. ²⁴ Anweeba keechi mwayuuka amba mu kunyeema banyeema boonse banyeema lubilo, mino amba umo ye utaambula kilaambu? Bybonka byo nyeemai mukataambule kilaambu. ²⁵ Unyeema yeense weseka kwiikanya mu biintu byoonse. Be kyuubila kutaambula munchinya wa mabuula onaika, mino atweeba twi kyuubila kutaambula ubula konaika. ²⁶ Onkao maambo amiiwa bino byo byo nyeema, keechi noobe kwakubula ene maambo ne; bino amiiwa byo byo ndwa, keechi noobe awa ubeena kupuma mweela ne. ²⁷ Mino amiiwa mpaana mubiji waami ne ku muleenga kwiikala muzha, byonka byo amba amiiwa panyuuma ya kusapwiila ku bakwaabo, amiiwa mwiine nkoonshe kufikilamo.