¹ Pano bya kuja byo batapishile ku bankishi: Twayuuka amba atweeba boonse tuji na maana. Maana aleengesha kwiumvwa, mino buteemwe a shimika. ² Inge uji yeense ulanguluka amba aye wayuuka biintu, awa muuntu keechi wa kiyuuka noobe byo a fwainwa kuyuuka ne. ³ Mino inge uji yeesne wateemwa Lesa, awa muuntu wayuukanyikwa kwi aye. ⁴ Onkao maambo, pa kuja kajo ko batapishelenga ku bankishi: Twayuuka amba nkishi mu ino ntaanda keechi kiintu ne kabiiji keechi kuji Lesa ne mino umotu. ⁵ Pakuuba nangwa inge kwajiinga bobeta amba ba lesa, nangwa mwiulu nangwa pa ntaanda(byonkabyo kuji bavula ba "lesa" ne ba "nkambo" bavula), ⁶ pano kwi atweeba kujitu Lesa umo, Taata, mwi aye mo muji biintu byoonse kabiiji atweeba mo mo twaikajila, ne Nkambo umo Yesu Kilishitu. kupichila mwi aye biintu byoonse mo byaikajila, kabiiji kupichila mwi aye atweeba mo mo twaikajila. ⁷ Nangwa byonka byo, ano maana keechi aji mu boonse ne. Mino, bamo kunyuuma ba popwejilenga ba nkishi, kabiiji bajile kano kajo noobe byajiinga biintu bimo byo batapisha ku nkishi. Milaangwe yaabo yakowela maambo yanekena. ⁸ Mino kajo keechi ka ketufikizha atweeba kwi Lesa ne. Keechi twaonaika inge twabula kuja ne, nangwa kyawaama inge twi kaja. ⁹ Mino ilamai amba kukasuluka kweenu kubule kwiikala ku muuntu wanekena ke kya kwituuntulako ne. ¹⁰ Pakuuba inge kyakuuba amba muuntu wimumona anweeba, unji na maana, sa muja kajo mu tempele wa nkishi. Naanchi milaangwe yaanji yanekena keechi ibweele ku kuja byo bapaana ku ba nkishi ne nyi? ¹¹ Byonka byo na maambo a kumvwiisha kweenu pa bukishiinka bwa ba nkishi, aba banekena, baloongo bo a fwiijile Yesu, baonaika. ¹² Amba, inge wibaleenga maambo baloongo boobe ne kukoonsha kunekena milaangwe yaabo, waleenga maambo kwi Kilishitu. ¹³ Onkao maambo, inge kajo kaleengesha muloongo waami kwi tuuntula, amiiwa keechi nkaja nyama jibiji ne, byonka byo amba amiiwa mbule kuleengesha muloongo wami kupona.