¹ pano noobe mwaila kukoonkanya byabupe bya baitabila, byonka byo nafuunjishe bipwiilo bya ku ngalatiya, byonkabyo ne anweeba mukoobe. ² pa juuba jitaashi ja muluungu, pa muuntu akatuule biintu biimo paambaji ne kwiibi suunga byonka byo mwakoonsha kusuunga. ubai bino pakuuba amba kukabule kukoonkanya byo nkeeya. ³ byo nkafika, ayo yense ye mukaswiisha, amiiwa nkamutuuma na makalata kutwaala byabuupe byeenu ku yelusalemu. ⁴ inge kya koonsheka ne amiiwa kuuya, kakaya ne amiiwa. ⁵ mino nkeeya kwi anweeba inge napita ku makedoniya. pakuuba nkapichila ku makedoniya. ⁶ byonka byo nafwainwa kwiikala nenu naangwa kupwiisha kiimye kya mashiika, byonka byo amba mukoosheko amiiwa pa lweendo lwaami, koonse ko ngya. ⁷ pakuuba amiiwa keechi ndanguluka kwimumona luuno na lupeempu lwakupitaila ne. pakuuba mbeena kuketekela kutaaya kimye kyabaya ne anweeba, inge nkaambo akaswiishe. ⁸ mino nkeekala mu efisesa poso ne ku juuba ja pentekositi, ⁹ pakuuba kibeelo kya baaya kya nshiinkukila amiiwa, kabiji muuji balwaanyi mwavula ¹⁰ pano inge timoti waiya, mukamoone kuuba amba uji ne anweeba kwa kuubula mooyo, pakuuba ubeena kuuba miingilo ya nkaambo, byoonka byo mbeena kuuba. ¹¹ kuleeka naangwa umo kumusuula ne. muka muka mukwasheeko pa lweendo lwanji mu muteende ,pakuuba amba aka koonshe kwi amiiwa .pakuuba amiiwa mbeena kumuketekela aye kwiiya naabo balongo. ¹² pano noobe na muloongo weetu apolosa, amiiwa na mutuundaikile kyaakosa kwi mupeempula anweeba na baloongo. mino keechi kyajiinga kusaka kwaanji ne amba eye luuno ne. mino, ukeeya inge kiimye kyawaama kyafiika. ¹³ ikalaai ba kukeenkenta, imanai bakosa mu lwitabilo, muube noobe baana baluume, ikalai bakosa. ¹⁴ leekai byoonse byomuuba byubiiwe mu buteemwe. ¹⁵ mwaayuka ba mu nzuubo yakwa setefanasa, amba bajiinga bataanshi kwaluka mu akaya, kabiji amba bepaana abo beene mu miingilo ya baitabila. pano ne mwambila anweeba, baloongo, ¹⁶ kwikaala mu lukookelo ku baantu ba byoonka bino ne ku boonse aba bakwaasha mu mwiingilo ne kwiingila ne atweeba. ¹⁷ amiwa nasekela pakwiiya kwa setefanasa, fotunatusa, ne akaikusa. ba piingakena pa kubuulwapo kweenu. ¹⁸ pakuuba baikizha mupashi wami ne yeenu. byoonka byo pano, nemekai baantu ba byoonka bino ¹⁹ bipwiilo bya ku asha byatuma miteende kwi anweeba. akwila ne pulisila be mwiimuna anweeba mwi nkaambo, na kipwiilo akya kiji mu nzuubo yaabo. ²⁰ baloongo boonse be mwiimuna anweeba. imunai umo ne mukwaabo na kwiifyompa kya buzhiile. ²¹ amiwa, paulo, na neemba bino na kubooko kwami mwiine. ²² inge uji yeense keechi wateemwa nkaambo ne, lekai apeewe maambo. nkaambo yeetu, iyai! ²³ bupe bwa nkaambo yesu bwiikale ne anweeba. ²⁴ buteemwe bwaami bwiikale ne anweeba boonse mwi kilishitu yesu