¹ Yesu wengilile kuenda wapitile vo Jeriko. ² Tala, kuakala ulume ume onduko yahe Sangeo. Wakala soma ya va kuakutambula elisimu kuenda wakala ohuasi. ³ Wasandele okumola Yesu eye elye, kuenje koumuile omo liowingi, momo wamtutile. ⁴ Oco walupukila kovaso yo manu kuenda walondele kuti ulemba oco aumole, momo Yesu wakala lo kupita konele yaco. ⁵ Eci Yesu eyilepo paco opo, wavanjele kilu kuenje wapopiele kokuahe, ''Sangeo, tuluka posi lonjanga, omo etali ndikala ponjo yove.'' ⁶ Oco watuluka posi lonjanga kuenda wauyolela lesanju. ⁷ Eci vosi vacimuile eci, vosi valiyeyele, oukupopia, ''wanda vokati okunyula ulume ukue kandu.'' ⁸ Sangeo wavotokele kuenje wapopiele ku Ngala, ''Tala, a Ngala, onepa yuhuasi wange ndiyeca kolosuke, kuenda nda ngasi lu ndakembelele cimue, ndutiuwiya olonjanja vikuala vio njongo.'' ⁹ Yesu wapopiele kokuahe, ''etali eyovo lieya konjo yilo momo lahevo omola wa Vilahama. ¹⁰ Omo omola munu weyile okuyovola kuenda okusandiliya omanu vana vanyelela.'' ¹¹ Oco eci vayeva ovina evi, wamisile ko okuvangula kuenda wavasapuilile olusapo, momo wakala ocipepi lo Yelusalei, kuenda vassimile ndakati usoma wa Suku ulaika okumoleha ndopo. ¹² Oco apopiele nda kuti, ''umue mbuale ulume wandele ko feka kupala okukatambula usoma wahe muele kuenda lo kutyuka. ¹³ Wakovongele akui volondingupange kuenje wavahile ekui liolopalata kuenje wapopele kokuavo, 'landisi te eci ndituika? ¹⁴ ''Pole va kua feka yahe vousuvukie kuenda vautumisile omunga kokuaha, lolkupopia, 'katuyongola ulume u otuviala.' ¹⁵ Camolehele eci atuikile, pokutambula usoma, wakisikile olondigupange kuava ahile olombongo wava vilikiyala kokuahe, oco akulihe ofeto yeci vakala lokulandasa omilu. ¹⁶ ''Watete weyile kokuahe, okupopia, ''A Ngala opalata yove kualivokiya vali ekui.' ¹⁷ ''Mbuale ulume wapopele kokuavo, walinga ciwa, undingupange yiwa. Momo wakuatele ekololo vokacina katito, okuete omoko yokuviala ovambo akui. ¹⁸ Wa vali weyile, okupopia, 'opalata yove, a Ngala, kualivokiya olopalata vitalo. ¹⁹ ''Mbuale ulume wapopele kokuahe, 'otumila ovambo atalo.' ²⁰ ''Ukuavo weyile, okupopia, ''A Ngala, opalata yove hai, ndaiselekele ciwa pokananga, ²¹ Omo ndakuata usumba love, momo ove umunu umue okisika. Obata eci kuakapele, kuenda ungula cina kua wayel.' ²² ''Mbuale ulume wapopele kokuahe, 'kolonda viove muele oko ndukusombisila, ove undingupange yowesi. Wakulihile akuti ndumunu umue okasika, ndiyelola ecci sakapele, kuenda nduingula cina sawayele. ²³ Noke nye kuakapelele olombongo viaange vombango, oco ndakuti eci ndituika nda vitambula lo sindike?' ²⁴ ''Mbuale ulume wapopiele kokuavo vatalama lapo, utambuli opalata ko kuahe, kuenda oceca ku okuete ekui liolopalata.' ²⁵ Vapopele kokuahe,' A Ngala, u okuete ekui liolopalata.' ²⁶ '''Ndipopia lene, ndakuti u wosi okuete vauvokiya ko, polo kuyuna kakuete, ndango hakana akala lako voutambula lako. ²⁷ Pole ovanyali vange, vana kavayongol ame okuva viala, vaneni kulo kuenda vapondeli kvaso yang.''' ²⁸ Eci apopele ovina evi, wandele kovaso, kuenda toke ko Jelusalei. ²⁹ Ceyile okuti eci eyile ocipepi ko Betefange kuenda ko Batania, ko munda yitukuiwa Olivela, watumile olondonge vavali, ³⁰ Okupopia, ''kuendi vimbo liokovaso. Eci wingili, ukasangi okacimbulu handi kavalandelako. kakutululi kuenje kaneni kokuange. ³¹ Nda umue okupulisi, nye ukakutuluili? Popi, Ngala okasukila.''' ³² Vana vatumiwile vandele kuenda vasanga okacimbulu ndomo Yesu avasapuilile. ³³ Eci vakala okukutulula okacimbulu, vamuele vapopia kokuavo, ''nye ukutuluila okacimbulu? ³⁴ Va popiele, ''Ngala okasukila.'' ³⁵ Vakanenele ku Yesu, kuenje vayala ko olonanga viavo koka cimbulu kuenje vatumalisileko Yesu. ³⁶ Eci andele, vayalele olonanga vetapalo. ³⁷ Eci akala kalie kocitumalo kuna omunda yo Olivela yalokila, owingi wosi wolondonge vafetikile okusanjuka kuenda va sivayele Suku lo ndaka yokukaluka kupange una wosi wa cime, ³⁸ Okupopia, ''asivayiwe osoma wiyilila vonduko ya Ngala! Ombembua kovailo kuenda ulumba kovanene!'' ³⁹ Vamue va Faliseo vo wingi vapopele kokuahe, ''ulongisi, uhisa olondonge viove.'' ⁴⁰ Yesu wavatambuluile kuenda wapopele, ''ndukusapuili, nda ava vahile ovawe nda vakaluka.'' ⁴¹ Eci Yesu apitila ocipepi limbo, oco walililila, ⁴² Okupopia, ''nengo oco wakulihiwa cilo, nengo ove, ovina nyukunenela ombembua! Masi kalie viselekiwa vovaso ove. ⁴³ Omo oloneke vikeya pokuove eci anyali vove vakatunga ongumbu okukunguala kuenda okungualiwa lokukusinda olonele viosi. ⁴⁴ Vakaku kupuila posi, kuenda lomola vove. Kavakasia ndango ewe limosi kilu liukuavo momo kualimbukile otembo yove yokunuliwa.'' ⁴⁵ Yesu wangilile vonembele kuenda wafetikile okutundisamo vana vakala lokulandisa, ⁴⁶ Okupopia lavo, ''casonehiwa, 'onjo yange yikakala onjo volohutililo, ' masi ene wayipongololi ocilala covingumba.'' ⁴⁷ Oco Yesu wakala lokulongisa oloneke viosi vo nembele. Ovitunda vinene kuenda vakuavisonehewa vakala oku usandiliya oco vopone, omo vakala asongui vo manu, ⁴⁸ Masi kavasangele onjila yo ku cilinga momo omanu vosi vakala oku uyevelela lutate.