¹ Noke wasapuile volusapo ndomu otembo yosi vasesamela okulomba kuenda kava katuike koyimbo, ² Okupopia, ''Vimbo limue kuakelele u sombisi una kanda okutila Suku kuenda kasumbilile omanu. ³ Kalie muakalele ocimbumba vimbo lina, weyaya olonjanja vialua ko kuahe, okupopia, 'nguatise nyihe esunga ku nyali wange.' ⁴ Otembo yalia koyonguile oku kuatisa, masi noke yaco wapopiele kokuahe muele, 'ndango nda sisokutila Suku ale okusumbila omanu, ⁵ Oce momo ocimbumba eci cinditatayisa, ndu kuatisa okuwiha esunga, oco okuti kanditatayisa liokuiyaya kuahe otembo yosi.''' ⁶ Noke Ngala wapopiele, ''yeveleli eci onganji ivangula. ⁷ Kaliye Suku kakanena vo esunga komanu vahe onala vana valila utanya uteke? Eye ova ecelela otembo yalua vo kuavo. ⁸ Mopia lene siti onena esunga kkuavo lonjanga. Nengo oco, eci omola omunu eya, osanga muele ekolelo kilu lieve?'' ⁹ Noke wavanguile vo olusapo kuvana valikolelele ovo muele. Okuti valipua kuanda vapembula vakuavo, ¹⁰ ''Alume vavali vandele toke konembele. Loku lomba - umue wakala Ufaliseo ukuavo ukua kutambula elisimu. ¹¹ Ufaliseo watalamele. Kuenje walombele eye muele ovina evi, ''ASuku, ndiku pandula okuti sikasi ndeci omanu vakuavo - ovimunu, omanu vana kavolipuile, vakahonga - ale ndeci u kutambula elisimu. ¹² Ndikua kuli kandangiya olonjanja vivali volo simanu ndisokueca ovilumba kovina viange viosi ndi kuata.' ¹³ Masi ukuakutambula elisimu, watalamela kupala, kapetuile ovaso ahe kilu, masi oliveta ponete, okupopia, ASuku, nguatele ohenda, ame ndikua kandu.' ¹⁴ Mopia lene siti, ulume u watuikilile konjo yahe wasungulukile okupitahala ukuavo, pole u wosi olitepulula eye muele wamisiwa.'' ¹⁵ Omanu vakala okunena omala vatito oco ava kuate vo, masi eci olondonge via cimola, vavalikalisile. ¹⁶ Masi Yesu wavavilikiyile ko kuahe, okupopia, ''tavisi otumala tutito tuiye ko kuange, kuenje koka valikalisi. Momo usoma wa Suku usesamela ovo. ¹⁷ Ocili mopia lene, u wosi katmbula usoma wa Suku ndo kamola, kaka ngila mo.'' ¹⁸ Umue ombiali wapulile, okupopia, ''ulongisi uwa, ndinga nye okuingila vomuenyo kopui?'' ¹⁹ Yesu wpopiele lahe, ''nye undivilikiyili uwa? Lomue uwa, okupako Suku lika. ²⁰ Wakulihi ovihandeleko - kuka linge ukahonga, kuka ponde, kuka nyane, kuka ambe uvangi wesanda, sumba tate la nyoho.'' ²¹ Ombiali wapopiele, ''ovina viosi evi nda vikuamele otembo ndakala ukuenje.'' ²² Eci Jesu aciyeva, wapopiele ko kuahe, ''ocina cimosi osukila. Te olandisa viosi vina okuete kuenda ovitepisa kolo hukui, kuenje okala luhuasi kilu - kuenje enju, ndikuame.'' ²³ Masi eci ombiali ayevele ovina evi, wasumuile calua, monda eye wakala ohuasi inene. ²⁴ Noke Yesu, okumola wasumua wapopiele, ''ndomo catila olo huasi, okuingila vusoma wa Suku! ²⁵ Caleluka ngamelo okupita viso lio nguya, okupitahala ohuasi okuingila vusoma wa Suku.'' ²⁶ Vana vakala oku ciyevelela vapopele, ''noke helie opopeliwa?'' ²⁷ Yesu watambuluile, ''ovina kavitaviwa lomanu vitaviwa la Suku.'' ²⁸ Petulu wapopiele, ''ciwa, etu tuasha viosi vina vietu kuenje tuakukuama ove.'' ²⁹ Yesu noke wapopele lavo, ''ocili, mopia lene siti lomue washa onjo, ale ukai, ale vamanji, ale olonjai, ale omola, omo liusoma wa Suku, ³⁰ Una katambuli calua vali otembo ilo, kuenda kolo neke viyako, omuenyo kopui.'' ³¹ Pana okuti wongolola akui lavavali kokuaha, wapopelemlavo, ''vanji, tua kuenda toke ko Jelusalei, kuenje ovina viosi vina via sonehiwile kolo Plofeto vio mola omunu vi telisiwa. ³² Omo eye okaciwa kuva kua lofeka, kuenje ofuanguiwa, okutisua osonyi, kuenda osiyiwa ovatee. ³³ Pana okuti voveta, vakauponda kuenje keteke lia tatu opinduka vali.'' ³⁴ Lacimue cava lombolokelepo kovina evi, kuenda olondaka via selekiwile kokuavo, kuenje ovina viapopiwile kavia valombolokele. ³⁵ Ceyile okuti, eci Yesu apitilile ko Yenko, ulume umue omeke watumala konele yonjila okupinga, ³⁶ kuenje poku yeva owingi ukasi okuenda, wapulile nye cikasi loku moleha. ³⁷ Vasapuilile hati Yesu u Nasale wakala lokupita. ³⁸ Oco omeke yalilile okupopia, ''a Yesu, omola a Ndaviti, nguatele ohenda.'' ³⁹ Vana vakala okuendela kovaso valikalisile omeke, okusapuila okuha. Masi walile ngo, ''a mola a Ndaviti, nguatele ohenda.'' ⁴⁰ Yesu watalamelengo kuenje wahandelekele omeke okuti omunu uneni kokuange. Noke eci omeke yakala ocipepi, Yesu wopulile, ⁴¹ ''Nye oyongola ame oku kulingila?'' Wapopele, ''A Ngala, ndiyongola oku ndi letulula.'' ⁴² Yesu wapopiele lahe, ''letuluka. Ekolelo liove liaku kaisa. ⁴³ Opo muopo eye waletulukile kuenje wo kuama, okusiaya Suku. Omanu vosi, poku mola eci, va sivaya Suku.