¹ Lino lye liji lya Yehova lize lyejile kuli Zefaniya mwana wa kushi mwana wa Ngendaliya mwana wa Amaliya mwana wa Hezekiya, ha matangwa ja yosiya mwana wa Amone, mwanangana wa Yunda. ² "Mungwonona yuma yeswe ya hano hashi - chino che kuhanjika cha Yehova. ³ Mungwonona atu nyi tushitu; mungwonona tujila a mumalilu nyi yishi amutulunga lwiji, mungulimbula yingulungulu yeswe. Mumu munguchizaho akwa hashi - chino che kuhanjika cha Yehova. ⁴ Mungumwesa lamba hali akwa Yunda nyi akwa Yizalele eswe. Mungunongesa masalila eswe waze akuwayila mbale ha chihela hano nyi majina ja waze akuwayila tu mazambi hakachi ka asasendote, ⁵ atu waze ali hafulumba waze akuwayila yuma ya mwilu, nyi atu waze akuwayila nyi kulishinga ha jina lya Yehova alyoze ka kulishinga nyi kujina lya mwanangana wo. ⁶ Mungunongesa nyi waze halitwamina kukawula Yehova, waze keshi kufupa Yehova chipwe kumuhula." ⁷ Twamenu kulu kumeso ja Yehova! Mumu tangwa lya Yehova hi lya kundama hakamwihi; Yehova halulika mulambu nawa hanawasela ku usandu. ⁸ "Mulikeza lye tangwa lize Yehova makalambula, mungukamwesa lamba akwa lutwe nyi ana ja myanangana nyi yoze mweswe mazala mazalo ayilambala. ⁹ Hatangwa lize mungu kamwesa lamba eswe waze akuwayila mahamba, nyi waze akushiha atu akuzalisa mazuwo jo nyi pupa. ¹⁰ Chocho muchikapwa ha tangwa lize -chino che kuhanjika cha Yehova - mbimbi yalamba kumuyikakatuka ku kuchilo cha yishi, mbimbi kukatuka ku limbo lya muchali, nji zungo linji lyua kulipupa kukatuka hamilundu. ¹¹ Mba munulila mbimbi, yenu waze nwatwama ku mwanda wa limbo, mumu atu eswe akwa Kenana kumanonga; waze eswe akulanjisa piulata kuma kawanongesa. ¹² Mulikeza hashimbu lize mungupolongoza Yelusaleme nyi ndeya nyi kumwesa lamba atu eswe waze hana twama mu vinyu nyi kuhanjika kumbunge yo ngwo, 'Yehova kechikulinga nyi chimwe, chipwe chipema chipwe chipi.' ¹³ Yikumba yo kumayipupa , nyi kupuzula mazuwo jo! kumatunga mazuwo jo mba kechi katwamamo, nyi kutumba mitondo alyoze kechi kanwa ku vinyu ya mitondo atumbile. ¹⁴ Ntangwa linene lya Yehova hilya kundama, hilyakundama kulineza nyi kawashi! Zungo lya tangwa lya Yehova mulikapwa ngwe muze tujita akukololoka usasu! ¹⁵ Tangwa lize mulikapwa tangwa lya utenu, tangwa lya kupinda nyi misongo, tangwa lya kwenyeka nyi kwonona, tangwa lya ufuku nyi chifuka nyi milima nyi malelwa. ¹⁶ Mulikapwa tangwa lya mbinga ja panga nyi kukololoka hali tujita nyi kulwa membo akukoleka nyi mazuwo asuku asuku. ¹⁷ Mumu munguneha lamba hali akwa hashi, hanga akende kwe tupuputa mumu havulumuna kuli Yehova, manyinga jo mawamwanga ngwe mavu anaholoka, nyi mijimba yo muyikupuka vumba lipi. ¹⁸ Pulata chipwe olu kuyichi kawalamwina hatangwa lya utenu wa Yehova. kumakatuma kahya ka utenu kaze mukakonwona akwa hashi eswe, mumu masa songo lya kwonona, kuli eswe akwa hashi"