¹ Nakunjika kuli yenu Fwepe ndumbwetu , yiye kavumbi ka chikungulwila chaku Senekelya , ² hanga nukamutambule muli Mwene . Lingenu chino majila yatela asawndu ja Zambi , nawa numwehe ukwaso weswawo mafupa kuli yenu , mumu yiye hanapu mukwa kukwasa anji nyi kuli yami nawa . ³ Numeneka Pulisela nyi Akwila , akwa milimo nyi akwetu muli Kilishitu Yesu , ⁴ waze mumu wa mwono wami asele myono yo muukalu . Ayo naha kusakwila , hiyamiko wika , alyoze yikungulwila yeswe ya akwa mavungu . ⁵ Numeneka chikungulwila chize chili muzuwo lyo . Numeneka Epemetu mukwetu wa zango , yoze wapwa muhuko utangu ku Asiya kuli Kilishitu . ⁶ Numeneka Maliya yoze wakilikichile nyi ngolo hali yenu . ⁷ Numeneka Andulonyiku nyi Yuniya , usoko wami nawa funge nyi akwetu . O kananyingika chinji kuli apositolo , nawa waze apwile muli Kilishitu . Shimbu te yami kanda . ⁸ Numeneka Amafwiya , mukwa zango wami muli Kilishitu . ⁹ Numeneka Ulepanu , mukwa milimo nyimukwetu muli Kilishitu nyi Setachi , mukwetu mukwa zango . ¹⁰ Numeneka Apeleshi , hanamushindakenya muli Kilishitu . Numeneka akwa muzuwo lya Alisetopulu . ¹¹ Numeneka Heloshone , usoko wami . Numeneka akwa zuwo lya Nasesu waze ali muli Mwene . ¹² Numeneka Tilafena nyi Tilafosa ,akwa kukilikita muli Kilishitu . Numeneka Pelese mukwetu wa zango , yoze wa kulikita chikolo muli Kilishitu . ¹³ Numeneka Lufusa , hanamusakula muli Mwene , nyi naye nawa mama . ¹⁴ Numeneka Asinekilitu , Fulejone , Hemesa , Patoloba , Hemase , nyi mandumbu waze ali hamwe no . ¹⁵ Numeneka Filangosa nyi Yuliya , Neliu nyi ndumbwenyi , nyi Olimpasa , nyi eswe asandundu ja Zambi ali no . ¹⁶ Limenekenu umwe nyi mukwo nyi mbeja yisandu . Yikungulwila yeswe ya Kilishitu yinanumeneka . ¹⁷ Halyapwila nguna lyumbu kuli yenu , mandumbu , nu nyonge hali waze ananeha kulihandununa nyi kutalingisa . O kahyana ha longeso lize nwalilongesele . Katukenu kuli ayo . ¹⁸ Mumu athu ngwe wano keshi kulingila Mwene Kilishitu , alyoze majina jo ene . Ku maliji jo akulembejeka nyi kutangula kakwonga mbunge ja athu alelu . ¹⁹ Mumu kwononoka chenu hichinafumana kweswe . Nakuwahilila , keshika , hali yenu , mba ngunazange nupwe nyi mana ku yize yipema , nyi kusamba kuyize yipi . ²⁰ Zambi wa sambukila kumakafwenya Satana kwishi lya yilyato . Vumbi lya Mwene wethu Yesu Kilishitu lipwe nyi yenu . ²¹ Timotewu , mukwa milimo nyi mukwetu , kananumeneka , nyi Luseu , Yosone nyi Sosepatele , usoko wami . ²² Yami , Telusu , unasoneka uno mukanda , ngunanumeneka muli Mwene . ²³ Ngayu , mukwa kunguzumbula nyi chikungulwila cheswe , kananumeneka . Elasetu , kaselo ka limbo , kananumeneka , hamuwika nyi ndumbu Kwatu . ²⁴ Vumbi lya Mwene wethu Yesu Kilishitu lipwe nyiyenu eswe . Amena . ²⁵ Halyapwila kuli yoze unahase kunutakamisa kulita nyi sango lipema lya yami nyi kwambujola cha Yesu Kilishitu , nyi kulita nyi usolwelo wa chijimbikilo chize aswekele chize ku shakulu , ²⁶ alyoze hapwila hanachisolola kupalikila mu yisoneko ya apulofeta kuyinyingikisa ku mavungu eswe , kulita nyi chiyulo cha Zambi wa mutolo , kuneha kwononoka cha ufulyelo . ²⁷ Kuli Zambi wa mana , kupalikila muli Yesu Kilishitu , kupwe uhenya myaka ya mutolo . Amena .