¹ Mukwa kumwanga kaneza alimike nyi yenu. Fungenu yipanga ya limbo, talenu majila, lijichikenu mu mazalilo, senu tachi jenu jeswe ha muwika takamenu. ² Mumu Yehova himahilwisa uhenya wa Yakomba ngwe uhenya wa Isalele, chipwe akwa lwenyeka akuwishile nyi kwenyeka mitango ya mivinyi yo. ⁴ Matemba a jita kana chungula mu majila; kanalihiji mu malindalinda ama jila. Kanasoloka ngwe masoko a kahya nyi ku peyima ngwe mihenyo. ⁵ Yewuluka wakwa lutwe; no kanatalinga muze anayi ku chipanga; apwile nyi tambu nyi kulukuka chihunda. lukepwe wo munene hamululika afunge akwa kupuzula chipanga. ⁶ Yajilo ya lwiji hayazulula, nyi wanangana hiwaholoka. ⁷ Mwazovu hamukwata hamumbata; ndungo jenyi a mapwo kanashikunwoka ngwe membe, nyi kuli lamba lamba ha mapambo , nyi yinyengo. ⁸ Ninive halumuka ngwe chitende cha meya, nyi atu jacho kanachina ngwe meya wa anapukumuka. Akwa kana kololoka, "Manenu, manenu," alyoze nyi umwe wateulukile. ⁹ Mbatenu palata nupupe, mbatenu olu nupupe, upite uliko wa kulumbama kuushi kuhwa, kuwuhenya wa yma yipema yeswe ya Ninive. ¹⁰ Ninive hapwa hululu; hululu mushi nyi chimwe. Mutu mweswe mbunge Yinalezumuka, mutu mweswe makungwinya kanachikima, nyi misongo mweswe muyihanda ya mbunda; meso eswe hanalumuka a woma. ¹¹ Chivwenge chandumba chilihicho, muma muze akulishila mievu a tambwe, wendelo wa ndumba nyi yihwo jo, kuze te ana jo akutwama kanawa? ¹² Ndumba hashiha kashitu kenyi yamu papujolela ane nyi ; yapangila chihwo chenyi, nyi kuzalisa chivwenge chenyi nyi yifwo ya kupapulwola. ¹³ Tala, ngnalimika nyi yenu - chekwamba cha Yehova wa tujita. Keshika mungocha matemba jenu a jita nyi mwishi, nyi katana malya mieve jenyi a ndumba, munguteta kulya chenyi hashi, nyi liji lya mikeji jenu kechi kalivwa nawa."