¹ Liji lya kutwala ku Ninive . Mukanda wa usolwelo wa Nahume, wa ku Elekoshete. ² Yehova kali Zambi ya ukwa mukwa kukala milonga; Yehova mukwa kukala milonga nyi ufwatulo wenyi; Yehova kakuhilwisa upi kuli akwa kole jenyi, ufwatulo wenyi wushi kuhwa kuli akwa kole jenyi. ³ Yehova keshi kutenuka nyi kawasha alyoze tachi jenyi jinene; yingulungulu keshi kasambisa. Yehova kuze anendela kwakupwa chijimbi nyi yinene, nyi malelwa kapwa fufuta ku yilyato yenyi. ⁴ Kakukanjisa kalunga lwiji nyi mukumusa; kakumisa njiji jeswe. Mbashane hana zeye , nyi kamela neye; nyi temo ya lebano ya kuzeya. ⁵ Mulundu yakunyingika ku meso jenyi, nyi mindundena ya kusangunuka; hashi kuhakwalumuka ku meso jenyi lume, chifuchi nyi atu eswe atwamaho. ⁶ Yiya mahasa kulihumikiza nyi utenu wenyi? Iya mahasa kulimika nyi ufwatulo wenyi? Ufwatulo wenyi uli ngwe kahya kaze amwanga, nyi mawe kakupuzuka ku meso jenyi. ⁷ Yehova iye mupema, kakufunga atu jenyi ha matangwa a lamba; kananyingika waze akuswamina muli iye. ⁸ Alyoze manongesa akwa kole jenyi eswe ngwe sango linene lya meya; makahanga akwa kole jenyi ndo mu milima. ⁹ Kuchi nunamutwama punga Yehova? Kumakanwonona; ukalu ushikeza kamuchali. ¹⁰ Ngwe mingonga ya kulimba limba ngwe china cha yi zenge, makawema ngwe mwambu umu. ¹¹ Muli Yena, Minive mwakatukile umwe nyi manyonga aungulungulu watwamine Yehova, punga mukwakuyula mupi. ¹² Che anambe Yehova ngwenyi, "Chipwe kali akwa tachi jinji anji mukwalula, chipwe chocho makashaha; Atu jo makafwa. Alyoze ena, Yunda: Chipwe hina kupinjisa, shikakupinjisa nawa. ¹³ Halyapwila mungupatwola kuli ja atu kufuma kuli Yenu; muka patwola malenge enu." ¹⁴ Yehova hahana shimbi ha kutwala kuli Yena, Ninive: "Kechi kapwa nawa nyi vungu mulikalindula jina lye nawa. Mungukatetako tuponya twa kwole nyi twa kuzuzulula kufuma mu mazuwo ja mazambi jo. Mungu wahisa fuka lye mumu uli mukwa luchisa." ¹⁵ Talenu ha milundu hali molu ja umwe kananeha sango lipema, yoze unatambakana sambuykila. Wahililenuj mu yiwanyino yenu, A- Yunda, hetesa chilakenyo che, ya kulishinga, mumu chingulungulu keche kanjila nawa; hamutetaho.