¹ Ha uputukilo hapwile liji nyi liji lyapwile hamwe nyi Zambi , nyi liji lyapwile Zambi . ² Yiye wapwile ha uputukilo ha mwe nyi Zambi . ³ Yuma yeswe ayi longile mutachi jenyi , nyi kukushi yiye kukwapwile nyi chimwe cha tangiwile chize hanatange. ⁴ Muli yiye mwapwile mwono nyi mwono wapwile pangu lya atu . ⁵ Pangu lyakupanguka mumilima , nyi milima kuyayi kumbileko. ⁶ Kwapwile lunga umwe yoze atumine kukatuka kuli Zambi , jina lyenyi Yowano . ⁷ Yiye wejile ngwe chela akashindakenye ha lye pangu , hanga eswe akafulyele muli yiye . ⁸ Yowano hi yiye pangu ko alyoze wejile akasele shindakenyo lya pangu . ⁹ Pangu lya mwenwmene lya kupanguka kuli eswe te lineza hashi . ¹⁰ Haneza hashi , nyi hashi akatangile muli yiye , nyi he hashi kuhamu nyingikineko ¹¹ wejile kuli hi nyenyi , mba hi nyenyi kamutambwile. ¹² Mba waze eswe anji amu tambwile , waze afulyele ha jina lyenyi , wahele tachi ja kupwa ana ja Zambi . ¹³ Waze kasemukine kumanyinga , nyi chipwe kutachi ja kumusunya hanji ku upale wa mutuka alyoze wa Zambi . ¹⁴ Chocho liji lya lumukine musunya mba lyatwamine nyi yetu. Hitwamona uhenya wenyi , uhenya ngwe wa yoze yiye wika wejile kukatuka kuli Tata wazalato nyi vumbi nyi umwenemwene. ¹⁵ Yowano wa shindakenyene hali yiye nyi kukololoka helu ngwenyi, '' Yono mwe uze nambile ngwami , ' yoze meza munyima yami kanangu hyana yami , mumu yiye walyangile ami kanda .''' ¹⁶ Mumu kukatuka kukulumbama chenyi etu eswe hi tunatambula vumbi nyi ha vumbi. ¹⁷ Chize chene ngwe shimbi aji hanyine kuli Mose . Vuumbi nyi umwenemwene yejilile muli Yesu Kilishitu . ¹⁸ Nyi umwe yoze hana mono Zambi ; mwe Zambi wika , yoze uli kusali lya Tata, chocho ha namusolola. ¹⁹ Yino yeshindakenyo ya Yowano muze A-Yunda atumine asasendote nyi A-Levi kukatuka ku Yelusaleme nyi kumuhula ,'' Yena yiya?'' ²⁰ Watayijile- kalikalile alyoze watayijile - ngwenyi '' Hiyami Kilishitu ko '' ²¹ chocho amuhulile ngwo, '' Mba yena yiya? Yena yiya?'' Yiye wambile ngwenyi , '' Hiyami ko''. Ayo ambile ngwo '' Yena pulofeta?'' waqkumbulwile ngwenyi , ka. ²² Chocho ambile kuli yiye ngwo, '' Yena yiya hanga tukahane kumbululo kuli waze atutumanga? Kuchi unalivuluka yena mwene?'' ²³ Aye wambile ngwenyi, '' Ami yami liji linakololoka mupuya : ngwo lula lilikenu jila ya Mwene ,' chize chene ngwe pulofeta Yisaya wambile.'' ²⁴ Amwe akuli A-Fwaliseu atumine , ²⁵ nyi ayo amuhulile nyi kwamba kuli iye,''mumu yika wakupapachishila nyi hi yena Kilishitu ko chipwe Pulofeta?'' ²⁶ Yowano wakumbulwile nyi kwamba ngwenyi , ''Yami naku papachisa nyi meya . Mba hakachi kenu hali umwe yoze ku nwanyingikine . ²⁷ Mwenawo meza munyima lyami , nyi miya ya luhaku wenyi chatelele kujitula .'' ²⁸ A yino yuma ayilingilile mu Mbetaniya kusali likwo lya Yondau , kuze Yowano wapwile nyi kupapachishila. ²⁹ Mba tangwa lya chileko Yowano ya mona Yesu kaneza kuli yiye nyi ye yamba ngwenyi ,'' Talenu , mwe mwana- pangawa Zambi yoze machiza shili ya akwa hashi ! ³⁰ Au mwe uze naqmbile ngwami , yoze meza munyima kanangu hyana yami , mumu yiye wapwileko shimbu yami kanda.' ³¹ Chamunyingikine, alyoze chocho hanga aka hase kumusolola kuli A-Izalele ngwo nejile nyi kupapachisa nyi meya.'' ³² Yowano wa shindakenyene nyi kwamba ngwenyi , '' Na mwene mwe Shipilitu mahulumuka ngwe katele kukatuka mwilu , mba nyi kutwama hali yiye. ³³ Chamunyingikine yiye, alyoze yoze wangutumine nyi kupapachisa mu meya wambile kuli yami ngwenyi , ' Hali mweswawo mukamona mwe Shipilitu mahulimuka nyi kutwama hali yiye , mwenawo mapapachisa muli Shipilitu Musandu .' ³⁴ Hinalinga nyi kumumona nyi sela shindakenyo ngwami au mwana Zambi.'' ³⁵ Cheka nawa muze kwachile muze Yowano wa manyine nyi tumbaji jenyi aali , ³⁶ o amwene Yesu kanende te , nyi Yowano yamba ngwo ,'' Talenu , mwe mwana mukoko wa Zambi. ³⁷ Tumbaji jenyi aali amuvwile mahanji chino chocho akawile Yesu. ³⁸ Mba Yesu walumukine wa mwene kanamu kaula nyi wambile kuli ayo ngwe nyi , '' Yika nuna fupu?'' Akumbulwile , ''Mwene'' {kuchilumbununa ngwe ''longeshi''} , '' kuli kuze unatwama? '' ³⁹ wambile kuli ayo , '' Tweyenu numone .'' Mba ejile no amwene kuze apwile nyi kutwana; nyi ayo atwamine nenyi lize tangwa , mumu yapwile te ola ya muchilikumi. ⁴⁰ Umwe wa waze aali amuvwile Yowano mahanjika mba hanga amukaule yiye Andeleu, mwakwo ya Semone Petulu . ⁴¹ Chingu wa wanyine yayo Semone nyi wambile kuli yiye , '' Hi twawana mwe Mesiya '' { kulumbununa ngwo yiye Kilishitu}. ⁴² Wamunehene kuli Yesu nyi Yesu wamutalile nyi kwamba ngwenyi , '' Yena Semone mwana wa Yowano. ''Yena makakusanyika ngwo Sefwa '' { linalumbunuka ngwo Petulu}. ⁴³ Muze kwachile , Yesu wazangile kuya ku Ngalileya , yiye wawanyine Fwilipu mba yamwamba ngwenyi , '' Ngukaule yami.'' ⁴⁴ Achi Fwilipu wa katukile ku Mbeteseta che chihunda cha Andeleu nyi Petulu . ⁴⁵ Fwilipu wa wanyine Natanele nyi wambile kuli yiye ngwenyi , '' yoze Mose hanamusoneka mumi kanda yenyi ya shimbi nyi apulofweta , hi twamuwana : Yesu mwana wa Yosefwe wa ku Nazale. ⁴⁶ Natanele yamba kuli yiye ngwenyi , '' Chuma chimwe chipema muchihasa kukatuka ku Nazale?'' Fwilipu yamba kuli yiye ngwenyi , '' Tweya mba umone ''. ⁴⁷ Yesu wa mumwene Natanele kaneza kuli yiye nyi ye wambile kutwala kuli yiye ngwenyi, '' Talenu ka Izalele wa mwenemwene muli yiye kumushi mahuza.'' ⁴⁸ Natenele wambile kuli yiye ngwenyi , '' Kuchi unangunyingika ?'' Yesu wamukumbulwile nyi kwamba ngwenyi , '' Shimbu Fwilipu kanda achikutambika muze wapwanga mwishi lya mutondo wa mu kuyu , ami hingu nakumono. ⁴⁹ Natanele yakumbulula ngwenyi , '' Longeshi , yena mwe mwanaZambi ! Yena mwe mwanangana wa Aizalele '' ⁵⁰ Yesu yakumbulula nyi kwamba kuli yiye ngwenyi, '' Mumu nambanga kuli yena ngwami, ' nakumonanga mwishi lya mutondo wa mukuyu , ' unafulyela nyi? '' kumukamona yuma yize yinene yina hyana yino'' ⁵¹ chocho yiye wambile ngwenyi , ''chamwenemwene , chamwenemwe ngunambe kuli yena ngwami , mu kamona malilu hazuluka, nyi e angelo mazezuka nyi kuhulumuka hali mwe mwana mutu.