¹ Tweyenu nawa, enu pichi , lilenu kololokenu hakulunga chenu chize muchiza hali yenu . ² Upite wenu hi unapolo , nyi mahina jenu kanaliwa kuli ndulu . ³ Ulu nyi palata yenu hiyi nakwata ngengeya nyi ngengeya yayo kumu yi kapwa shindakenyo yaku limika nyi yena. Kumu yi kalya musunya wenu ngwe kahya . Hinuna tulika upite hama tangwa akusula . ⁴ Talenu , fweto ya akwamilimo yenu waze hanachi minda yenu kana lilila hali yenu . Miteto ya waze anachi hiya heta mumatwi ja Mwene wa yizavu . ⁵ Hi nuna twama mu upite unji nyi kuwaha hano hashi. Hinuna vuukisa waso weswe hi nuna hoko mbunge jenu hatangwa lya ku shiha . ⁶ Hi nuna hisa hi nuna shihi mutu mu kwa ululi . Iye kalimikine nyi yenu. ⁷ Lihumikizenu , keshika , mandumbu , ndo kuku heta cha Mwene . Talenu njimi matala tala mihuko yilemu ya hashi malihumikiza , ndo matambula vula wa kuputuka nyi vula waku sulisa . ⁸ Nyi yenu , nawa, lihumikizenu . Nu takamisenu mbunge jenu mumu kuheta cha Mwene hi cha kundama ⁹ Kanda nulinyenyeta , mandumbu , umwe hali mukwo nyi mukwo . Hanga kachi ahone kunu hisa . Talenu , sopi kana mana ku chajilo . ¹⁰ Chipwe ngwe chilweza , mandumbu , mu uhumikizo wa lamba lize apolofeta amwene , waze a hanjikile mujina lya Mwene ¹¹ .Talenu , twaku avuhika waze aka kuhasa ngwetu akwa kuwaha . Hi nevwa waze akwa ku hasa chize anaka nyonga nona yuma yeswe , hinuna mono songo lya mwe Mwene . Iye kali nyi vumbi mukwa keke. ¹² Ha yuma yeswe , mandumbu jami , kanda nuli shinga , chipwe nyi lilu chipwe nyi hashi chipwe nyi shingo likwo nyi limwe . Alyoze , ''Ewa '' yenu yikapwe ''Ewa'' nyi ''Ka'' yenu yikapwe ''Ka'' hanga kunuchi kulimbukila mu kunu hisa. ¹³ Kachi umwe hakachi kenu mapwa nyi lamba ? Apwe nyi kulemba . Kachi umwe mapwa nyi chisambu? Embe nyi ku halisa . ¹⁴ Kachi umwe mayiza ? atambike makulwana achikungulwila , alembe hali iye. Akamuwayise maji mujina lya Mwene. ¹⁵ Kulemba cha ufulyelo kumu chilamwina mutu mukwa ku yiza , nyi mwene kuma muhindwisa . Nyi kachi hana vulumuna shili , Zambi mamu konekena yo. ¹⁶ Keshika shikisehu milonga yenu kuli umwe mukwo nyi mukwo lilembelenu umwe mukwo nyi mukwo hanga nukahinduke. Kulemba cha mutu mu kwa ululi chatwama nyi tachi hakulinga chacho. ¹⁷ Eliya wapwile mutu mukwa usona waku ufwa nyi yetu . Iye walembele nyi mbunge yeswe hanga vula kechi kanoka , vula kanokene hano hashi ha myaka yitatu nyi tukweji asambano . ¹⁸ Eliya cheka nawa walembele . Malilu anokesele vula , nyi hashi hasokesele mihuko yaho. ¹⁹ Ma ndumbu , kachi umwe mapyanguka mu umwenemwene , mba umwe amu hilwise, ²⁰ mutu yono akanyingike ngwo kana kondola mukwa shili nyi kumulamwina kukufwa makafuka milonga yinji chikolo.