¹ Mandumbu jami, kanda nukapwa nyikatonde ku ufulyelo muli Mwene wetu Yesu Kilishitu mwe Mwene wa uhenya , nyi vumbi kuli atu. ² Nyingwe kachi umwe mutu manjila muchikungulwila chenu kanazala kazeya wa ngolinde nyi mahina akutemuka , cheka nawa mukunjila mutu chiswale mu mahina amajilo. ³ Nyingwe munutala hali mutu unazala mahina akutemuka munwamba ngwenu, '' Ena twama aha hachihela chipema ,'' alyoze munwamba kuli mutu chiswale , ''Ena mana akuze '' chipwe '' twama kushi lya chitwamo cha molu jami,'' ⁴ Kuchi kunwa lisopesele hakachi kenu ye nwene ? Kunwalipwishile kupwa sopi nyi manyonga ja ungulungulu ? ⁵ Ivwenu , mandumbu jami a zango , Zambi te katangile iswale ahashi kupwa pichi mu ufulyelo nyi kupwa maswana ja wanangana uze walakenyene kuli waze akumuzanga? ⁶ Alyoze yenu hi nuna saula chiswale! Keshi kunumwesa lamba kuli pichi nyi? hi ayoko akunukoka ku usopeselo nyi? ⁷ Keshi kushili lika jina lilemu lize ana nuluku nalyo? ⁸ Alyoze , kachi nyiumwe , nwakulinga shimbi ja wanangana nyi kulita nyi chisoneko, '' Ukazange mwe nyembo we ngw wakulizanga yena mwene ,'' walingha kanawa. ⁹ Mba nyingwe munupwa nyikatonde nyi atu amwe , nunalingi shili , nawa kana nukumika kushimbi ngwe nuli ivulumunyi. ¹⁰ Mumu yoze mweswe mononoka kushimbi jeswe , hindu matanguka nyi chihanda chimuwika , kahya ha shimbi jeswe. ¹¹ Mumu yoze wambile ngweny, '' Kanda ulinga utanji, '' wambile nawa ngwenyi ''Kanda ushiha.'' Kachi nyingwe yena ku ushi kulinga utanji, alyoze wakushiha , hiwapwa chivulumunyi cha shimbi . ¹² Chocho hanjikenu nyi kulinga ngwe waze makapatwila ku shimbi ja utuswilo. ¹³ Mumu upatwilo ku ushi keke wakwiza kuli waze keshi kusolola keke , keke ku yakukumba upatwilo. ¹⁴ Kufumbuka chika , mandumbu jami, kachi umwe mamba ngwenyi kali nyi ufulyelo, alyoze keshi yitanga ? a uze ufulyelo mu umulamwina? ¹⁵ Achi kachi ndumbu wa lunga chipwe wapwo mapwa nyi uvu chipwe mahona kulya cha hatangwa . ¹⁶ Achi umwe kuli yenu mamba kuli ayo, '' Yenu kanawa , twamenu nyi ku vuma nukute .'' Nyingwe kunwahele yuma ize yatamba mujimba kupwa nayo , kufumbula chika chenacho? ¹⁷ chizechene nawa ufulyelo ukawawo, kachi ku ushi itanga , wa kufwa. ¹⁸ Chipwe umwe mamba ngwenyi , '' Yena ufulyelo ulinawo , nyi yami nguli nyi itanga .'' Ngulweze ufulyelo we ku ushi itanga , nyi yami mungukulweza ufulyelo wami kuitanga yami . ¹⁹ Yena fulyela ngwe kuli Zambi umuwika ; unalingi kanawa . Chipwe andemonyu kafulyela chino, nawa kaku chikima. ²⁰ Una zange kunyingika , mutu chihepuke , ngwe ufulyelo ku ushi itanga wamokomoko ? Imwe isoneko ingunu ya myaka ya mu chi Ngelesiya yatangiwile . Unazange kunyingika , lunga chihepuke , chize chingwe ufulyelo wakuhona itanga wa kufwa? ²¹ Teka sambishile Apalahama tata yetu ku itanga muze alambwile mwanenyi Izaka ku chilumbilo nyi? ²² Talenu ngwe ufulyelo walingiwile hamwe nyi itanga ye nyi , ngwe kuitanga apwishile ufulyelo wenyi ungunu. ²³ Chisoneko cha manunukine chize chinambe ngwo , '' Apalahama wafulyelele Zambi , nawa achalwile kuli iye haululi ,'' nawa amulukile ngwo ka sendo ka Zambi . ²⁴ Nuna mono masambisa mutu ku itanga , nawa hiku ufulyelo wika ko. ²⁵ Chize chene nawa , kasambishile chitanji Lahape ku itanga muze atambwile tunganda akatu hwishile kujila yeka nyi? ²⁶ Chizechene ngwe nujimba ku ushi Shipilitu ku unafu , chocho nawa ufulyelo ku ushi itanga wa kufwa.