¹ Echenu zango lya mandumbu li ka nunge . ² Kanda nuvulama kuzumbula ngeji. Mumu ha kulinga chocho , amwe hanazumbula angelo chakuhona kunyingika. ³ I ulukenu funge ngwe nunakashiwa hamwe no. Waze kanalingi chipi ngwe nuli yenwene nawa mu mujimba ⁴ .Umbachiso aka ulemese kuli eswe , nyi muhela waulo nuka ufunge kwakuhona luchisa , mumu Zambi makasopesa yitanji nyi mapangala . ⁵ Ndako jenu jikapwe kujishi kufwila cha mbongo. Pwenu akwa kuyuka nyi yuma yize nuli nayo , mumu Zambi mwene kamba ngwenyi , '' chichi kakuhichika , chipwe chichi kakwehuka.'' ⁶ Chocho nyi kuhamuka tunambe ngwetu , '' Mwene iye chikwashi chami; chichi kevwa woma . Atu yikamangulinga?'' ⁷ I ulukenu waze apwile tusongo twenu , waze anwambulwilile liji lya Zambi , nawa i ulukenu yize yinakatuka muyitanga yo. Imbululenu ufulyelo wo . ⁸ Yesu Kilishitu chimuwika apwa zau nyi musono , nyi ndo kumyaka ya mutolo. ⁹ Kanda nuhungumyoka nyi longeso yeka lize kulyalumbunukine . Mumu chinawaha mbunge yikakole mu vumbi , hi mukulyako mumu kucha fumbukile kuli waze endelemo. ¹⁰ Tuli nyi chilumbilo chize waze akuvumbika mbalaka keshi chiyulo cha kulilaho nyichimwe . ¹¹ Mumu mujimba yatushitu waze manyinga jo maneha muma musandu , ku moko ja sasendote mukwa lutwe ngwe mulambu ha shili mayocha haze lya chihunda. ¹² Keshika Yesu nawa wevwile lamba haze lya chajilo cha limbo, hanga akasele ku usandu atu jenyi ku manyinga jenyi . ¹³ Keshika tutuhukenu tuye kuli amuchokele nenyi. ¹⁴ Mumu kutushi nyi limbo lya kulinduluka nalyo hano. Alyoze , tunafupu lize mulizaho. ¹⁵ Kupalikila muli iye , keshika , tulambulenu chitapo cha uhiso kuli Zambi , tumuhalise chenacho mihuko ya mivumbo yetu yize yakwalakana jina lyenyi . ¹⁶ Alyoze kanda tuvulama kulinga yipema nyi kulyanyina , mumu nyi yitapo ngwe yino Zambi kakuwahilila chinji. ¹⁷ Ononokenu kuli waze tusongo twenu , mumu kakulawoka ha mbunge jenu ngwe waze maka lumbununa . Ononokenu hanga tusongo twenu akalinge chino nyi uwahililo , hi nyi kutwamikuma ko, mumu chino kuchichi kanufumbula. ¹⁸ Tulembelenu , mumu tunakunuka mbunge yipema tuli nayo tunazange kwenda kanawa ha kutwala ku yuma yeswe. ¹⁹ Alyoze ngunanukolezesa yenu kuhyana chikolo kulinga chino , hanga akanguhilwise kuli yenu nyikawashi. ²⁰ Halyapwila Zambi ya sambukila , yoze hilwishile cheka nawa hakachi ka afu kafunga munene wa mapanga , mwene wetu Yesu , ku manyinga ja usendo wa mutolo, ²¹ akanupwise a muwundu ha yitanga yeswe yipema, mukulinga upale wenyi akalinge muli yetu chize chakupemene chikolo kumeso jenyi , Kupalikila muli Yesu Kilishitu , uhenya ukapwe kuli iye ndo ku myaka yeswe ya mutolo .Amene. ²² Halyapwila nguna nukolezeza yenu , mandumbu , lihumikizenu nyi liji lya kushinjila mumu ngunasoneka kuli yenu. ²³ Nyingikenu hanatusula ndumbwetu Timoteu , kachi mungu kamumona muze meza kawashi. ²⁴ Menekenu makulwana jenu eswe nyi asandu eswe a Zambi . Akwa Italya kananumeneka . ²⁵ Vumbi likapwe hamwe nyi yenu eswe.