¹ Mu mwaka wamuchali wa mwanangana Ndalalyasi, ha kakweji wamuchisambano, nyi tangwa litangu lya kakweji, liji lya Yehova lyejile mu moko lya Hangaya kapulofweta ku nguvulu ja Yunda, Zelumbambela mwana wa Shetile, nyi kuli akwa asasendote Yoshuwa mwanas wa Jozadaki, ngwenyi, ² "Yehova wa yuma yeswe yamba chocho: Awa atu ngwenyi, 'Kanda yiheta shimbu ya kwiza yetu chipwe ku tunga zuwo lya Yehova. '" ³ Hebaho liji lya Yehova lyejile mu moko ja kapulofeta Hangaya, ngwenyi, " ⁴ Shimbu lya yenu ene kutwama mu ma zuwo jenu akuwa, shi mbu zuwo lino himulilyenyeka? ⁵ Keshika Yehova wa yuma yeswe kanambe ngwenyi: Nyongenu ha majila ! ⁶ Hinwalima chinji mbuto, alyoze nwa kuhilwisa yikehe; nunali alyoze kunushi yinji; nunanu alyoze kunwazengewele. Nunazala mazalo alyoze kunushi kwivwa chivukuminya nyi yoze wakulinga fweto ja mbongo kuyisa wika mu chipakumuna cha kutuwika kweswe ! ⁷ Yehova wa yuma yeswe kanambe ngwenyi: "Nyongenu majila jenu! ⁸ Yako helu lya milundu, nehenu mitondo, tu tunge zuwo lyami; nguka wahilile nalyo, nyi uhenya wami munuka usolola! - chocho anambe Yehova." ⁹ " Nwataliletalile chinji, alyoze talenu! nhwaneha zuwo likehe, mumu ngunakayifujila! Ika? " Kahanjikile Yehova wa yuma yeswe. " Mumu zuwo lyami lina lyenyeka, shimbu yenu eswe nuna zombokele mu zuwo lyenyi. ¹⁰ Mumu malilu helu lyenu kanuhele mume, nyi mavu makakwachilila mbuto. ¹¹ Hinasanyika changa ha chifuchi nyi ha milundu, nyi ha mbuto nyi ha vinyu, nyi ha maji nyi ha yuma yize yakwima ha mavu, nyi hali atu nyi hali yimuna, nyi hamilimo yo yeswe! " ¹² Henaho Zelumbambela mwana wa Shetile, nyi asasendote mukwa lutwe Yoshuwa mwana wa Jozandaki, nyi waze atu eswe ana kasalako, ononokele kuli liji lya Yehova Zambi yo nyi malji ja Hangaya ka pulofeta, keshika Yehova Zambi yo hamutuma nyi atu eswe evwile woma Yehova. ¹³ Mba hangaya, mwe kanganda ka Yehova, yambulula sango ja Yehova ngwenyi, " Kunguli hamwe nyi yemu! - chocho anambe Yehoava! " ¹⁴ Mumu Yehova maka vundula shipilitu wa nguvulu wa Yunda , Zelumbambela mwana wa Shetile, nyi shipilitu ya sasendote mukwa lutwe Yoshuwa mwana wa Jozandaki, nyi shipiulitu wa masalila ja atu eswe, muze ayile mukuzata ku zuwo lya Yehova wa yuma yeswe, Zambi yo ¹⁵ ha matangwa makumi aali - nyi matangwa awana muka kweji wa sambano, mu mwaka wamu chali wa mwanangana Ndaliu.