¹ Au uwahiso uze Mose nwe mutu wa Zambi a wahishile A Izalele shimbu kanda achi fwa. ² Yamba ngwenyi : Yehova wa katukile ku Sinai nyi ku vumbuka ku Sela hali ayo. Wa pangukile ku mulundu wa Palane, nawa wejile nyi kumi lya tununu twa asandu . Mukwoko lyenyi lya chindume mwapwile kutemuka cha kahya. ³ Chamwenemwene , kazanga atu ; asandu jenyi eswe mukwoko lye ali , nawa ka kulumba ku molu je ; kakutambula malijije. ⁴ Mose yatwaha shimbi, chihinga cha chikungulwila cha Yehova. ⁵ Mba kwapwile mwanangana mu Yeshulene, muze akwa lutwe ja atu hali kungulula, minyachi yeswe ya Izalele hamuwika . ⁶ Lupene atwame nyi mwono kanda afwa, alyoze atu jenyi apwe akehe. ⁷ Achi che kuwahisa cha Yunda . Mose yamba ngwenyi: Panjikenu, Yehova , kuli liji lya Yunda, ukamunehe kuli atu jenyi nawa, uka mulwile, pwako chikwashi kulimika nyi akwa kole jenyi. ⁸ Ha kutwala kuli Levi, Mose yamba ngwenyi: Tumimi ye nyi Ulimi ye kuili kuli mukwa uwayilo we, yoze wesekele ha masa, yoze walitachikele nenyi ha meya a Melipa. ⁹ Mutu yoze wambile ha kutwala kuli tato nyi ngwenyi, " Chamwene. " Chipwe kusa mana kuli mandumbu jenyi, chipwe kusa mana kuli ana jenyi. Mumu wa fungile liji lye nyi kufunga usendo we. ¹⁰ Ka kulongesa Yakomba upatwilo we nyi Izalele shimbi je. Makasa insensu ku meso je nyi mulumbu wa muundu wa kulumba ha chilumbilo che. ¹¹ Yehova , wahisa kama, ikumba yenyi, nawa tambula kanawa itanga ya moko jenyi. Wonda kama miongo ya kwa kulimika nenyi, nyi ya akwa kole jenyi, hanga kanda ahinduka nawa. ¹² Ha kutwala kuli Mbenjamine, Mose Yamba ngwenyi: Yoze Yehova a zanga katwama muku mujikinyina kusali lyenyi, Yehova ka kumufuka matangwa eswe, nawa hakachi ka moko jenyi atwama. ¹³ Hali Yosefe, Mose yamba ngwenyi: Chifuchi chenyi achiwahise kuli Yehova nyi yuma ipema ya mwilu , nyi mume, nawa nyi ya kwishi ize ua shimbama kwishi. ¹⁴ Chifuchi chenyi aka chiwahise nyi mihuko ipema ya ha mwalwa, nyi yuma ipema ya mihuko ya tu kweji, ¹⁵ nyi yuma ipema ya kumilundu ikulu, nyi yuma ipema ya kumilundu ya mutolo. ¹⁶ Chifuchi chenyi chikawahishiwe nyi yuma ipema ya mu mavu nyi kulumba chayo, nyi upeme waze wapwile muiputa. Uwahso wize ha mutwe wa Yosefe, nyi helu lya mutwe wa yoze wapwile ngana ha kachi ka ayayo. ¹⁷ Ngombe mutangu wa kuji, we uhenya wenyi, nyi mbinga jenyi je mbinga ja mbau. Mashinjika najo atu, e eswe, ndo ku masongo a hashi. Wano lye kumi lya tununu a Efulame; a mwe kanunu wa Manase. ¹⁸ Hakutwala kuli Zapulone, Mose yamba ngwenyi: Wahilila, Zapulone, mukutuhuka che, nyi yena, Yisaka, mu mbalaka je. ¹⁹ Makasanyika atu ku milundu. Kwe kuze mahasa itapo ya ululi. Mumu makashisa kulumbama cha kutulunga-lwiji, nyi ku masekeseke aku ngenge ya lwiji. ²⁰ Hakutwala kuli Ngate, Mose yamba ngwenyi: Kawaha mweswe matohesa Ngate. Makatwama kuze ngwe chihwo cha ndumba, nawa kumakapapulula kwoko chipwe mutwe. ²¹ Yalitongwela chihanda chipema, mumu kwenako afungile chihanda cha mukwa ku yula. Wejile nyi akwa lutwe ja atu. Walingile upatwilo wa Yehova nyi shimbi jenyi kuli Izalele. ²² Hakutwala kuli Ndane, Mose yamba ngwenyi: Ndane kapwa mwevu wa ndumba makakatuka ku Mbashane. ²³ Hakutwala kuli Napatali, Mose yamba ngwenyi: Napatali, kanazala nyi vumbi, nawa uli wa too nyi wape ya Yehova, zuka chifuchi cha ku chitokelo nyi ku sule. ²⁴ Ha kutwala kuli Ashe, Mose yamba ngweny: Kawaha Ashe kuhyana ana amalunga akwo, akapemene kuli usoko wenyi, nawa aka chupike chilyato chenyi mu maji a oleve. ²⁵ Njalo ja mbonge ye jikapwe ja utale nyi unengu; kulita nyi matangwa je, chenacho mujikapwa tachi ja kulijikinyina che. ²⁶ Keshiko nyi umwe walifa nyi Zambi Yeshulene - mululi, yoze waku zomboka ha malilu muku kukwasa, nyi mu wanangana wenyi mu malelwa. ²⁷ Zambi ya mutolo iye chiswamo, mba kwishi kwatwamo moko a mutolo. Ka kuhuma akwa kole kulutwe lye, nawa yamba ngwenyi, " Onwonenu! " ²⁸ Izalele watwamine mu uwape. Fwiji lya Yakomba lilikanawa mu chifuchi cha mbuto nyi vinyu, chamwenemwene malilu jenyi akamu zuzulwile mume. ²⁹ Uwahiso we unji, Izalele! iya wapwa ngwe yena, vungu hana lamwina kuli Yehova, lukapwe wa kukwasa che, nyi mwe katana wa wanangana we? akwa kole je ku makeza nyi ku chikima kuli yena; kumu kalyata ha manangamo jo.