¹ Yehova kanambe ngwenyi: " Mumu ha milonga yitatu ya Moape, hanji yiwana, chichi kahilwisa lamba, mumu halumuna kale yifwaha ya mwanangna wa Endome. ² Mungutuma kahya ha Moape, mba kahya mukenyeka mbonge ya Keliote. Moape makafwa nyi chizungozungo, nyi kukalumyoka nyi liji lya chitavwi. ³ Mungwenyeka mukwa kuyula hakachi ko, mba mungushiha alemu eswe hamwe nenyi," chocho anambe Yehova. ⁴ Yehova kanambe ngwenyi: " Mumu ha milonga yitatu ya Yunda, hanji yiwana, chichi kuhilwisa lamba, mumu halituna shimbi ya Yehova nawa kafungile yiyulo yenyi. Yuma yo ya kwonga hiyina pyangula, ngwe chizechene atato alingile. ⁵ Mungutuma kahya hali Yunda, mba kahya muka kenyeka mbonge ja Yelusaleme." ⁶ Yehova kanambe ngwenyi: " Mumu ha milonga yitatu ya Yizalele, hanji yiwana, chichi kahilwisa lamba, mumu kakulanjisa akwa ululi ha mbongo ja Pulata nyi kulanjisa akwa kuhona ha haku jiali. ⁷ Ayo ka kulyata ha mitwe ya yiswale ngwe chizechene atu akulyata ha fufuta ya hashi; kakupyangula jila ja akwa lamba. Lunga umwe nyi tato kakupomba nyi mwana pwo umuwika chocho kanajiliulula jina lyami lisandu. ⁸ Kakupomba ku lumbu lya chilumbilo cheswe mu mahina achifungo, mba muzu lya Zambi yo ka kunwa vinyu ya waze hanafwetesa milonga. ⁹ Hindu hingunanongesa akwa Amole kumeso jo, chizundamo cho chapwile ngwe chizundamo cha misendulu, wapwile nyi tachi ngwe mutondo wa kavaho. Hindu nanongesele mihuko yenyi nyi miji yenyi kushi. ¹⁰ Nawa, nanuchijile mu limbo lya Ingitu nyi kunusongwela makumi awana a myaka hanga nu kahinge chifuchi cha akwa Amole. ¹¹ Hingunakatwisa tupulofeta hakachi ka ana jenu nyi amwe hakachi ka akweze akapwe Anazale. Hi chochoko , enu a Yizalele? - Chocho anahanjika Yehova. ¹² Alyoze nanwishine Anazaleu vinyu nyi kwamba kuli tupulofeta ngwo kanda apulofeta. ¹³ Talenu, mungunushindununa muma mwenu ngwe temba lya chita yakushindunuka. ¹⁴ Tambu mujihwa kuli akwa Tambu; akwa tachi kechi kaselaho ku tachi jo; chipwe akwa ndundo kechikulamwina mwono wo. ¹⁵ Mukwa kukonga mivu kechi kulikoleza; Yoze mukwa kuzomboka kawashi kechi kalilamwina; mukwa kwenda ha kavwalu kechi kalilamwina mwonowenyi. ¹⁶ Chipwe mukwa mbunge ya hamu hakachi ka yitakame hatangwa lize makachina uselesele - chino che anambe Yehova,"