¹ Wano e maliji ja Amose, yoze wapwile hakachi ka tufunga aku Tekoa, maliji waze amwene ha kutwala kuli Yizalele ha matangwa a Uzia mwanangana wa Yunda, nyi matangwa ja Njelomboame mwana wa Njoashe mwanangana wa Yizalele, kulutwe ya myaka yaali shimbu munyiko kanda wiza. ² Yamba ngwenyi, "Yehova kanakulunguza ku Ziyone; kuma kakololoka liji lyenyi ku Yelusaleme. Ulilo wa tufunga ku mu ulila; helu lya mulundu wa kamela hanalele." ³ Yehova kanambe ngwenyi: " Mumu ha milonga yitatu ya Ndamaseku, hanji yiwana, chichi kahilwisa lamba, mumu kana ka kalamba Ngilyate nyi chikungo cha utale. ⁴ Mungutuma kahya ku zuwo lya Hazaele, mba mukenyeka mbonge ja Mbene-Handande. ⁵ Mungumakuna njalo ja Ndaseku nyi kutetaho mutu yoze wa kuyula mu chikulo cha Avene, hamuwika nyi yoze mutu wa lukanda mu Mbete- Endene. Atu ja ku Alane maya ku unjise ku Kili," chocho anambe Yehova. ⁶ Yehova kanambe ngwenyi: " Mumu ha milonga yitatu yaNgeza, hanji yiwana, chichi kuhilwisa kumwesa lamba, mumu ambachile atu eswe ku unjize, hanga akawahane ku Endome. ⁷ Mungutuma kahya ha yipanga ya Ngeza, mba mungwenyeka mbonge jenyi. ⁸ Munguteteho mutu yoze wakutwama mu Ashindonde nyi mutu yoze wa lukanda ku AShikelone. Mungwalumuna kwoko lyami nyi kulimika nyi Ekolone, nyi akwa Filisitiya eswe kuma nonga," chocho anambe Yehova. ⁹ Yehova kanambe ngwenyi: "Mumu ha milonga yitatu ya Telu, hanji yiwana, chichi kahilwisa lamba, mumu akunjikile atu eswe ku Endome, mba ayo keulukile usendo wa usoko ko. ¹⁰ Mungutuma kahya ha yipanga ya Telu, mba mungukenyeka mbonge jenyi." ¹¹ Yehova kanambe ngwenyi," Mumu ha milonga yitatu ya Endome, hanji yiwana, chichi kahilwisa lamba, mumu yakaula mwanako nyi katana nyi kuhona keke nyi imwe. Utenu wapupile matangwa eswe, nyi ufwatulo wenyi wapwile wa mutolo. ¹² Mungutuma kahya ku Temane, mba kahya mukenyeka mbonge ja Mbozela." ¹³ Yehova kanambe ngwenyi," Mumu ha milonga yitatu ya atu ja Amone, hanji yiwana, chichi kahilwisa lamba, mumu yahangula mapwo tufumba aku Ngilyate, hanga akatohese manjiza jo. ¹⁴ Mungukawika kahya mu yipanga ya Ramba, mba mungukenyeka mbonge jo, nyi kukololoka mu tangwa lya jita, nyi kangonga ha tangwa lya chijimbi. ¹⁵ Mwanangana wo maya unjize, iye nyi akwa ulemu wenyi hamuwika." chocho anambe Yehova.