¹ Paulu , kambaji wa Kilishitu Yesu kupalikila muchizango cha Zambi , munayila lushiko lwa mwono muli Kilishitu Yesu, ² kuli chimoteu , Mwanami wakuzanga : kuwunda , keke nyi zango kukatuka kuli Zambi Tata nyi Kilishitu Yesu mwene wetu. ³ Ngunasakwila kuli Zambi , yoze nazachila kukatuka kuli tulamba, nyi mbunge yitoma , ngwe chize nakununyonga wola weswe muyilemba ufuku nyi mwala . ⁴ Ngwe chize na kwiuluka masoji yenu , nguna twalila kukutala yena , hanga hanji munguzala nyi sambukila. ⁵ Hinguna nwiulula yenu haufulyelo wa mwene mwene , uze wapwile utangu muli kakenu wapwo Loye, nyi noko Unise, nyi yami wanguhisa ngwami watwama muli yena. ⁶ Chino cheka chikuma ngunakwiulula yena hanga wana wa Zambi utemuke muli yena kupalikila hakukunangika kwoko lyami . ⁷ Mumu Zambi kakatuhele shipilitu yawomako, mba kanaka twaha shipilitu yatachi nyi zango nyi kuli kanyisa yena mwene. ⁸ Chena cho kanda ukevwa sonyi ha shindakenyo ya mwene , chipwe yayami , Paulu , funge yenyi . Alyoze , lyanyinenu sango kulita nyi tachi ja Zambi. ⁹ Hi Mwene Zambi watulamwinyine nyi kutusanyika nyi Shipilitu musandu . Hanalingi yino , hikutesa nyi milimo yetuko , mba kulita nyi yishinganyeka nyi ku unda . Kanakatwahayo yino yuma shimbu usolwelo wa Kilishitu Yesu. ¹⁰ Mba ulamwino wa Zambi hausolola kupalikila mu kwiza cha chilamwina Kilishitu Yesu. Hi Kilishitu wasako upatwilo wa kufwa ayi kuneha mwono uze ushi songo kupalikila mu sango lipema. ¹¹ Mumu wachino , hananguse mukwa kwambujola , mukwakutwala sango lipema , nyi longeshi wa akwa mavungu. ¹² Hachino chuma nakwivwa lamba hachi no chuma . Mba chichi kwivwa sonyi , mumu ngunamunyingika yoze nafulyela. Yami natayiza ngwami yiye mahasa kungufunga mumu nafulyela muli yiye ndo lize tangwa . ¹³ Fungenu maliji ngwe chilweza yize nwevwile kuli yami, ku ufulyelo nyi zango lize lili muli Kilishitu Yesu . ¹⁴ Yuma yipema yize Zambi hanase muli yena , yifunge kupalikila muli Shipilitu Musandu, yoze watwama muli yetu. ¹⁵ Nunanyingika chino , eswe waze atwama Azia hanangu chinyi . Muchino chizavu muli a Fwijelu nyi a Hemojene. ¹⁶ Echenu mwene ahane kama keke ku zuwo lya Onesefolu, mumu wangu huzulwile yami nyi kwivwa sonyi hamalenge ka. ¹⁷ Alyoze , muze apwile mu Loma , yanyonga yami nyi mbunge yeswe nyi kungu wana yanguwana. ¹⁸ Mwene akamweha keke kukatuka kuli yiye hatangwa alize . Eswe maliji ana kangukwasa yami mu Efwesu, unanyingika chikolo.