¹ Makulwana hakachi kenu ngunashinjila , yami , nguli mukulwana nyi mukwo nyi chela cha lamba lya Kilishitu , yami nawa nguli mukwa kulyanyina ha uhenya uze mukasoloka : ² Pwenu tufunga a mbunga ya mapanga a Zambi yize yili hakachi kenu , pwenu tulayi - hi ha kuzangisa ko , alyoze mumu nunazange , ngwe chize Zambi mazanga yenu nulinge - hi ha kufumbukako chaupite wa sonyi alyoze mumu wa zango . ³ Kanda nulipwisa ngwe ene atu waze hananukunjika . Alyoze , pwenu akwa kutalilako ya mbunga . ⁴ Mba muze kafunga mukwa lutwe ha musolola , kumunukatambula chipangula cha uhenya chize kuchishi kujimuka . ⁵ Chizechene, twanuke , zeyelenu kuli makulwana . Nulyeswe ,zeyelenu yenu ene nyi klikehesa hanga nukalivumbike umwe nyi mukwo . Mumu Zambi kakulimika nyi akwa kulizelula , alyoze kakuhana vumbi kuli akwo kulikehesa. ⁶ Keshika likehesenu yenwene kushi lya kwoko lya ndungo lya Zambi hanga akanunangamise ha mwaka wenyi . ⁷ Seenu yipikalo yenu yeswe hali iye mumu kakunufunga . ⁸ Keyelenu , laulenu . Mumu mukwa kole satana kanwndangala ngwe ndumba makolojoka, nyi kufupa yoze mahasa kulya. ⁹ Limikenu nenyi . Jikizenu mu ufulyelo wenu. Unanyingika ngwo mandumbu je mu chifuchi newo kanapalika mulamba limuwika . ¹⁰ Muze te mwamona lamba ha shimbu likehe , Zambi ya vumbi lyeswe , yoze wanutambikile kuheta ku uhenya wenyi wa mutolo muli Kilishitu , makanupwisa angunu, makanumanyisa ,makanujikijisa, makanutakamisa . ¹¹ Kuli iye kukapwe ndundo ku myaka ya mutolo. Amene. ¹² Nkutala Selevwamu ngwe ndumbu waumwenemwene , hinasoneka kuli yenu nyi malji akehe kupalikila muli iye . Ngunashinjila nyikushindakeya chikolo ngwami lino lye vumbi lyamwenemwene lya Zambi . Manenumo ngu. ¹³ Mwana pwo yoze uli mu Mbambilonyi, yoze hamutongola hamwe nyi yenu , kananumeneka . Hamwe nyi Maku , mwanami, kananumeneka. ¹⁴ Limenekenu umwe nyi mukwo nyi mbeju ya zango. Sambukila yikapwe hamwe nyi yenu eswe nuli muli Kilishitu.