¹ Petulu , poshitolo wa Yesu Kilishitu , kuili njize wuze ana mwangashana , waze hanatongola , mweswe mu Ponto, Ngalashiya, Kaputoshiya , Eja nyi Mbitinya. ² Achi chinapu waze hanatongola nyi chi chingi cha Zambi Tata, hakutusela ku milimo ya Shipiulitu , ku kwononoka hanga atu sapwile nyi manyinga ja Yesu Kilishitu . Vumbi lipwe kama nyi yenu , nyi sambukila yika lumbame kama nyi yenu. ³ Mwe Zambi kanda Tato ya Mwene wetu Yesu Kilishitu afumane ! Kulita nyi keke yenyi yinkji , hanatuseme chaha nyi ku talatala cha mwono ku uhindukilo wa Yesu Kilishitu ha kachi ka afu . ⁴ Achi chinapu chihinga chize kuchichi kafwa , ku chi chikapwa nyi luchisa , nawa kuchi chi kajimuka. kana chifungu mu malilu hali yenu. ⁵ Yenu kananufungu ku tachi ja Zambi ku ufulyelo ha ulamwino hi ma usolola ha mwaka wa kusula . ⁶ Nuna wahilila chinji hali achi chipwe halyapwila ha shimbu ikehe chinatambe ha anuvwisa chinyengo nyi yeseko yeka nyi yeka. ⁷ Achino chinapu kusolola cha umwene mwene cha ufulyelo wenu, uze walema kuhyana ngolinde ize yaku toka , chipwe maweseka mu kahya . Aino yaku lingiwa hanga ufulyelo we akauwane wa uhaliso, uhenya , nyi ulemuhausolwelo wa Yesu Kilishitu. ⁸ Yenu kunwamumwene, alyoze nwaku muzanga , kunushi kumumona halyapwila, alyoze nuna mufulyela nyi sambukila wa chiseke uze keshi ku hasa ku uhanjika nawa wa zala nyi uhenya. ⁹ Nuna tambula sango lya ufulyelo wenu yenu ene , ulamwino wamwono wenu. ¹⁰ Hakutwala ku ulamwino uno , a Pulofeta a pulofetezele hakutwala ku vumbi lize muliza kuli yenu , afupile chinjii nyi kutalatala kanawa, ¹¹ Nyikuhengula ha chize kuchi mutu chipwe mwaka uze Shipilitu ya Kilishitu muli ayo we nyikine muze ashindakenyene shimbu kanda halamba lya Kilishitu nyi uhenya mukapwa kulutwe. ¹² Achilumbunwine kuli ayo ngwe hikuli ayoeneko , alyoze yenu , muze a hanjikile hali ino yuma yize ananwambulwila yo kuli waze ambulwile sango lipema kuli yenu nyi Shipilitu ya jila katuka mwilu - Yuma ize angelo kakwivwa usona kuitala. ¹³ Keshika jikenu muya muzalilo ja ku nyonga chenu . Keyelenu . Senu mana mukutalatala kuvumbi lize makanunehena muze Yesu Kilishitu makamusolola. ¹⁴ Ngwe chize chene ana akwa kwononoka , kanda nulitesa yenwene ku usolo waku nyi ma uze nwa kawile mu kwalajala. ¹⁵ Ngwe chize chene yoze wanutambikile kapwa musandu , yenu , nawa pwenu asandu mukutwama chenu cheswe. ¹⁶ Mumu chinasonewa ngwo , '' Pwenu asandu , mumu yami nguli musandu .'' ¹⁷ Nyingwe nwasanyika ''Tata '' yoze keshi katonde kakupatula nyi kulita nyi itanga ya mutu , endenu nyi woma mu ungeji wenu weswe. ¹⁸ Nuna nyingika ngwe hananukulu hi nyi yuma yakupolako Silifa chipwe ngolinde ku kwenda chenu cha mokomoko chize anukunjikilecho ku tulamba twenu. ¹⁹ Alyoze , hananukulu nyi manyinga alemu a Kilishitu , yoze wapwile ngwe mwana panga keshi kapalya chipwe chipeka. ²⁰ Kilishitu amunyingikine chamwene mwene shimbu kanda asela fundamentu ya hashi , alyoze hanamusolola kuli yenu hakusula chino myaka. ²¹ Kuli iye nwakufulyela Zambi , yoze wamu hindwishile hakachi kafu wa muhele uhenya , hanga ufulyelo wenu nyi kutalatala chenu chikapwe muli Zambi. ²² Hinuna tomesa mbunge jenu ha kwononoka chenu ku mwenemwene. Achino chapwa kufwila ku zanga mandumbu ; lizangenu umwe nyi mukwo kumbunge ipema . Imwe isoneko ingunu ya myaka ya ma Ngelesiya aitangile , nwatomesene mbunge jenu ku kwononoka ku mwene mwene ku Shipilitu. ²³ Hinuna semuka chaha , hikumbuto ya kupola ko , alyoze kuli yize kuishi kuhasa kupola , kulye liji lya Zambi lize lya mwono kulya kulunduluka. ²⁴ Mumu , ''Weswe musunya unapu ngwe mwambu , nyi uhenya wawo weswe unapu ngwe chitemo cha mwambu . Mwambu wakuma , nyi chitemo muchiholoka, ²⁵ alyoze liji lya Mwene kulya kulunduluka ku myaka ya mutolo.'' Lino lye liji lize hana nwambilwila musango lipema.