¹ Homa ké nyi Yésu Kristo, David ho vi, kudo Abraham ho vi ho dédéfiawo. ² Abraham nyi Isac ho tata, yi Isac nyi Yakoboho tɔ, yi Yakobo nyi Yuda kudo nɔviawo ho tata. ³ Yuda nyi Farɛs kudo Zara ho tata, yi wɔanɔ yi nyi Tamar. Farɛs yi nyi Esrɔm ho tata. Esrɔm nyi Aram ho tata. ⁴ Aram nyi Aminadab ho tata. Aminadab nyi Nason ho tata. Nason nyi Salomon ho tata. ⁵ Salomon kudo Rahab onyi Boaz ho jilawo. Boaz nyi Obɛdho tata. Yi Obɛd ho énɔ yinyi Rut. Obɛd nyi Jésé ho tata. ⁶ Yésé nyi éfiɔ ho tata, yi David nyi Salomon ho tata to ésrɔa ké nyi ékonɔa ji. ⁷ Salomon nyi Roboam ho tata. Roboam nyi Abia ho tata, Abia nyi Asa ho tata, ⁸ Asa nyi Josafat ho tata; Josafat nyi Yoram ho tata. Yoram yi nyi Ozia ho ahotɔ. ⁹ Uzia nyi Yotam ho tata. Yotam nyi Ahaz ho tata, Ahaz nyi Hékézia ho tata, ¹⁰ Hékézia nyi Manasé ho tata, Manasé nyi Amon ho tata yi Amon nyi Yosia. ¹¹ Yosia nyi Yékonia kudo noviawo ho tata, lé éké otsɔyo tsé yi Babilɔnia. ¹² Eké odéwo tsé yi Babilɔnia vɔa, Yékonia nyi Séatiel ho tata, Séatiel yi ji Zerubabɛl, ¹³ Zérubabɛl nyi Abihud ho tata, Abihud nyi Eliakim ho tata, yi Eliakim yi ji Azor, ¹⁴ Azor nyi Zadɔk ho tata, Zadɔk nyi Akim ho tata, yi Akim nyi Elihud ho tata. ¹⁵ Elihud nyi Eleaza ho tata. Eleaza nyi Matan ho tata, Matan nyi Yakobo ho tata. ¹⁶ Yakobo nyi Yosɛf ho tata ké nyi Maria ho ésrɔn nyɔnu améké ji Yésu kristo. Yésu yi nyi améké oyɔna bé oyɔna bé Kristo. ¹⁷ Jijiméawo kpata tso Abraham ji va sé dé éfia David ji yi wɔaho jijimé nyi wuiéné, yi nɛnɛ ké yi tso ké otsɔwo tsé yi Babilɔnia tsa nyi jijimé wuiéné. ¹⁸ Yésu ho jijimɛ va vɛ mé léké: odo nugbé ni Yosɛf bé nétsɔ Yésu ho énɔ Maria tsé wɔ yiho ésrɔn nyɔnu. Yi togbɔ bé munya n'tsu tsa wɔa, Maria fɔfu to gbɔgbɔ kɔkɔé mɛ. ¹⁹ Fifia Yosɛf nyi amé jɔjɔɛ, vɔa n'lé ji bé yéadoé n'kpé lé édukɔa ho n'kumé o. Fifia éji bé yéatso yikudoé ho srɔdédé ho éhadodo kudo Maria. ²⁰ Eké élé bu étamé tso énya kumɔawo n'tia, Mawudɔla dé zé nɛ lé yiho édrɔɛn mɛ yi gblɔ nɛ bé: "Yosɛf, David vi, n'lé vɔn bé yéatsɔ Maria tsé wɔ yiho ésrɔ o, dobé améké lé yiho podo méa nyi gbɔgbɔ kɔkɔé ho nu yi. ²¹ Elaji nutsu vi, yi miayɔɛ bé Yésu, dobéna yi la va dé dukɔa lé énuvɔn yo alɔmɛ." ²² Enukéa kpata va imé bé né sigbé léké Apétɔ n'tɔ honu to yiho ényagblɔdila ji béna: ²³ "kpɔ, nyɔnuvi ké n'nya n'tsu kpɔwɔa afɔfu yi ajivi n'tsuvi. Wɔayɔɛ bé Emmanuel (yiho gɔmé yi nyi "Mawu lé kudo mi.") ²⁴ Yosɛf fɔn lɛ yiho alɔnmɛ yi wɔ énuké Mawu ho dɔla to nɛ bé néwɔa. Etsɔɛ tsé wɔ yiho ésrɔ nyɔnu. ²⁵ Vɔa n'dɔ igbɔ kpɔ kaka éfɔfu yi jivio. Yi étsɔ n'kɔ nɛ bé Yésu.