¹ EYɔ enusrɔla weveo yi na atchekpakpa ku kakadeji de gbongbonwo di kude wadɔdekpekpe. ² Edɔwo be wakaka mawu nyan yi wayɔdɔ donɔwɔ. ³ Etonɔo be, migbé tchɔ nudé na miawo yiyi wo, ati, egbakpeté,alo kpɔnɔ, egao, alo awu amévé. ⁴ Owedekpekpe ke miadoa minɔgɔme ne gakeme ke miatchoa. ⁵ Yi amekewo ma yɔmiola, ne mijatcho le eduame, mia hunhun afɔke ke la nyi dasedidi wo jesi nawo. ⁶ Yi oyi kɔpeome, le gblɔ enyanyon yi le yɔdɔ ameo ditcha. ⁷ Mikpo efiɔ Hérodes, yi le se enukelejɔawo yi edefu ne be amedeo le gblɔ be yohanɛs batista fon le amekukuome. ⁸ Amedeo be eli ze yi amebubuo, nyiagblɔdila de kpekpe itrɔva agbeo. ⁹ Herodɛs gblobe itchɔtane Yohanɛs, vua meka mile nɔtekpɔ enukea? yi Herodɛs leji mɔ be yeakpɔ Yesu. ¹⁰ Ke ameke edɔyi otrɔva, ogblɔ enuke owɔao, yi otchɔ kude, yi oyi akpadika le edudeme ke oyɔnɔbe Betsaïda. ¹¹ Vua edukon le nɔte kpɔ kuma yi le tido, yi le wɔo, yi le gblɔ mawu yia nɔo, yi le yɔdɔ amekeo hian dɔyɔyɔo. ¹² Ezan le ji néde, yi enusrɔla weve va yibɔyi gblɔbe: "nya edukonwo yi amesiame le yi kopeame.wa va kpɔ toho ke ola nɔ yi wa dunu, elabena mi le zogbeji. ¹³ Vua ele gblɔnɔwobe: "mia nanao enude wadu." egblɔbe: mio la mido mido kponɔ amaton kude akpavi ameve, ne migbegbeva ple nududu ne ame sugbɔ keo. ¹⁴ Onyi ame sigbe waka tchio. etona enusrɔlao be mina wananyi le wokatchiwo wokatchiwo ¹⁵ Yi owe yi amesiame nianyi. ¹⁶ Etchɔ kponɔ amaton yi akpavi ameve yi ekɔta yiji, yi eyrao yi edɔo. yi etchɔ na enusrɔlawo be wa mena dukanwa. ¹⁷ Wakpata odu yi odɔwo yi olɔ tchotcho kpɔtia yi edɔ kisi weve. ¹⁸ Evame be ke le dogbeda yi di ka nusrɔlawole kude yi ole wɔ biabiane be."enyika amesugbɔ le gblɔ tcho tinye" ¹⁹ Ole doti: Yohanɛs, vua amedeo be eli, amebubuo be nyagblɔdila wowode fon. ²⁰ Ele gblɔnɔwo be" vua miawo meka ibe enyi?" Petro doti be :"kristo ke tcho mawu gbɔ." ²¹ Vua eklanwo nyimde be obe gblɔ ne amedeo. ²² Gblɔ be evila la duya sugbɔ yi tchitchio ola tche dangbe, yi vosala gbanwo,yi amekeo finɔ Mose, wo seawo yi ola wui, yi ikeke ton gbea elatrɔva agbeame. ²³ Egblɔ na wɔa kpata bé: "né inyi bé amédé ji bé yéakpasam doa, édolagbé nu lé yidoké n'ti yi éla tsɔ yiho gadékpékpé gamé ho atitsoga tso lé tim do. ²⁴ Yi amé ji bé yéadé yiho agbéa, éla bui, vɔa améké labu yiho agbé dé n'tinyéa, éla kpɔɛ. ²⁵ N'ka yi nyi énuké amé lakpɔ né ényi bé éhihéa mé ho nuwo kpata su isi vɔa éla bu yi n'tɔ amétia kpata o? ²⁶ Amékéwo kpata ényé n'tɔ kudo énya nyéwo lé wɔ n'kpé na, amégbétɔ ho via tsa la wɔ n'kpé lé n'ti né ényi bé éva va yiho n'tikɔkoé mé kudo tata kudo mawudɔla kɔkoéwo ho n'ti lé jipo fiaduhoa mé. ²⁷ Vɔa n'lé gblɔɛ ni mi lé nyatoho mé bé: "amédéwo lé miamé lé gɛké ké oma ku gbédé o vado gakémé miaho n'kuviwo la kpɔ jipo fiaduhoa o!" ²⁸ Lé n'kéké aményi ho n'gbodoméa, Yésu kplɔ Pétro, Yakobo kudo Yohanɛs dé alɔmé yi éto ji bé wɔadogbéda. ²⁹ Yi éké olé dogbéda, yiho n'kumé trɔ yi yiho awua éhé yi lé kléŋ. ³⁰ Tétéa n'tsu amévé, Mosé kudo Eliya, ³¹ do kudo n'tikɔkoé gan dé yi olé énuhom kudo Yésu. Oho nu lé yiho énuké lava jɔ dé iji lé Yéruzalɛm. ³² Lé gakumua méa, Pétro kudo nɔviawo lé dan alɔn fɛɛ. yi éké ofɔn tso alɔn méa, olé kpɔ bé kléklén kudo n'tikɔkɔé gandé trɔ dé Yésu yi n'tsu amévé tsité dé yigbɔ. ³³ Yi éké n'tsu amévéawo lé jo lé Yésu gbɔa, Pétro lé tona Yésu bé: "Apétɔ ényɔn n'tɔ bé miva gɛ kudowo. Wɔ miatu agbadɔ amétɔ, dika nawo, dika na Mosé yi dika na Eliya" Vɔa n'nya énya ké Pétro lé gblɔ o. ³⁴ Ké élé gblɔ énya kiawoa, jipo va tsɔn dé wɔaji yi olé vɔn. ³⁵ Tétéa égbé dé tso jipo va yi lé gblɔ bé: "amékia yi nyi évinyé ké n'tsa, mido étoé." ³⁶ Eké égbéa di vɔa, Yésu dika ko yi kpɔtɔ lé tohoa kudo yiho nusrɔnlawo. Enusrɔnla kiawoa omugblɔ énuké okpɔ lé tohoa na amédé kpékpé o. ³⁷ Ké éwun ké yi odi tso étoa jia gbɔnɔa, amé sugbɔ dé va dogo wo. ³⁸ Kpɔ, n'tsu dé daha lé améawo mé lé gblɔ bé: "énufiala, n'dé kuku nawo kpɔ évinyé nam dobé évi n'tsuvi dika kia ko yi lé asinyé. ³⁹ Gbɔgbɔ vɔn dé jé iji tétéa étɔnji lé daha; étsɔnɛ tso puna anyigban yi futukpɛ do na lé énumé nɛ. Gbɔgbɔ vɔn kia dona énuho nɛ gadékpékpé gamé yi n'nɛnɛ vovo gbédé o. ⁴⁰ N'dé kuku énusrɔnlawo bé wɔayɔ édɔ nɛ nam ganké owun té wɔɛ o." ⁴¹ Yésu do yinti lé gblɔ bé: "Jijimé mahɔsé kudo jijimé ké otsanaka kabakaba; kaka na gakamé manɔ miagbɔ yi miatéwun kpé iji? Kplɔ éviwɔa va gɛké." ⁴² Eké n'tsuvia gbana, gbɔgbɔ vɔn a gbé tsɔɛ tsé dangbé dé anyigba sésédé n'tɔ. Yi Yésu dégbé na gbɔgbɔ vɔn a bé nédo lé dévia mé tété zidéka dévia haya yi Yésu tsɔɛ tséna étoa. ⁴³ Eyɔ ya na amédé kpékpé ké lé tohoa léké Yésu tsɔ Mawu ho n'sén tso fia n'ti. Eké améawo kpata lé honu tso énuké Yésu wɔa n'tia, Yésu trɔ yi lé tona yiho nusrɔnlawo bé: ⁴⁴ "Mido to gɛké yi mialé ényakiawo nyɔɛ dé miho étawo mé. Ola tsɔ énya Mésia dé alɔmé na amégbétɔwo." ⁴⁵ Gankéa énusrɔnlawo musé énya ké élé gblɔawo gɔmé o, dobé owun tsɔ wɔaho susuwo dé iji, tsé yi iji olé vɔn léké wɔabiɛ yi gɔmé sé. ⁴⁶ Tétéa énya dɔndɔn vado nusrɔnlawo mé bé wɔanya améké tsiwua lé wɔamé. ⁴⁷ Tétéa ké Yésu nya wɔaho étamé ho susu woa kudo énuké lé wɔaho éjiméa, étsɔ dévidé tso do wɔaho n'kɔ. ⁴⁸ Yi élé gblɔnawo bé: "né inyi bé amédé hɔ dévia to n'kɔnyé jia, améa hɔ ényé yi, vɔa né inyi bé amédé hɔ éjinyé séa la inyi bé améa hɔ améké dɔm va tsan ji sé. Dobé améké nyi vitukuia lé miadoméa yiya nyi tsitsia." ⁴⁹ Yohanɛs do yinti lé gblɔnɛ bé: "énufiala mikpɔ amédé lé nya gbɔgbɔ vɔn lé n'kɔwo ji yi migbé nɛ dobé n'tina mi o." ⁵⁰ Vɔa Yésu do yinti nɛ bé: "min'dola ké gbé nɛ o, dobéna améké n'tso dé mia n'tia lé miaji." ⁵¹ Yi ké Yésu ho gaméwo lé gogo bé nétrɔ iyi jipoa, étso nyamé bé yéwo nétrɔ yi Yéruzalɛm. ⁵² Yi ké olé émɔji lé yia, édɔ améwo tso dida Samaria ho éduamé bé wɔaji éhɔ tso dadé né yé. ⁵³ Ganké kɔpé kumua mé tɔwo gbén bé yéwo mahɔɛ o, yi ojo yi Yéruzalɛm. ⁵⁴ Eké ova gblɔ énya kia na Yésua, Yakobo kudo Yohanɛs gblɔna Yésu bé: "Apétɔ dégbé na jipo bé ézo nédi va do wɔaji yi néfian wo kpata yé?" ⁵⁵ Tétéa Yésu trɔ kpɔwo yi gbé énya kumua nawo. ⁵⁶ Tétéa otso lé ganwu yi kɔpé bu mé. ⁵⁷ Ké olé émɔji lé yia, amédé va tu Yésu yi lé gblɔnɛ bé: "n'lé ji bé matiwo do yi toho dé kpékpé." ⁵⁸ Yésu do yinti nɛ bé: "nyɛ adɔnwo ya do édo yi héviwo do atɛn, vɔa amégbétɔ ho via ya n'do toho ké éla tsɔ yiho éta dɛ o." ⁵⁹ Tséyi ijia élé gblɔna amébu bé nétiyé do. Yi n'tsua lé do yinti nɛ bé: "Apétɔ démɔ nam mava di étɔnyé kukua gbɔho." ⁶⁰ Vɔa Yésu do yinti nɛ bé: "Tati amékukuwo nédi wɔaho amékukuwo, vɔa owoya yi yi naho tso jipo fiaduhoa n'ti." ⁶¹ Amébu tsan gblɔ bé: "Apétɔ majé yomé vɔa démɔ nam mava klan pomé tɔnyéwo tsutsu gban kéngbɔ matrɔva." ⁶² Vɔa Yésu do yinti nɛ bé: "améké n'dé yiho susuwo lé yiho édɔwo ji wɔa n'jéna jipo fiaduhoa mé yiyi o."