¹ Tétéa gbédika, Yésu kudo yiho nusrɔnlawo zɔ lé to bafo ho ébodémé vayikɔ lé Sabat ho n'kéké ji yi énusrɔnlawo déwo lé ŋɛ bafoa yi lé du. ² Farizitɔdéwo lé gawun yi kpɔwo yi olé bia Yésu bé: "n'ka n'ti yi milé wɔ énuké tso dé Yudatɔwo ho séa nu lé Sabat ho n'kékéa ji yi?" ³ Yésu do yinti nuwo bé: "mimu hlɛn énuké David kudo yiho éhuntiméawo wɔ éké féfé lé léwoa? ⁴ Odo Mawu ho ahomé yi otsɔ kpɔnɔ ké n'hian bé amédékpékpé nédua tso du, kpɔnɔ kuwuan Osɔfowo dika ko yi la té duia." ⁵ Yi Yésu gbé gblɔ tso kpé nawo bé: "Mésia kpɔ n'sé dé Sabat ho n'kékéa ji." ⁶ Sabat ho n'kéké bu jia Yésu yi tsɔtsihɔme yi le fianu améo. n'tsu de le yiho énudusimé ke yiho abɔ n'lewodɔwo. ⁷ farizitowo kudo agbalen fialawo lékpo Yésu bé nukayi alo éla yodona améa lé sabat ho n'kéké jia tsagbé yi wɔatsɔ énya de yinu bé ewɔ bada. ⁸ voa ke Yésu nya wɔaho susua ,étona améké le ledoa be:"tso yi nava jete de amewo ho dodome." yi n'tsua tso de tsite gawun. ⁹ Yésu lé tonawo bé: "bibia dé lé asinyé ni mi. Enyɔ bé oné wɔ énunyɔɛ alo vɔɛn lé Sabat ho n'kéké jia? Enyɔ bé oné hɔ amé dé agbéa alo onéwui?" ¹⁰ Tétéa Yésu tsa yiho n'ku lé wɔaji dikadika, yi lé tona n'tsua bé: "jɔ alɔwo." yi ké n'tsua jɔ alɔa éhaya zidika. ¹¹ Enuwɔwɔ kia véwo n'tɔ, yi olé honu lé wɔadékéwo mé léké wɔawɔ yi lé Yésu yi wuia. ¹² Eva va imé bé gbédika Yésu yi étoji tsagbé nédogbéda, tétéa Yésu dogbéda ézan kpata na Mawu. ¹³ Yi ké éwun kéa, éyɔ amékéwo tso tinɛa kpata yi tsan amé wuiévé lé womé yi étsɔ n'kɔ nawo bé apostolowo. ¹⁴ Apostoloawo ho n'kɔ yi nyi Simon améké étsɔ n'kɔ na bé Pétro, André améké nyi Simon ho nɔvi n'tsuvi, Yakobo, Yohanɛs, Bartoloméo, ¹⁵ Matéo, Toma, Yakobo améké nyi Alféo ho vi, Simon améké owɔna bé Zéloté, ¹⁶ Yuda, Yakobo ho vi kudo Yuda Iskariɔt améké va sa Yésua. ¹⁷ Yi Yésu di lé étoaji kudowo yi ova jété lé toho gbaja dé, tétéa énusrɔnlawo kudo wɔayoménɔlawo va pohlan dé Yésu, amédéwo tsan tso Yudéa, Yéruzalɛm, kudo Sidɔn kudo Tiro ho étoa ho n'gbodomé. ¹⁸ Ova bé wɔasé Mawu nya lé yigbɔ yi néyɔ édɔ na yiwo tsan. Gbékumgbéa, améké gbɔgbɔvɔn lé donuho niwo tsan haha. ¹⁹ Amékéwo lé guwuan kpata lé ji bé yiwo la tsɔ alɔ tsé tɔɛ dobé ŋ'sé dé lé dolé yimé yi lé da édɔ nawo kpata. ²⁰ Yi étrɔ yi kpɔ yiho nusrɔnlawo, yi lé tonawo bé: "mia amékéwo nyi wɔaménɔa, énji néjɔ mi dobé miatɔ yi nyi Jipofiaduhoa. ²¹ Ejinéjɔmimia amékéwo féfé lé lémi fifia, n'lé gblɔ ni mi bé miladɔho. Yi éji néjɔ mia amékéwo lé fanvia dobé gamé lé gbana yi miava konu. ²² Né inyi bé améwo tsri miaho ényagbɔ, olé zu mi kudo opodi miaho n'kɔ hado n'tinyéa, éji gandé néjɔ mi. ²³ Mibɔ mianɔnɔwo yi miati jijɔ ho kpo, dobé miaho toho dodoa ékpé lé Jipo. Dobé nɛnɛ tutu yi wɔatɔgbéwo wɔna kudo ényagblɔdilawo ké ojé n'kɔ ni mia yi nɛ. ²⁴ Vɔa baba ni mi miawo étsitɔwo! doibé mikpɔ miaho jijɔkpɔkpɔa lé anyigba ji vɔ. ²⁵ Baba ni mi miawo ké dɔho fifi kia! Dobé féfé lava mi lé yiho n'gbodomé. Baba ni mi miawo ké lé konu fifia, dobé mila va tsi n'zizi mé gbédika, yi avi fanfan la nyi miatɔ gbédika. ²⁶ baba nami miao amékéo,améolégblo énya nyɔɛ tso mia n'ti! dobé nɛnɛ wɔatɔgbeo wɔ kudo ajedadahoenyagblɔdilawo nɛ. ²⁷ vɔa n'le gblɔɛ ni mi be miawo amékéo lé doto mu fifia bé milon miaho futowo ,miyɔ énu nyɔɛ amékéo tsri miho ényagbɔ. ²⁸ miyra amékéo pofidomia yi midogbéda dé amékéo lé wɔ bada kudo mi . ²⁹ né ényibe amédé potome nuwoa trɔ tsɔ evegoan tsan nɛ yi nepoe nao. ne enyi bé biawo bé natsɔ etsiho awua tso nɛyea n'gbeo voa gbé tsɔ awu lɔbɔwoa tso kpe dé yinti nɛ. ³⁰ né enyi bé enu le asiwoa yi né amédé biawoa tsɔɛ nɛ. né amédé tsɔ enuke nyi tɔwoa, n'gbe biɛ be netrɔnawo . ³¹ leke tututu ojina be amewo newɔ ne yea, owo tsan wɔ nawo nɛnɛ. ³² ne nyi be mile lon,amékéwo lé lon mia de n'kayi mijakpɔ le yime yi? amékéwo owun von na Mawua tsan lon na wɔaho ehɔnlonwo. ³³ ne enyi bé miwɔ enunyɔɛ na amékéwo wɔ enunyɔɛ ni mia de alekayi mijakpɔ le ime? dobe enuvon wɔlawo n'tɔ tsan owouna nɛnɛwo. ³⁴ né ényi be mido éga na amékéwo laté kpɔɛ nimia de enunyɔɛ ka yi miwɔ fifia? n'tɔ tsan énuvon wɔlawo nenyi bé odo éga na wɔatɔ énuvonwɔlawo tsan owun biana jide iji o. ³⁵ Vɔa milon miaho éfutɔwo, yi miawɔ nyɔɛ niwo. Mido énu nawo, yi min'gbé kpɔ émɔ alo miatsi ji na yihɔhɔwo, yi né inyi bé miwɔɛ nɛnɛa miaho éféntu la sugbɔ lé jipo yi mianyi Mawu ho viwo dobé yi n'tɔ tsan wɔna dɔményɔɛ na akpémadolawo kudo amébadawo. ³⁶ Mijajagbagba yi miakpɔ énublanui na améwo sigbé léké miaho tata ké lé jipoa wɔnɛ nɛnɛ. ³⁷ Mingbé drɔn vɔnu amé o, yi oma drɔ vɔnu miawo tsan. Mingbé bufon amé o, yi oma bufon miawo tsan o. Mitso ké améwo yi wɔatsɔɛ ké miawo tsan. ³⁸ Mina énu améwo yi wɔana miawo tsan. Enukéwo kpata yi mina améwoa, ola trɔɛ va ni mi yi élagbé sugbɔ kaka lékɔngbé wu énuké miawo ya minawoa. Jijénu ké mitso jijé ni améwoa yi ké wɔatso jijé ni mi." ³⁹ Yésu gbé yi iji yi do élo nawo ké bé: " n'kuvigbagbantɔ laté kplɔɛ n'kuvigbagbantɔa? Né inyi bé élé nɛnɛa dé wɔamévé oma va janyi dé édo dé méa? ⁴⁰ Edɔtsɔla n'déna éta wu yiho apétɔ o, vɔa édɔtsɔla ké okpla nyɔɛdéa la nɔ sigbé yiho apétɔ nɛnɛ. ⁴¹ N'ka n'ti yi olé kpɔ ébé lé nɔviwo ho n'kuvi ji yi, yi owun té lé kpɔ ati ho ékpo ké lé n'kuvi ji nawoa o? ⁴² N'ka n'ti yi olaté gblɔ ni nɔviwo bé: "Nɔvinyé jété madé ébé ké lé n'kuvi mé nawoa yi" vɔa owoya owuntélé kpɔ ati ho ékpo ké lé tɔwoa mé yi ma? Ayétɔ! dé tɔwoa gbɔho, fifia olaté kpɔ léké ola wɔ yi dé nɔviwo tɔ. ⁴³ Ati nyɔɛ dékpékpé n'tséna éku bawo, yi ati bada dékpékpé tsa n'tséna éku nyɔɛwo. ⁴⁴ Ojénasi ati dékpékpé kudo yiho ékutsétsén yi. ⁴⁵ Amé nyɔɛ kudo éji nyɔɛ, wɔna énu nyɔɛ yi amé bada kudo éji bada wɔna énu bada. Dobé énuké lé yiho éjiméa yi yiho énu gblɔna. ⁴⁶ N'ka n'ti yi milé yɔm bé: "Apétɔ, Apétɔ" yi mimu lé wɔdé égbényé ji o? ⁴⁷ Dobé amédékpékpé ké vana égbɔnyé yi séna égbé nyé yi wɔna dé ijia, ma fian mi améké édia. ⁴⁸ Amékumua lé sigbé améké kudo yi do fɔndasion dé ékpé gbaja ji. Né inyi bé étsi ja kaka yi hɔ tohowoa, éhɔ kuwuan n'ja té mu o dobé otui nyɔɛdé. ⁴⁹ Vɔa améké séna énya nyéwo yi n'wɔna dé iji woa lé sigbé améké tu yiho éhɔ dé anyigba gbalo ji ké n'wɔ fodasion o. Né inyi bé étsi jan yi hɔ tohowoa éhɔ kumua la mu yi élan gban"