¹ Lé gakumua méa, amédéwo lé gblɔ na Yésu léké Pilato na yi owu Yudatɔ déwo kéwo tso Galiléa éké olé wɔ vɔsa na Mawu lé tsɔtsihɔmé lé Yéruzalɛm. ² Yésu lé do yinti nuwo bé: "Misɔɛbé Galiléatɔ kiawo wɔ énuvɔn tsé wu Galiléatɔ kpɔtɔɛwo ya dobé olé édɔ kiawo ya? ³ O, n'lé gblɔɛ ni mi. Vɔ né mimaté trɔ éjiméwoa, miakpata miatsrɔn lé nɔnɔmé dika mé." ⁴ Alo amé améwuiényi kumuao lé Silɔm ké éhɔgan mujé woji yi wuwua ya owɔ énuvɔn tso wu Yéruzalɛmtɔwo ya? ⁵ O, n'lé gblɔɛ na mi. Vɔa né mimu trɔ lé miaho éjiwo mé oa, miawo tsan milatsrɔn." ⁶ Tétéa, Yésu gbé yi iji lé dolo nawo bé: "N'tsu dé do ékutsétsé ho ati dé yiho ébomé, yi ké éva atia gbɔ bé yéagbé ékutsétséa, n'kpɔ dékpékpé lé iji o. ⁷ N'tsua tona amékéo kpɔna éboaji bé: "mikpɔ, éwɔ épétɔ yi ké n'lé va atia gɔmé bé magbé ékutsétsé lé iji vɔa nyéwunlé lé kpɔ lé iji o. Mitsoé ji n'ka n'ti yi miala dati yi éla hɔ toho dɛ yi? ⁸ Eboaji kpɔla lé tonɛ bé: "Apétɔ tati né gbé nɔanyi épé kiamé kpɔ. Matrɔ asi lé yinti, maku yinti yi matsɔ énu tso kɔdé yinti. ⁹ Né inyi bé étsé éku épé ké gbɔnɔa, la ényɔ; vɔ né inyi bé égbé tséku kéoa, matsoé dangbé!" ¹⁰ Gbédika Yésu lé fianu lé Sabat ho n'kéké ji lé Yudatɔwo tsɔtsihɔmé. ¹¹ Ekpɔ nyɔnu dé ké gbɔgbɔvɔnwo lé do énuho na. Yi édɔ léléa wɔ bé éha yi n'télé jɔ o. ¹² Yesu yɔe va edokui gbɔe eye wɔgblɔ nɛ bé, "Nyɔnu évo tso wo dɔléléla si mé!" ¹³ Azɔ eka asi enu eye enumake nyɔnua ƒe dɔa vɔ nɛ eye wodzɔ ale gbegbe be woda akpe hekafu mawu! ¹⁴ Yudatɔwo ƒe kplɔla si nɔ ƒuƒoƒe ma dzi kpɔm la do dziku vevie le nu si yesu wɔ la ta elabena eyɔ dɔ na nyɔnua le sabat nkekea dzi. Edo yli gblɔ na ameha la be, "nkeke ade sɔn lé kwasida deka me esiwo dzi woawɔ dɔ lé, esiae nye nkeke siwo dzi wole bé nava woayɔ dɔ wo ke menye le saba nkeke dzi o!" ¹⁵ Yésu do yinti nɛ bé: "ayétɔwo! mɛkayi lé miadomé yi n'tuna éka na yiho ésɔkɛtɛ alo yiho agbo lé Sabat ho n'kéké ji tsagbé néwun nu étsi o yi? ¹⁶ Fifia dé énuvɔn yi n'wɔa bé éwɔdɔna Abraham ho nyɔnu ké yi Abusam blɛ épé wuiényi yi ké lé Sabat ho n'kéké jia? ¹⁷ Yiho énya kéwo égblɔa wɔ n'kpé ni yiho futɔwo kpata yi amésiamé ké lé guwuan kpɔ jijɔ lé nukunu ganwo ké éwɔa n'ti. ¹⁸ Tétéa Yésu gblɔ bé: "Lémɔ yi Mawu ho éfiduhoa léo yi? N'ka yi miaté tso sɔ kudoé o? ¹⁹ Elé sigbé ati ho ékutsétsé vitukui dé ké n'tsu dé tso dangbé dé yiho ébo mé yi ké éva tsia, Jipo ho éhénviwo vana yi wɔna wɔaho atɛn do yiho alɔtiawo ji." ²⁰ Egbé gblɔ ké bé: "N'ka yi miaté tsɔ Mawu fiaduhoa sɔ kudo yi? ²¹ Edi isi ké nyɔnu dé ké mé na kpɔnɔa tso fana kudo kpɔnɔ wɔa tsagbé kaka éwun néva kéa, nété ho nyɔɛdé." ²² Yésu lé ditsa yi lé fianu lé édu kudo kɔpé kɔpéwo mé yikɔ Yéruzalɛm. ²³ Amédé va igbɔ yi lé biɔɛ bé: "Enufiala, adido yi nyi nyawo bé amédéwo ko yi lakpɔ dédéa?" Tétéa Yésu do yinti nɛ bé: ²⁴ "mijagbagba mé miado éhoamé to agbo vitukui mé dobé amé sugbɔ laja gbagba vɔa owun ja té kpɔ émɔ o." ²⁵ Né inyi bé ahotɔ tso yi tu yiho agboa yi mi tsi agboa ho n'gbodo méa yi milé poé yi lé gblɔ bé: "apétɔ hu éhɔa ni mi." yi édo yinti ni mi bé: "nyému jési mi o; ganɛ ji mitso?" ²⁶ Yi miawo ya miado yinti nɛ bé: mikudowo yi dunu yi nu énu lé agba dika mé, yi ofia énu lé miho émɔwo ji." ²⁷ Ela do yinti ni mi bé: "n'gblɔɛ ni mi bé nyému jési mi o. Mima té va iméo dobé énuvɔn wɔlawo yi minyi. Mitrɔyi toho ké mitsoa." ²⁸ Avin fanfan kudo adokli dudu lanɔ jipo fiaduhoa mé né inyi bé mikpɔ Abraham, Izak, Yakobo kudo ényagblɔdila kpɔtɔɛwo lé Mawu ho éfiaduhoa mé yi ké ola tsɔ miawo dangbé dé ézo mavɔ mé. ²⁹ Olatso dɔkusu ho fɔnfɔn toho, mlɔanyi toho, éjigbé kudo gɔmé yi wɔanɔ ékplɔ n'ti lé Mawu ho fiaduhoa mé. ³⁰ Yi milé lé ékia dé étamé nyɔɛdé bé amékéwo nyi gban ola trɔ zu kpɔtɔɛ." ³¹ Lé gakumuaméa, Farizitɔdéwo va yi lé tonɛ bé: "né oji bé yéanɔ agbéa la tso lé gɛké dobé Hérodɛs lé jiwo bé yéawu." ³² Miyi yi miagblɔna ayétɔ kumua bé: "malé nya gbɔgbɔvɔnwo, mawɔ nukunu sugbɔwo yi mayɔ édɔ na améwo égbéa kudo étsɔ n'tɔ tsan, yi né n'kékéa amétɔa do mawu édɔ nyéa nu yi yi mado toho ké n'lé yia. ³³ Lé égo dékpékpé nua, égbé, étsɔ kudo n'kéké ké la ti doa mayɔ édɔ déasi nyéa vɔ dobé n'nyɔ bé wɔawu Mawu ho ényagblɔdila lé édua dé mé tovo na Yéruzalɛm o. ³⁴ Yéruzalɛm, Yéruzalɛm! owo ké wuna ényagblɔdilawo yi odan ékpé amékéwo odɔna dudawoa. Iji ijia, n'jina bé mabɔ éviwo sigbé léké koklo bɔna yiho éviwo dé yiho aflaka mé, vɔa mimu déna émɔ nam o. ³⁵ Fifia miaho ahoa tsi gbalo. N'lé gblɔɛ ni mi bé mima gbé kpɔm kaka na gakémé miagblɔ bé: "wɔayra améka lava lé apétɔla ho n'kɔ mé:"