¹ Yiwo n'gbédodoamɛa,Yésu bédé yidoké fia nusrɔlawo lɛ Tibérida ho apoua to. Yi mikpo léké ede yi do ke fio. ² Simon Petro lɛ du kudo toma kewo yona bé venɔvi, nataël ké tcho kana lé galiléa ,Zébédé via kudo Yesu ho nusrɔnla amévé. ³ Simon Pétro gbrɔ bé: "n'yikɔ ma va da akpavi lɛ étɔdji." Yi ogbrɔnɛ bé miayi kudo wo." wɔakpata oyi do tɔdjiwoun mé, vɔa lɛ ezan, olé dékpékpé wo. ⁴ Lɛ n'kéké mea Yesu , va tchité lɛ etoato, vɔa enusrɔnlawo mougna be Yesu yi o. ⁵ Yésu gbrɔ biawo bɛ : "dikadjɛwo n'dé n'lɛ bé mia dua?" Odo yinti ne bé "o." ⁶ Elɛlé gbrɔnawo bé:" mida miaho adɔa yi emiɔ dji yi miakpɔ" Yi oda adoa , yi oté lé dɔewo elabéna akpavi yimɛ sugbɔ. ⁷ Yi nusrɔla ké Yesu lɔn wua gblɔna Pétro bé: " Apétɔ yi." Ké Simɔn Pétro sé bé yia, esho yiho awu do yi djé apouamɛ. ⁸ Amékpɔtɔɛ wo lɛ tɔdji houn mɛ ( tɔdji houn a n'didi lɛ etɔato, élésigbé mɛta blavé) ⁹ ké odo agnigban gbalo djia okpo, okpɔ kpɔ kpɔnɔ kudo akpavi lɛ akazo dji. ¹⁰ Yésu lɛ gbrɔɛ nawo bé: " mitchɔ akpaviwo ké milɛ ho akpa dé va ." ¹¹ Yi Simon Pétro lia tɔdjihounwadji yi dɔ adɔ do agnigban yi akpavi gagan 153; togbɔ bé akpaviawo ogagan tcha la adɔɛ ŋ'tcho. ¹² Yésu gbrɔnawo bé:" miva hɔ n'kémɛ n'dudu." Nusrɔlawo dométɔ dékpékpé n'té biɛ bé:" mɛkayi égniwo? Kakadédji lɛ wɔasi bé Apétɔyi. ¹³ Yésu va hɔ kpɔnɔ yi nawo kudo Akpaviawo. ¹⁴ Ekia lɛ gni zitɔn gɔa ké Yésu lé dɛ yidoké fia nusrɔnlawo ké efɔn tcho amékukuwo domé a. ¹⁵ Ké odu n'dékɛn mé ho n'dudua vɔa, Yesu biɔ Simon Pétro bé: "Simon, Yohanɛs ho vi, olɔm wu amékéawoa?" Pétro do yinti nɛ bé: " ɛŋ, Apétɔ , owo ŋ'tɔ odoé djési bé ŋlɔwo n'tɔ ." Yésu gbrɔnɛ bé: " kpɔ alɛn gnéo dji." ¹⁶ Egbé biɛ zi évé gɔa bé: "Simon, Yohanɛs ho vi, olɔn ma?" Pétro do yinti nɛ bé: "ŋɛ, Apétɔ, ŋ'lɔwo. Yésu gbrɔnɛ bé: "kpɔ alɛn gnéa o dji." ¹⁷ Yésu gbé lé biɛ zitɔ gɔa bé: " Simon, Pétro via olɔn ma?" Yi Pétro tchaka lɛ yidokɛ mɛ, léké Yésu lɛ biɛ zitɔn gɔa bé: " olɔn mu a?" Pétro do yinti nɛ bé: "Apétɔ ognan n'dékpékpé, ogna bé ŋ'lɔwo." Yésu gbé gbrɔ nɛ bé: " kpɔ alɛn gnéawo dji." ¹⁸ Lɛ gnatého mɛa , lɛ gnatého mɛa n'lé gbrɔɛ nawo bé oké lɛ dikadjɛ mɛa, owo n'tɔ odo na awu yi yina teho ke djro wɔa. Vɔa nɛ ova tchia, oladjra do na wo yi wɔakpl yi tého kɛ n'djɔdjinawo. ¹⁹ Yésu gblɔ égna kia bé Paolo bé yeatcho gna lɛké woa kafui do kafui do yiho éku ho n'gbodo mé bé wɔatchɔ nikɔkɔɛ na Mawu. ²⁰ Pétro trɔ yi kpɔ nusrɔnla ké Yésu lɔna ti do lɛ n'gbodomɛ. Amékɛ tchɔ yidoké gbadé Yésu ho akɔtadji gakɛmɛ olɛ ekplɔ n'ti lɛ du wɔɛtrɔ nu a yi lɛ biɛ bé: "Apetɔ,mɛkayi tchɔwo sa?" ²¹ Pétro kpɔɛ yi lɛ biɛ bé: "ŋkayi la va wɔ amé kum o?" ²² Yésu gbrɔnɛ bé:" yi n'dji bé nɛnɔ agbé na kaka matrɔva la, ganɛdji ɛgna kumɔa kanawo? lɛ n'tignéwo." ²³ Alo égna di lɛ nɔvignéwo domé béna yiho nusrɔnlawo maku o a. Ganké Yésu n'kpɔ lɛ gbrɔ na Pétro bé enusrɔnla kumɔa aku o, vɔa yi idji bé: "nénɔ agbé nagakɛmɛ yila trɔva, ganɛ dji eka nawo. ²⁴ Nusrɔnla kiawo didasé na egna kiawo, yi migna bé dasedidi kiawo lɛ yi tého. ²⁵ Enu sugbɔwo lɛ ke Yésu wɔ.Nɛ wɔaŋlɔ enukumɔawo kpata la toho n'lɛ hiheamɛ bé nénɔ.