¹ Yi Pilato na yi opo Yésu kudo ɛka vévédé. ² Gbadagbawo tchɔ awundja ho ékuku yi tchɔn dɛ yiho étadji yi otchɔn awu djén lɔbɔ donɛ. ³ Yi ékpɔwo gbɔna yigbɔ yi ogbrɔ nɛ bé: "midogbé nawo, Yuda tɔwo ho fia!" yi otɔɛdji lé opoɛ kudo wɔaho alɔwo." ⁴ Yi ké pilato trɔ do tcho éhɔamɛa yi élé gbɔna améha bé, "mikpɔa, n'klpɔmi va éhihé fifia bé magblɔ né mi bé édia gné n'kpɔ édi dékpékpé lé yinti o." ⁵ Yi Yésu do va édouaméatɔ ho n'kumé; yi édo awundja ho ékuku kudo ɛlan ho agbazé dé n'ti. Tétéa Pilato gbrɔ nawo bé: "mikpɔ amégbétɔa!" ⁶ Lɛké vɔsalawo kudo gbadagbawo kpɔ Yésu, wɔakpata wo aha sésédé: "mikɛn dé atichoga dji; mikɛ dé atichogan dji!" Pilato gbrɔ nawo bé: "mia n'tɔ mikplɔ tcho yi miakɛn dé atitchoga élabéna gné mou kpɔ énou bada dé lé yinti o." ⁷ Yudatɔwo lé do yinti na Pilato bé: "ésé dé lɛ miasi yi éséa djia, igni bé étchɔ yidoko tcho wɔ Mawu ho vi." ⁸ Ké Pilato sé éséa, vɔvɔn gbélé sugbɔ, ⁹ yi égbé trɔ kplɔ Yésu yi kodjo ho éhɔamé ké yi trɔ lɛ biɔ ké béna: "ganɛ djii otcho?" gakoumɔa mɛa,Yésu bɔnu n'do égna dékpékpé n"ti nɛ o. ¹⁰ Yi Pilato lɛ biɛ bé: "omado égna inyi na maa? alo omugna bé n'sé lɛ asigné bé maté tatiwɔa yi magbé té wɔ bé wɔaklawo dé atitchoga djia?" ¹¹ Yésu do yinti nɛ bé : "n'sɛn dékpékpé n'lé asiwo dé édji o né mugni étcho djipo. Fifia, améké tchɔm sa na wɔa ho nuvɔn kpéwu tɔwo." ¹² Lé don'ti kia djia, Pilato dji la ké tati, yi yudatɔwo do aha bé: "né odatia amékɛa la, omugni kayizaro ho hɔnlɔn o. Améké tchɔ yidoko wɔ éfia la lé tchité dé Kayizaro dji." ¹³ Ké Pilato gbé sé égna kiawɔa, ogbé kplɔ Yésu yi éhihé yi Pilato nɔagni dé vɔnunudrɔndrɔn ho azikpéa dji lɛ tého ké oyɔna bé ékpégbadja dji ké oyɔ na lé hébru gbémé bé, "Gabata." ¹⁴ Mikpɔ égbégni n'kéké ké dji yi olédjrado bé wɔadu paska ho azan yi anɔ sigbé gapopo amadɛ wo nɛnɛ. Pilato gblɔ na yudawo bé: "mikpɔ miaho éfia!" ¹⁵ Yi odo aha lé gblɔ bé: "mikplɔyi, mikplɔ yi; mikɛn dé ati n'ti !" Pilato gblɔ nawo bé: "makan mia ho éfia dé atitchoga djia?" Vɔsalawo kéwo lé toha do yinti bé: " Miaho éfia yi gni Kayizaro." ¹⁶ Yi Pilato dati lé Yésu nawo bé wɔakɛn. ¹⁷ Yi okplɔ Yésu do, tchɔ atichoga kpa nɛ lɛ tého ké oyɔna bé " améta ho sésɛn," kéyi oyɔna lɛ hébrou gbé mé bé "Golgota" ¹⁸ Okan Yésu lɛ gawun kudo amé amévé buwo, lé yiho akpa vovoawo dji yi Yésu lɛ dodomé nawo. ¹⁹ Pilato than nlɔ djési dé tcho dɛ yiho étagbé lɛ atitchogan n'ti. Onlɔ dé idji bé: "Yésu Nazarɛt tɔ, Yudatɔwo ho éfia." ²⁰ Yudatɔgbogbo kéo lɛ gawoun a hlɛn énunlɔnlɔ élabéna toho kéyi owɔ énua lɛa gogo éduga mé. Onlɔ djésia lɛ Hébrugbémɛ, Latingbémɛ kudo Hélagbémɛ. ^{21 22} Yudatɔwwo ho vɔsalawo gblɔ na Pilato bé: " n'gbé nlɔ bé Yudatɔwo ho éfia wo " vɔa amékɛa gblɔ bé : " yudatɔwo ho éfia yi mougni." Pilato do yinti bé: " énuké n'nlɔa, n'nlɔ vɔ." ²³ Ké gbadagbawo kan Yésu vɔa, otchɔ yiho awua yi omɛ dé toho amɛnɛ, amédéka tchɔ awua ho toho déka; kudo yiho awu lɔbɔ. Vɔ awu lɔbɔa ya omutɔɛ yé o vɔ olɔɛ lɔbɔ nɛnɛ yi tcho édjigbé va do gɔmé. ²⁴ Yi olɛ gblɔ na wɔadéké o bé: " mim'gbézé o vɔa miadɔɛ lé miadékéwo si bé mɛkayi adu djio." Enukia va émé bé égna kéwo onlɔ dɛa nétéwoun va imé: " oma awu gnéwo lé wɔanɔnɔɛ wo mé yi oda akɔ dé awu vlaya gnéa dji." ²⁵ Gbadagbawo wɔ énukéawo kpata. Yésu ho nɔ, énɔa ho nɔvi, klofas ho nɔ kudo Maria madélɛne. Gnɔnu kéawo tɔté dé Yésu ho atitchoga gbɔ. ²⁶ Ké Yésu kpɔ kudo yiho énusrɔnla ké élɔna lé yigbɔ a, églɔ na énɔa bé:" Gnɔnu kpɔ éviwo!" ²⁷ Yi égblɔɛ na nusrɔn la bé: "kpɔ énɔwo! " Yi tcho gakumɔa mɛ, énusrɔla hɔɛ dé iho ahomɛ. ²⁸ Ké énukia vɔa yi ké Yésu gna hoho bé n'dékpékpé wɔɛnu sigbé léké nlɔnlɔwo, égblɔ bé: "étcikɔ lɛ tim." ²⁹ Vin gbégbɛn dé ké adi lé yimé la lé gagban dé mɛ lé gawoun, tété otchɔɛ kɔ dé akutchan mé tcho tɔ dé wɔaho sɔdja ho ati déka n'ti yi otchɔɛ yi énougbɔ nɛ. ³⁰ Ké Yésu dɔɛ séa, égblɔ bé: " évɔ." Yi ébɔbɔ éta yi gɔmé yi étchɔ yiho na. ³¹ Yi Yudatɔwo ho améganwo n'kélé dji béna amɛawo nénɔ atitchogan nti kaka yi na Sabat ho n'kéké la dji o, yi tcho kpédé kia n'ti la Sabat ho n'kéké kia lɛ vévédé, yi obia tcho Pilato gbɔ bé wɔa ŋɛ afɔ na amékéwo oka dé atitchogan n'tia kpata yi wɔadé wɔaho n'tiranwo. ³² Tété gbadagbawo va yi oŋɛ afɔ wo na amé tchutchungba kudo évégɔa ké okan kudo Yésu a. ³³ Ké ova do Yésu djia, okpɔ bé éti ku vɔ, yi owoun ŋɛ afɔ na éya o. ³⁴ Yi gakumɔa mɛa gbadagba déka tchɔ éyi yi tɔ Yésu Adamé nɛ yi éhoun kudo étchi do. ³⁵ Améké kpɔ énukia yi di dasifoa, yiho dasifo la gni adido. Egna bé yihola gnɔ yi béna miatɛn së yi miakadé idji. ³⁶ Enukɛo kpatawo djɔ bé égna kéwo gbrɔ dadɛ nɛ wou énu: " yiho éhou dékpékpé ma ŋɛ o." ³⁷ Enu ŋlɔŋlɔn bu tcha gbrɔ bé: " wɔakpɔ amékéwo vévéa." ³⁸ Lé énukéawo ho djɔdjɔ ho ngbodomɛa, Yosɛf ké tcho Arimatia, Yésu ho nusrɔnlayi gni ( vɔa n'lɛ gnagnamé na Yudatɔwo) dékuku na Pilato bé nédati lɛ Yésu ho n'tilan n'tiran kukua n'ti nɛ yé yéatchɔɛ djémɔ. Tété Yosɛf va yi tchɔ Yésu ho n'tiran kukua djémɔ. ³⁹ Nikodɛmo tchan va, iya ké lɛ ézan dé méa kéyi Yésu gbɔ. Etchɔ aklalan héé kudo amisisi hɔhɔn ké ho kpékpémé anɔ sigbɛ kilo amadɛn. ⁴⁰ Yi otchɔ Yésu ho n'tiran kukua yi otchɔ aklala la tcho trɔ doé kudo amisisi vɛnvɛ wo sigbé léké yudatɔwo wɔna lɛ wɔaho édé kɔnua nu na wɔaho amékukuwo. ⁴¹ Fifia tého ké okɛn léa gni abɔdédé mé;,yi abɔamé yɔdo yéyé lé téhoa ké omoukpɔ di amé lé émé o. ⁴² Ekégni yudatɔwo n'kéké djradjrado, yi éhodoa tchan tchɔ lɛ wɔagbɔ yi otchɔ Yésu ho n'tiran kukua dé yimɛ.