¹ Nyatoho, nyatohoa, n'lé to ni mi bé, améké n'to hɔmɔnu do lankpoaméa, yi to émɔbu do lankpoamé, amékumu a nyi fianfi ku adjodala. ² Vɔa améké to hɔmɔnu domé gni elanyitɔ. ³ Agbonu jɔla hun agbo a. Elanwo sé iho gbé yi éyɔwo kuku wɔaho n'kɔ n'tɔntɔ. ⁴ Ké ékplɔ kéwogni étɔa, élézon lé n'kɔ niwo yi alɛn wo jé iyomé; énuké ntia ojési yiho gbé. ⁵ Omutina améjro do, vɔa elénuwo bé waja yé lé yinti; énukéta, omu jési améjro ho gbéwo." ⁶ Yésu do yinti niwo to élododomé vɔa omuséna ényadédékpé gɔméwo. ⁷ Yi Yésu gbé gbrɔ nuwo bé: " nyatoho, nyatohoa,n'lé gbrɔ ni mi bé, ényé yi nyi alɛn a wo ho hɔtru. ⁸ Amékéo kpata jénkɔnumɔa onyi fianfi kudo ajodalawo, vɔa alɛnviawo omusé yiho gbé o. ⁹ N'nyi hɔmɔnu a. Améké la do yimé to éljignéa to akpɔ dédé; ado yimé yi ,ato akpɔ toho ké éla nyi yiho alenwo lé. ¹⁰ Fianfi ya vana bé yia fi nu yia fi nu yi, yéawu amé yi yeagblénu.Enyéya n'va bé oné kpɔ agbé yi bé wɔakpɔɛ lé agbɔsusumé. ¹¹ Enyé yi nyi kplɔla nyuin ɛ tɔa. Kplɔla nyuintɔ tsɔ na yiho agbé nana dé yiho alɛn vi o ta. ¹² Dɔwɔla munyi kplɔlawo yi mudona alɛnn wo. Ekplɔna élan bada va yi, ési dantiwo yi élan bada léwo yi kakawo . ¹³ Esina enuké yintia enyi dɔtsɔla layi yi n'tchɔna édékpékpé lé yimé nɔ wo. ¹⁴ N'nyi kplɔla nyuintɔ. N'jési alɛn gnéawo yi wɔatsa ojésim. ¹⁵ Etɔnyé jésim yi n'tsan n'jési, yi n'tsɔna agbényé na dé alɛngnéwo ta. ¹⁶ N'gbédo alɛn buwo ké mulé ékpoa mé o. Elébé matsɔ wo va, yi wɔasé gbé nyé bé wɔanyi déka yi wɔado alɛn kplɔla déka. ¹⁷ Yinti yi étɔya lɔm: n'tsɔ na agbényé nana yi matéhɔɛ. ¹⁸ Amédé maté hɔɛ lé asigné o.N'sé lé asinyé bé mana yi magbétrɔ hɔɛ. Etɔ la yi tsɔɛ num nɛnɛ." ¹⁹ Mama gandé gbé va Yudatɔwo domé na énya kéawo. ²⁰ Amédéwo lé gbrɔ mé: " amékéa gbɔgbɔ yui igni yi étagbɔ nlé yisi. N'kata milé do tɔé? " ²¹ Amébuwo lé gbrɔ bé: "munyi amédé ké do gbɔgbɔ honu wɔna yi nyi kéa. Gbɔgbɔ bada laté houn n'ku na amé?" ²² Tété oyi ntikɔkɔé ho azan lé Yéruzalɛm. ²³ Avivɔ ho gaméyi yi Yésu lɛ zon lé éhɔamé, lé akpadéka lé gogo Salomɔn ho akpata. ²⁴ Yi Yudatɔwo po hlan lɛ gbrɔnɛ bé: " kaka gakaméyi nana ji nadé lé po ni mi o? Né ogni kristoa, gblɔnimi kpata." ²⁵ Yésu do yinti nawo bé: " ngbrɔ ni mi vɔa mimu ka dé ejignéwo. Edɔ ké muwɔ lé étɔnyé ho n'kɔ jia didasé lé ntigné. ²⁶ Vɔ ganké mimukadé éjigné o enuké ntia mimugni alɛn nyéwo. ²⁷ Alɛn gnéwo sé na egbé nyé. N'jésio yi oti nam. ²⁸ N'nanawo agbémavɔ yi omaku o yi amédékpékpé matéhɔwo lɛ asinyéwo. ²⁹ Etɔnyé ké tsɔwo numɔa, gaganwou améwo kpata yi amédékpékpé nja té hɔɛ lé yiho alɔméo. ³⁰ Enyé kudo tatanyé, minyi amédékayi." ³¹ Fiafia yudatɔwo otrɔ fɔ ékpéwo bé yiwo la dɛ. ³² Yésu to nuwo bé: "n'fia mi tatanyé ho dɔwɔwɔwo sugbɔ. Fifia éka yinti mija pum ékpé do? " ³³ Yudatɔwo do yinti nɛ bé: " munyi édɔ nyuin n'ti yi milé dawo ékpé do, vɔa hado ajédadawɔa; énuké yintia owo agbétɔ olétchɔ dékéwo sigbé Mawu nɛnɛ." ³⁴ Yésu do yinti nuwo bé: "omu ŋlɔ lé miaho séamé bé: "n'gbrɔɛ bé migni Mawu wo a?" ³⁵ Né inyi bé éyɔwo bé Mawu wɔa, amékéwo gbɔ mawu ho nya do (yiomu da nalé énu ŋlɔŋlɔ ji o), ³⁶ yi lémɔyi améké étɔa n'tɔ tsa dida hihéamé: " mitsɔ enya dé nti o" énuké ta n'gbrɔbé : munyi Mawu ho vi"? ³⁷ Né nyémukéwɔ etɔnyé ho dɔ, kanyi mingbé hɔjinyé sé o . ³⁸ Vɔa tovo ni kumɔa, mika kadé éjinyéwo mikadé éjinyéwo mikadé nukunu ké muwɔawo ji; yi miahɔɛ sé bé etɔ la lé ményé yi ényé tsan n'lɛ étɔ la mé." ³⁹ Ogbé ji la lé Yésu ganké éjo lé wɔaho alɔmé. ⁴⁰ Zidéka kéa Yésu jo yi Yɔdan yo étɔ aho godo, toho ké Yowana nɔna étsidéta nu améwo koko, yi étsi gawoun. ⁴¹ Amésugbɔ va igbɔ yi gbrɔ nɛ bé: " Yowana n'wɔ nukunu dékpékpéwo, vɔa enya dékpékpé kéyi égbrɔ tso amékéa intia lé yi toho." ⁴² Yi amésugbɔkadé Yésu ji lé toho kumɔ a.