¹ Lé gɔmé djédjéa méa égna la lɛ;yi ɛgna lé kudo Mawu. ² YI ɛgna laé gni Mawu. Egna kélɛ kudo Mawu lé gɔmédjéa mɛ. ³ To yidji owɔ n'dékpékpé lɛ a yi égayi otcho wɔ n'dékpékpé yi n'dékpékpé n'lé kéyi owɔ yintɔ manɔɛmé o. ⁴ Yi mɛ yi agbé lɛ yi agbé gni amegbétɔ wo ho kandégban. ⁵ Ezo lé klɛn lé vivitimɛ yi viviti n'téchi o. ⁶ Mawu ho amédɔdɔ dé kɛlé, yiho n'kɔ igni Yohanɛs. ⁷ Eké va sigbé dasifotɔ nɛnɛ; béna yéava dé dasifo na ézo tchangbé améwo néhɔ yidji sé (oné ka dé yidji). ⁸ Yohanɛs n'ké gni kandégban o, ganké éké va bé yeadé dasifo na kadégban yi (kékéli ézo) ⁹ Kadéngba adodoé ké klɛn na dé amégbétɔwo djia yi va hihéamé mɛ ¹⁰ Eké lɛ hiheamé, yi to idji yi owɔ éhihéa kpata lɛ yi éhihéa n'djési o. ¹¹ Eva yitɔwo gbɔ ganké yitɔwo gbé omuhɔɛ o. ¹² Ganké amékéwo hɔɛ yi dji yi kadé yidjia enawo n'sén béna wɔatrɔ zu Mawu ho éviwo; ¹³ kéwo omudji to éhoun dji o alo to amégbétɔ (n'tilan) ho lɔlɔnou dji o, ganké to mawu dji. ¹⁴ Yi égna trɔ zu n'tiran yi nɔ agbé lé mia domɛ. Mikpɔ yiho kɔkoé gnigni; kɔkoé gnigni ké lɛ sigbé amé déka tcho Mawu gbɔ a nɛnɛ; éwɔ dɔ kudé vévé kuku gnatého. ¹⁵ Yohanɛs lé da aha yi lé dé yiho dasifo bé: "amékéa n'ti n'kélé gbrɔ bé:" améké lé dja tim do va,djé n'kɔ nam; do bé éké lé n'kɔ nam"." ¹⁶ To yiho dɔdɔ mɛ yi mihɔ aménuvévé dé aménuvévé dji a. ¹⁷ Do bé Mosé yi tchɔ éséa va, ganké aménuveve kudo adidoa va to Yésu Christo dji. ¹⁸ Amédékpékpé n'kpɔ Mawu kpɔ o.Amédéka gon'go yi n'tɔ Mawu kélɛ tata méa yi na yi odjési. ¹⁹ Mikpɔ yohanɛs ho dasifo gakémɛ Yudatɔwo dɔ ékɔnuwɔtɔwo kudé léwitɔwo tcho yérusalɛm bé wɔa va biɛ sé bé: "mɛkayi ogniwo?" ²⁰ éhonu fɛ yi tchɔ don'ti nawo bé: " gné mugni Christo o." ²¹ Tété, obiɛ sé bé: " yi mɛkayi ogniwo? éwo yi Elia? " édo yinti : "n'gni égnéyo" o tonɛ bé "éwoé yi gni mawu ho amédɔdɔa?" édo yinti bé "o" ²² Otonɛ bé:"mɛkayi ogni o" tchagbé mia gna égna ké yi mi trɔ yia mia tona améké dɔmi va o.? Egna kayi olégblɔ tcho édekéwo n'ti o?" ²³ édo yinti nawo bé:"égné yi gni améké da aha lɛ égbéame bé: " midjɔ ahotɔ ho mɔwo sigbé lékéyé Esaya Mawu ho amédɔdɔ ké gbrɔɛ nɛnɛ." ²⁴ Farisitɔwo hɔ amé dɔdɔ déwo kéwo va lɛ tohoa lɛ biɔsé sé bé: ²⁵ "n'ka nti olé zi améwo dé étchimé yi mougni owoé gni kristo, alo Elia alo mawu ho amédɔdɔ o? ²⁶ Yohanɛs do yinti nawo bé: "étchi gbalo koégni yi égné tchan n'lé zi améwo dɛa. Ganké amédé lɛ miadomé ké min"djé si o. ²⁷ Amékumoua lava timdo a.N'sé n'lé asigné bé matutu yiho afɔkpa wo." ²⁸ Enukéawo lédjɔ lé bétania lé yordan tɔ ho égo évé tɔa dji, gɛké Yohanɛs lé zin améwo dé étchimé lɛa. ²⁹ Lé nkéké évé gɔa djia, Yohahɛs kpɔ Yésu gbɔna yigbɔ; yi élégbrɔ bé: "Mikpɔ Mawu ho arin vi ké dé hihéa ho vodadawo. ³⁰ Améké n'ti n'lé gbrɔ lé bé élava la do gagan wum élabéna éké lɛ djén'kɔgbé nam. ³¹ Gné mou doé djési o, ganké tchagbé oné kpɔɛ dé djési lɛ israël yi n'va lé zin améwo dé étchi mɛ." ³² Yohanɛs lé dé dasifo bé: "n'kpɔ gbɔgbɔ di tcho édjigbé sigbé ahɔnɛ yi va tchi dji. ³³ Gné n'djési o, ganké améké dɔm va bé ma va zi améwo dé etchi méa tonam bé: "amé ké dji yi nakpɔ gbɔgbɔ ladi tcho djigbé yi va nɔ yiho abɔta djia, yi gni amɛké lé dja zin amé lɛ gbɔgbɔ kɔkɔé mɛa. ³⁴ N'ké kpɔɛ, yi n'dédasifo bé yi gni Mawu ho via." ³⁵ Ké énu bou kéa, ké Yohanɛs tchité kudo iho apostolo amévé déwɔa, ³⁶ okpɔ Yésu zɔ vayikɔ, yi yohanɛs bé: " mikpɔ mawu ho arin via yi nɛ!" ³⁷ Apostolo amévéawo sé léké yohanɛs lé gbrɔ gna yi otcho ti Yésu do. ³⁸ Tétéa Yésu yikpɔwo,yi lébiawo sé bé: "n'kayi milé dji?" o do yinti nɛ bé: "Rabbi(ké gɔmé yi gni ahotɔ),ganɛdji yi olɛ? ³⁹ Yésu do yinti nawo bé : "miva yi mia va kpɔ." Tétéa ova yi vayi kpɔ tého ké Yésu lɛa. Otchi yigbɔ n'kéké koumɔadji, élabéna gawo ho yinti. ⁴⁰ Apostolo amévéo dométɔ déka sé égna ké Yohanɛs gbrɔ yi ti Yésu kégni Andréa, Simon Pétro ho nɔvi. ⁴¹ Ekpɔ fofoa n'tɔ n'tɔn Simon Pétro yi lé tonɛ bé: "mikpɔ Mésia(ké gɔmé yi gni kristo)." ⁴² Ekprɔyi Yésu gbɔ. Yésu kpɔɛ yi égblɔ bé:" éwoé gni Simon, Yohanɛs ho vi. Fifia wɔawɔ wo bé Céfas (ké gɔmé gni Pétro)." ⁴³ Ké énu bou gbékéa, ké Yésu lédji natcho yi galiléa, édogo Filipo yi étonɛ bé; " tim do!. ⁴⁴ Mikpɔ bé Filipo kégni Bésaïda tɔ, édukémé André kudo Pétro tchoa. ⁴⁵ Filipo do go Nataël yi gblɔnɛ bé: "améké n'ti Mosé nlɔ dɛ lé égna gbrɔdɛa o méa, midogoé, Yésu ,Yosɛf ho via ké gni Yérusalɛm tɔa." ⁴⁶ Nataël tonɛ bé: Enugnɔɛ dé la tcho nazarɛtva?" Filipo tonɛ bé:" va yi nakpɔ." ⁴⁷ Yésu kpɔ Nataël zɔn gbana yigb yi lé gbrɔ tcho yinti bé: "mikpɔ israël vi djidji n'tɔ n'tɔ ké mɛ adjédada n'lé o! " ⁴⁸ Nataël to nɛ bé: "lémɔ owɔ djésim?" Yésu do yinti nɛ bé gbɔho Filipo nava yɔ ké olé ati gɔméa n'ké kpɔwo." ⁴⁹ Nataël do yinti bé: "Rabbi, owo yi gni mawu via! owoé yi gni israël ho éfia!" ⁵⁰ Yésu do yinti nɛ bé: " ké igni bé n'tonawo bé n'kpɔwo lé atia gɔméa yinti olékadédjia? Agbéva kpɔ énuganwo wu kéawo." ⁵¹ Yi égbé gblɔ bé: "lé gnatého mɛa, lé gnatého méa, akpɔ djipo la houn yi akpɔ mawudɔlawo lalɛyi édji yi la diva gɔmé tchan kudo amégbétɔ via."