¹ N'kékétɔ ho n'gbédoméa; ésrɔn dédé ho kɔnuwo va yi imé lé kanaa lé galiléa dua mé, yi Yésu ho énɔa tchan ké lɛ tohoa. ² Okpé Yésu kudo yiho énusrɔnlawo tchan alɔlélé tohoa. ³ Gamé ké vin vɔ nawoa, Yésu nɔa tona Yésu bé: "vin dekpékpé n'gbélé wɔasi lo." ⁴ Yésu do yinti nɛ bé: "gnɔnu ganɛdji ékam lé? Gamégné n"kpɔ su o." ⁵ Enɔa tonɛ édɔwɔviawo bé: "égnadékpékpé kéyi éla gblɔ né mia, miwɔ dé yidji." ⁶ Tétéa, édén amadɛn ké mé okuna étchin lɛlɛ dɛ na yudatɔwo lé kɔnu a ho wɔwɔ méa, yi déka ho djidjénu atéwoun wɔ tɔka amétɔ ho djidjénu." ⁷ Yésu tonawo bé: " mikutchi dɔ ézéawo" tété okutchi dɔwo tan'tan. ⁸ Tété Yésu tona énuma tɔawo bé: "mikui tcho yi na n'kɔ nɔtɔwo kudé miaho améganwo." yi owɔɛ sigbé lékéyi égblɔ néwɔa nɛnɛ. ⁹ Enu matɔwo ho n'kɔnɔtɔwo dɔ étchia kpɔ yi étrɔ zu vin, ganké owougna tého ké okpɔɛ tcho o (vɔa énumalawo ya gna tého kéyi étchoa). ¹⁰ Fifia owɔ ésrɔntɔ n'tchu a yi lé tonɛ bé: " Amédékpékpé ké kpé améwo va azan douhoa tchɔna vin gnɔon tɔa do na n'kɔ yi gakémé améwo muvɔa la yi éva dé na vin ké n'hɔtchia na na. Vɔa, oyowa,otchɔ gnɔun tɔa wla yi va lɛ dé do fifi. ¹¹ Yigni nukunu ké Yésu wɔ tchutchu gban lé cana , galiléa ké dé yiho kɔkɔégnigni fia, tété yiho nusrɔnlawo gbé kadé yiho égnawo dji. ¹² Lɛ kumɔa ho n'gbédoméa, édjo kudo yiho nusrɔnlawo, énɔa kudo nɔviawo yi kafarnawum, yi onɔ gawoun na n'kéké vidé. ¹³ Ké yudatɔwo ho azan kéwo yɔ na bé paska gogoa, Yésu yi yérusalɛm. ¹⁴ Ekpɔ égbɔn satɔwo kudo alɛn kudo ahɔnɛ satɔwo lé Mawu ho gbédohɔ gan mé. Ega dɔri tɔwo tchan nɔagni dé gbédohɔa mɛ. ¹⁵ Tétéa, édji éka tcho do éba néwo.Yi égna wɔakpata do lɛ gbédohɔa mé , arɛnviawo tchan lɛ imé, égniawo tchan.Ekaka éga dorin tɔawo ho ga dɛ agnigban, yi mu wɔaho ékprɔawo da n'gbé. ¹⁶ Yi égblɔnɛ akpakpa satɔwo bé: "mitchɔ énukéawo yi tého didi. Mingbé tchɔ tatagné ho homé tcho wɔ égadjidji toho. ¹⁷ Yésu ho apostolɔawo do n'ku bé onlɔn dɛ bé: " ahognégnémé ho édipopo lé fian. ¹⁸ Tétéa yudatɔwo ho étatɔwo do yinti nɛ bé: "nukayi awɔ yi tchɔ dé fia bé onuké owɔa lé yitého?" ¹⁹ Yésu do yinti nawo bé:" yi mimu gbédohɔ kia, n'do n'gbé ni mi bé kaka néwɔ n'kéké amétɔa matrɔ tui. ²⁰ Yudatɔwo ho amégan wo gblɔ bé: " épé branɛ kpata yi mitchɔ tu gbédohɔ kéa yi owoya atchɔ n'kéké amétɔn tcho tu a?. ²¹ Vɔa Yésu ké lé ho nu lé yintɔtɔ amétia n'ti yi. ²² Gakémɛ Yésu va fɔn tcho amékukuwo domé vɔa yi iho apostoloawo va do n'ku idji bé Yésu gbrɔ égna kia ni yéwo tétéa ohɔ nlɔnlɔnwo dji sé kudo Yésu ho égna ké égbrɔ nawɔa. ²³ Ké Yésu lɛ yérusalɛm na paska,yi lɛ azan méa, amé sugbɔ hɔ iyo n'kɔ dji sé, to nukunu kéwo éléwɔa wo dji. ²⁴ Gankéa yésu ndji bé yéawɔ déka kukuwo élabéna édjésiwo kén'kén , ²⁵ énuké ti n'hian amédé bé nadi dasifo lɛ amédé n'ti o; dobé yintɔ gna énuké lé amégbétɔ mɛa.