¹ Eyi Yesu gblɔ̃ nyama wó vɔa, ékɔ mó yidji kpɔdjiƒó gblɔ be : Tɔtɔnyé, gamea vaɖo do viwa ɖedji , ne viwa cã ba dowó ɖodji. ² Sigbe ɖeke lé nɛ ŋusɛ̃ ɖo ŋutilãwo kpata dji ene, ale be ba na agbé mavɔ nuyiwo kpata le co nɛa. ³ Eye agbe mavɔa ye nyi be woa djesi wó Mawu ŋutɔŋutɔa ɖeka ku ameyi le dɔ ɖoɖa, Yesu Kristo. ⁴ Me dowo ɖedji le anyigbadji, mewu édɔ yi lé ɖóné be ma wa nu. ⁵ Ye azɔ̃a wócã tɔtɔ nye doŋuɖedji, ku dódóɖódji yí me kpɔ co gbɔ̃wo keŋ gbɔ xixeame va djɔa ⁶ Me ɖe nyikɔwo cɔ fiɔ̃ ameyiwo ne ɖe có xixeame cɔ ne ma. Tɔwo ye wo nyi ye ne cɔ wo neŋ, wo lé ényãwa me ɖa sí. ⁷ Azɔ̃a wó djesi be nusianu yi le cɔ nema gbɔwo be có. ⁸ Ɖoa me cɔ enyã yiwó kpata le cɔ doasi nema nɔ̃, ye wo xɔwo,ye wo doedjesi ŋutɔtɔ be wo me ye me dro có eye wó xɔɛse be woe dɔŋ ɖa. ⁹ Wawo ŋuti mele gbedoŋɖa lé, nye me le gbedoŋɖa kuɖe xixéame ŋuti o, boŋ ameyiwo ne cɔ nema wo ŋuti, ɖoa tɔwo ye wo nyi ; ¹⁰ Ye nusianu yi nyi tɔnyea tɔwoé, ye nusianu yi nyi tɔwoa tɔnyé ; ye wo doŋ ɖedji le me. ¹¹ Nyeya nye ŋugba le xixeame o, wawo ya wo le xixéame ye me gbɔnɔ gbɔwo. Etɔ kɔkɔetɔ lé ameyiwo le cɔ nem le ŋkɔwamea ɖoasi, ale be woazu ɖeka, sigbe miawo éné. ¹² Gayime me nɔ̃gbakuwo le xixeamea, me léwo ɖoasi, le nyikɔwoa me. Me le ameyiwo ne co nema ɖoasi, ye wo dometɔ ɖékpé me buwó ne me nyi crɔ̃crɔ̃via kpoe ale be énya yi wo ŋlɔɖia ba kpɔ émé vava. ¹³ Ye azɔa me gbɔ̃nɔ gbɔwó, ye ényayawoa me le gblɔ̃ le xixéame, ale be djidjɔ kpɔkpɔ nyea ba dé blibo le wó me. ¹⁴ Me cɔ ényã wa nɔ̃ ; ye xixéa lé fuwó, ɖoa wó me cɔ xixéame o, sigbe ɖeke nye cã nye me co xixéame o éné. ¹⁵ Nye me le biɔbiɔ be na ɖewo co xixeame o, vɔa na kpɔ wó ta có vɔ̃ sime. ¹⁶ Wo me nyi xixea towo sigbe ɖeke nye cã nye me nyi étɔ wó éné. ¹⁷ Ɖewo ɖevo co nyãteƒea me : ényawoa ye nyi nyãteƒe. ¹⁸ Sigbe leke ne dɔm ɖoɖa xixeame enea, néne ma ke nye cã me le wo dɔŋ ɖoɖa xixeame. ¹⁹ Ye me ɖe ɖokui nye ɖevo le wota, ale be wawó cã woa ɖe woɖókuiwo to nyateƒea me. ²⁰ Me nyi wó ta ɖeɖekpó me le biɔbiɔ lé o, vɔa na ameyi wo kpata la va xɔ dji nye asé to woabe nya gblɔgblɔ mea. ²¹ Ale be wó kpata woazu ɖeka, wó tɔnye ɖeke nele menye, ye ŋucã mele méwó be woe dɔŋ ɖoɖa. ²² Ŋuti kɔkɔe yi be cɔ ne ma, me cɔe nawo ; ale be wazu blibo le ɖeka sigbe ɖeke miawo cã muzu ɖeka ene. ²³ Nyea mele woame , ye woya ne menye be wazu blibo le ɖeka nyinyi me ale be xixeame ba djesi be woé dɔŋ ɖa, yé né lɔ̃wó sigbe ɖeke ne lɔ̃m éné. ²⁴ Tɔtɔ nye, me dji be afiyi melea ameyiwó ne cɔ ne ma, wawó cã na nɔ̃ fima gakuŋ, ale be woa kpɔ ŋuti kɔkɔe nyea, ŋuti kɔkɔe yi ne cɔ ne ma ɖoaŋutia le lɔ̃ nyã nye gbɔ̃ keŋ gbɔe le ɖo xixea gɔ̃me anyi. ²⁵ Etɔ djɔdjɔe tɔ, xixeame me djesiwó, vɔa nyea me djesi wó, ye ameyawoa wo nyɛ̃ be woe ɖɔŋ ɖoɖa. ²⁶ Me na be wo nyã nyikɔ wo, ye ma na be woa nyɛ ale be lɔ̃lɔ̃ yi ne cɔ lɔ̃ ma ba nɔ wo me, ye ŋucã manɔ̃ wó me.