¹ Nki lilie biuu mpe ? lilama obiuu masumu ndo ebu kaba lilibue le Nziami lika impeini ? ² Ka yana we! biuu ba ebu linfi mu masumu, mki mutini biuu likunu turu ka mu masumu ? ³ Biene liyabi we mundo ebu biuu ekiki ba libuero mu yesu - christo. Biuu mpe eki balibuero mu lintu le nde ? ⁴ Biuu likiki balindiu ya nde mu obuero mu lintu le nde, mundo ebu, yana mpi christo ewui munkra ba banti mu mambue ma tara, biuu mpe, biuu wa likiu owe kuma mayanu ma lama. ⁵ Ndo ebu kiri ekilike bamo mpe oka mu lintuu le nde, biuu like mpe bumo yande nsa mu owuu ende. ⁶ Biuu liyabi ebu muru ebiuu antii ya nde, mundo ebu ba indu nduru enga masumu, ndo ebu biuu likaka bangama ba masumu. ⁷ Kuobu weso entii ba mukio mu masumu momaso. ⁸ Kiri biuu lintii mu yesu, biuu lililiu ni biuu libolama ya nde. ⁹ Biuu liyabi ebu christo akiwiu mu nkaara babantii, nde antii we mpe lintuu like muluru we ala nde ¹⁰ Kiri nde kinti, mpe eki masumu nde antii mbali mo yoo ti, muli nde ya mone mpe ndo Nziami ki muene. ¹¹ Mutini mumo biene mpe, limono o biene eluiru entii mu masumu ma kaba limo.Muli kaba lilike mutini olama ndo Nziami mu christo. ¹² Mu malemono, kawa nzii mu masumu mu oluiri nduru ebiene entaa ku nto ebu biene ani liziri mu makuni nduru. ¹³ Lika bayela bito ba nduru e biene mpi ilo kii ke imo, muli liyelo o biene bangako ala Nziami mpi wuki ennue, mu lintu liki biene mpe bito be nduru ebiene mpi ilo eyana mundo Nziami. ¹⁴ Kawe nzii mu masumu makaka ala biene, ndo ebui biene liki kaku nsi mikiwe, muli ku nsi mawama. ¹⁵ Ki muli ? lisa masumu ndo ebu biuu like ka kunsi miki we, muli nsi mawama ? kamu momaso we. ¹⁶ Biene liyabi we ni weso wu liyiyio biene mpi muru isali limuwa lizini, biene liki bara ba isali mu webu biene limuwa lizini, eka masumu ma mabiri mu mawama ? ¹⁷ Muli mawama maturu ala Nziami ! ndo nki biene lekiki bangama ba masumu, muli biene ya liwi liziri mu miku mu oyaluo ndobu biene libo. ¹⁸ Biene eki baliyelo mu masumu mpe biene leki bangama mu ma yana ( mabue). ¹⁹ Me ebibei mpi muru mundo leme mu nduru ebiene. mutini mumo, mpi bule yiyio bito be biene be nduru mpi bangama babibuli mpe mambi, muli liyio bito be muru mu ebiene mpi bangama ba ibini mpi ba bawa makaba. ²⁰ Muli kuobu biene like bangama ba masumu, biene lekei bunu balisue kia kia mu osa mambue. ²¹ Ki mambie biene le biki mu bilo mpe ndo ebu biene yali yu bunturu muli ? kuobu kaba libilo beso bini, iki lintuu. ²² Muli biene aki baliyio mu masumu, biene lekei bangama ba Nziami, biene liyiu mambie ma mamabue mamakaba mpe makaba, mawama ma impeini. ²³ Kuobu lituru limasumu lintuu, muli likaba le mpama le Nziami, ikei mawama ma impini mu yesu christo mtumu ebiuu.