¹ Nki ye lelie biuu muli ni Abraham, nkoo ebiuu aki bio mu nduru ? ² Kiri eki Abraham buba mutei mu mando ma mabue, aki ani isa kilikunu le tsée, muli ka akuu e Nziami. ³ Muli ma bakome maie nki ? "Abraham kikiu Nziami, mpe mamana nde ya bamumuene mu mambue ma nde " ⁴ Mumuli, muwe kikiri, furu bali teo we mutini e mawama ma impeini, muli anka ilo bio. ⁵ Mpe ala webu akiri we mando ma mabue, mundo ebu ya ba mumane ala webu ekiu Nziami, akiu onde ba titio mu yana. ⁶ David kilie mamone nde mamabue ala boo eso emone Nziami bisa bibibue mpe ya alie : ⁷ " Ise iki ala babu bakei ya mando tsee mabi mabo yabadimi mpe masumu mabo ya bafiu. ⁸ Aka yana muru ebu Nziami amumone mambi we ". ⁹ Libo leso lilibue likei lolimo ala babu babayi to ala babu babayibi we ? kuobu biuu le lilie ebu okiu oke ala Abraham we eki yana. ¹⁰ Nki mutini nde bamumuene ? ikei nki ina Abrahm too nki ina ba munu muyibi ? nde akikei ka wubayi bi we muli wuba munu yibi. ¹¹ Abraham kibio ilimi ki oyibi mpi igneme ki ibini kio kiu ki abio ina aki nde ebu bamuyibi we, kuobu nde aka tara ebo baso wu ba kikiu, nsa kuobu bamuyibi we mambue ma nde maka yana. ¹² Mpe nde aka tara ebaba yibi, bakeikei kana babayibi we, muli ba bawiwe mpe asini mii mu okiu e tara biuu Abraham, okiu aki nde ina mamunu muyibi. ¹³ Ako, ikiki kamu maluo we malie nde eki awi ala Abraham yaba tsio ba nde ndoki baka baba sia mu mukiri, muli mu mamabue mu maluo. ¹⁴ Ndoki ba basasie bilo bake munkara maluo, okiu ende eki mpama mpe ma bawia ndo nde ya mawini bunu. ¹⁵ Ndobu luo eki kiburu ngebe, muli kuko ebu maluo mawe, mamabi mamaso ma bi ka we. ¹⁶ Mu ndoki baki babakiu mpe mu oyilu ya mawama ma yana, babaki kunsi e maluo, muli mpe ya ba abu kakiu ala Abraham, tara biuu ani bio beso. ¹⁷ Mutini e ma bakome . " me ya osi tara mu ibui emtunu e bara ba mukiri " aki bara biuu abiu we bu eki limukiu, Nziami, we ewuwa mawama ala babamfii mpe wu ebibu bilo bibimunukika ya bibe munukika. ¹⁸ Mundo mali mumono ku nsio, Abraham akikiu Nziami, mumutini so yayiu tara e bara ba mfunu, mutini maba lie nde : " ... mutini eka ba nkoo" ¹⁹ Alileme we okiu, nde ayiyiwe ni nduru ende iki ibe nde aki mukuru e mvu nkama ( 100 ans) mpe Sara eki eliuri mvu e oburu. ²⁰ Muli eki eta ma elie Nziami, Abraham aki mustui ngo we mu ame we muli nde aki bio biya mu okiu, yawii mambue ala Nziami. ²¹ Nde akiki eluili ya akiu mu ma ewua Nziami, makuku ala ndde. ²² Ndobu, mamana eki ba matei kiri ma mabue. ²³ Muli iki ka ndo nde ngabu yu we eki kome mpe mamana ba mata. ²⁴ Nde kikome turu ala biuu, ala na mama ba ta, ala biuu ba likikiu ala wuewiu ku bantu yesu mtumu e biuu. ²⁵ Weso wu bayo ndo mambi mabiuu, mpe ayituru ndo alita yana yana.