¹ Mundo ebu nze ngebe yowe, boo, nze we itsiri mando ma bara babakimi, osa bukobo, nze ya edu isa nze ngako, ndo ebu nze itsiri, nze ikiri mulini mumo. ² Muli biu liyiabu ebu otsiri e Nziami ikei, mu mutini ibini ala .baba isha mulini esu winu. ³ Mamatu mando, nze we edou dou ise mu mando mabara baba isha ma ndo ma bukobo, mpe ba mashaa furu efumu obara ku otsiri e Nziami ? ⁴ Biuni nze entsuu bilo bi ma mbu mande, ngebe, okuru mukou, nze yabi we mambue mande ma otsua ku oyiabi Nziami ? ⁵ Muli mundo owiene mpe ndou mukou nze nfu ku obu nze ya biu nkini ndo tsu eka mpuru otsiri Nziami mando. ⁶ Nde we furu muru a muru mu bisha be nde. ⁷ Ala ba abu bababalamu mu bisha bibibue a isho bise bi oluru, muma buku bonde mpe we emunu mando ma ilue, mawama ina impeini. ⁸ Muli ba abu ba kei ya ifu, mpe bayu we mando ma ibini mamakei munka mambi, nkeni ya kinu. ⁹ Mpe mambi ma iyi ya ala nde we so we mpe abu bakei ka ba juifs we. ¹⁰ Muli mpe vei, likunu mpe ya otuono eka ala baba isha ma mabue ya tere ba juifs mpe yababu bakei koba juifs we. ¹¹ Ndo enki Nziami ekei ka we epopono we. ¹² Kuobu bo baba sa masabi ka munkara miki we baloo mpe ko munkara mikii we mpe baba basa mambi munkara miki baloo mpe munkara miki. ¹³ Ku ebu bo baba biyu ma miki bakei kayiane we ala Nziami, muli bobaba isa mpe mu nzei emo. ¹⁴ Ku obu baba munu si sama, bakowe ya miki, ba isa mumutini eboo ba isa ibini ki mando ma miki, ya ba si nami kii ndo bo ba ngako. ¹⁵ Mpe mumubo boba suo bi limi bibisue mu miki mi bakome mu mikuo me boo mpe mu mukari ma boo ba lie mpe ofunu obo ki bafumu kuba fu imbe imbe. ¹⁶ Ina eka tsu lie Nziami atsiri mando ma ilue ma bara mu mikame me ntsia oluru munze e yesu - christo. ¹⁷ Kiri nze milie juifs, nze ikuari miki mpe nze miwi ala Nziami. ¹⁸ Oyiabu makuini nde, sa muli wu bilo bie muli sue ma miki, ¹⁹ Kiri ebu nze ifimi we esuo binfa .miu, libaa likei ala abu bakei mumpibi. ²⁰ We esuo nze we ebu ayiabu we, sasue ala baba kimi, nze ifimi ebu nze ya oyiabi mpe ya obini mu miki. ²¹ Kiri ebu muli nze esuo baba kimi, mundo enki nze imune isuo nze ,ngako ? nze esuo ala babake ebu baka yibi, nze e eyiyibi we ? ²² Nze we esue ala babake ebu likasa infubu, nze esa we ? nze we esha butio, nze e yibi we mu nzo Nziami ? ²³ Nze we eka ya ise munkara miki, nze we maa Nziami mu miki mimine ? ²⁴ Ndo ebu nkumu e Nziami eyu ilo mpama ala bara ba musamu ndo enze mutini bakome. ²⁵ Oyibi ekei yama oluru ala nze kiri nze esa bukuini miki yabu nze ema miki ayibi enze iyu bayibi we. ²⁶ Kiri bu we bu ba yibi eta miki oyibi ende eka we ki ba yibi ? ²⁷ Webu ekei ba muyibi me ba baburi mpe nde ekuara mangie, nze emudou we isa nze we esuo miki miba kome mu mikana mpe yu oyibi enze ? ²⁸ Mubo, juif we ibini, nde we bayibi mpe mu mukou mpe ka munkara nduru we. ²⁹ Kuobu oyibi ekei mu mukou mpe mu itsi ka munkara mikara we. bisamu bie muru bukono bifi kala bana we, ala Nziami.