¹ Polo, tumi e yesu- christo, babiu kuanka tsui, wubasi : mulibeo mundo ansamu tsia e Nziami. ² Batama balilie bangaa ba Nziami mukara bisome bietama bakome. ³ Mumate muana nde, wuwunu wu eso babuiri muniri mukana lie David. ⁴ de anke ba mubiu muana Nziami mibiya bi itsi ke ,bue kie Nziami, tsi ki Nziami, mu wuru ngale limfu lie yesu - christo mfumu e biu. ⁵ Muze nde, biu ya bio mawama mpe liziri ba wibo mu isali bibatumu mura bara bobaso mu ukui ebo, mundo nkumu ende. ⁶ Mu kura bara baboso biene pe enke ba libiu mundo leya ula yesu. ⁷ Mu bobaso bake ku Roma, babuni bame mu Nziami, mpe bababiu ,unka bara bababue : mawama mpe inse ebiene munkara Nziami tara biu mpe mfumu jesus. ⁸ Ya tere tere, me ya tuono Nziami eme, mundo mamate lukunu le biene lialiwi nde mukili mutsini. ⁹ Kuobu Nziami ake mono ulame munze muana nde. Nziami ake wu titama eba esam mutsi eme mumuti ensia nasia nabu e muana nde mpeme sibu biene. ¹⁰ Tsio leleso mubueno me, nsia nde ewini nse mutsamu nsia mu ani nde so, mpe muli mawama manziami wekuni uwe ala biene. ¹¹ Kuobu me ukunu mono ala biene, mundo eliwa biene molama likaba lika linkiu yana uwa mfu. ¹² MPe ya liwa biya muli mumutini yikiu, kiene mpe kienzi menke muru Polo, menke muru Pierre to me ke muru christo. ¹³ Muli - muli me kuiri we biene limudimu, ndu boo, me kuiri yalita mbale emfunu, enke biya biya to we liyiaba ebu; kuobu liyiaba mi me ya libie lilibue munkara biene mutini unke ma banga musamu. ¹⁴ Meke ani ibini imo ula ba grecs mpe barbare, mpe furu ala ba nga makani mpe babawiene makani. ¹⁵ Bukomo muru mumo we eku mukara biene kio christo tsio ebiene ekene ku Roma. ¹⁶ Mundo bu me enke bumfuru tsia e Nziami biya bienziami mundo bise we nkiu, yetere tere ba juif mpe ba grec. ¹⁷ Mbu ye nzaimi muyiaba mpe useme mpe uwe nku mukara unkiu mitini akome nde we bayana bata bakiu kubalama mumukiri. ¹⁸ Nkeme e Nziami esisa kunzia wu mubara ba masumu mpe mumabi momaso ekiri bara kuobu mando mamabi malue ma ibini. ¹⁹ Nziami aba wi itumu ndobu bobaso bayiaba Nziami baka mu inse nkuobu Nziami abawa poli. ²⁰ Baa ya bakiri mikili, bilo bi muru nginga bi yiaba, mamate te muyana mpe biya yimpene, bobasusie puli munze mubilo biebeso akiri ( asali ) nde mundo ebu bayuyu we bara ngebe. ²¹ Mundu bu enke babuo yana e Nziami, bobakuni we utuono tii Nziami, sa utuono bakiini we ndu banke ikiu we mumu mfunu ebo mpe minko mebo bunu mewine ku mpiibi. ²² Boba lio banke ya makani mumi me bobanzoko, boyabo yuu biwuu. ²³ Ebu bawa matuono ula Nziami, bo batutuono bi tion bidimu ula muru, bie nini, bie nuama mpe bilo bibeso biwiwe mu mana. ²⁴ Mubo, Nziami ntebi mubi nsei bibibi bififi muninko mebo ndo ebu ibo - ibo basa maba kuni mu muru. ²⁵ Bo banke babasisa ubamu yibini mu mapia, bo banke babatu tuono biba yilu matuno we yilu ( Nziami) wuewu ya libo limpene uka bunu ( Amen ). ²⁶ Mundo mubo Nziami aba kabi mubise ,bebo bibibi abakabi mundo bu ba kara babo babamu likunu lebo lie tama furu ani bakara ya badio bise bebo bibibi mumo ya babanke. ²⁷ Mutini mumo ba boo ya ba vinu ya ba ke baboo mutini ebu kayana we. mumutini so Nziami ya wi etumu mumabi basisa bo. ²⁸ Nde yaba wi bakunu we ulue ma balie ( mawi ) nziami, nde kabi mumabi banfunu bo usa mabu bo basasa we. ²⁹ Mu ina bilo nsee biebeso bibibi bienga nkene, ma ekunu muru, mapio mpe mutini ( mamabi ) ukunu mabi nsee undo usunu, we mfufuru mapia mpe uka ya monko mubi. ³⁰ Bababiri mamabi we ke bu kayana we nde liziri we ula baba buri nde muru nga nkene, iwuu we sisa mamabi. ³¹ Makani we, munko we, ngebe we. ³² Bo bayiabi yana mutini etsitsiri Nziami mando, kuobu babasisa mubo bobabo lumfu bo bobasisa muru mubo muli bo ba mono mpe bata ma esisa bara.