1 Anguele Yesu ya balie mando, ya asini miu ku mpe yalie : "Tara ntôo ya iyi. Mutuono muna nze ndobu mpe muana a otuono. 2 Mubo mutini nze eki bawi bukuru mu nkara ba boo bobaso kuobu li muwa mawama ma impini a la bo baso ba emuwi nze. 3 Manke mawama ma impini kuobu bo eki bayabi, Nziami e mubue mpe nde we e mutumi, Yesu Kristu. 4 Ma mando engui nze makiri me mu nsi mawmam ma impini maka ya nze. 5 Muli bu, tara, me wa nzuele mambwe ma ekiki me amo a la nze ya nku ekiri nze mikili. 6 Me ikiri ku oyiaba kumu enze mubilo etiu nze mu mukili mpe ya bi enzui nze. bo bake mu nze; mpe nze eki nzui a la me mpe ya ba lue mando ma nze. 7 Mpe bo eki ba yiabi muli bio beso bieso engui nze biti a la nze, 8 Mpe me ya bawii maluo maso engui nze. Bo eki babio mpe bo ya bakiu ni me eti a la nze, mpe bo nze e ntumi. 9 Me sisami ndobi engui nze, ko ndo mukili we. ndobu maki ela nze. 10 Bio beso bibike a la me, a la nze mpe ani kio, mpe me ani ise. 11 Me buka ka mu mukili we, muli bo bake mu mukili. Nkobu me ngi ngi a la nze tara mubue, ba luemu nkume enze, nkume eso ye ngui nze ndobu bo baka mumo, yana anka nze mpe me, biuu leki mumo. 12 Ba ya ekike me ya bo, me eba lulue munkumu eso engui nze, me eki ebata mpe mu nkara bo we dimu we, kiri mwana e bôo edimu mundo ebu bisone ya bikuu. 13 Muli, me yanzi a la nze, muli me elie mando maso ma ba yeki me turu ya bo ndoki ise ebawi me ya ikiu. 14 Me kibawi luo, mpe bara ba mukili ba bawiru kuobu bo banki ka mu mukili we. Yana mpi me mpe ki kawe mukili we. 15 Me esisami kuobu nde akali kio mu mukili mali me ebakei a la ba basi liyu. 16 Yana kuobu me ki ka mu mukili we Bo mpe bake ka mumukili we. 17 Limukumu mu ibini, ndo ebu mando ma nde maki ibini. 18 Yana ndoki nze ya ntumi mu mukili. Me ya ba tuni mpe. 19 Me e mibworo me ngako ndobu bo mpe baka bab buero mu ibini. 20 Me esisama kanando bowe muti mpe ndo bara bobaso ba tutunu me,mu oluru ma luo ma bo. 21 Mundoki baka bobaso mumo, yana mpi nze. Tara, nze ki mume, me mpe ki munze. Me sisami baka mpe ya biuu ndoki mukili a yaba ni nze ki ntumi. 22 Me kibawi likunu leso engui nze baka buno yana mpi nze ya leke mumo. 23 Me yobo mpe nze ya bo : Mondo ebu ba baka turu mumo : ndobu mukili ayaba ni ze ebumi, mpe nze ekaba kunu mu likunu limo ya lie kukunu nze me. 24 Tara bieso engui nze, me kuini bika mpe akiana mpe meka ndobu baku omono likumu leso engui nze; ndobu nze engui ku esali nze mukili. 25 Tara, mukili a oyiabiwe, muli me ki oyiabi oke nze, mpe ya ba bayiabi ni nze e ntumi. 26 Me kibasue oyiaba kumu e nze, mpe me esisa ebu turu muli bo ba yiaba likunu le nze a la me lika mpe mu bo, mpe me nka mubo.