¹ Me ya lie mando ma soma a la biene ndobu lika biene makia. ² Nde ya asi a la biene ku nzei enzô Nziami ye nene ndoki ntôo ya ikui ndoki we kunu litu te biene aliu nde akikiri mando ma mabue okei Nziami. ³ Bakiri mando maso mana ndobu bo ba muya bi we Nziami tara mpe ya me. ⁴ Me ki lililie mando maso mana ntôo ya libeno mundo eburu bilo beso, biene wa lifini, mu mamano na elilie me. Me lilie we mando maru mana ya tere kuobu meki ya biene. ⁵ Me ya nguini a la we e ntumi, mpe ndo ebu muru mumo makara biene ya ntili. <> ⁶ Ndo ebu me eki lilie mando masoma na miko me biene melui ya ngebe. ⁷ Mubunu, me yali elie ibini a la biene ike yana mundo biene meya inguini; ndo ebu, kiri me nzuini we, we esusuru bara miko aya we a la biene muli kiri me nzuini, me emu tutumu a la biene. ⁸ Ina baya bôo, we esuru bara mikô amu muli mu mukidi mando madimu nde mundo masumu we esi shami mando. ⁹ Mundo masumu, ndonki bo ba kikiu we. ¹⁰ Mundo matu ma otsiri mando, ndobu me yewe a la tara, mpe biene libumo no we, ¹¹ Mpe mate osama, ndo ebu mwana mtumu wemu mukiri eso wu aki esuna sama. ¹² Meki ani mando tsêe e lie a la biene, muli biene luke we oyiaba momaso muli. ¹³ Mumuli, kiri nde, itsü ki ibini e yiya, nde alisuo a la biene mu ma ibini, ndonki nde abi we mande ngako, muli ma a yuyu nde, nde alie mando maso, mpe nde a la biene asisuo ma maya. ¹⁴ Nde antu ntuono, a la me, muli bo ya ba kuwu bilo be me mpe biene liku suo-suo. ¹⁵ biobeso bike a la tara bike biene, ndobu, me elie ni itsü bilo bi bike a la me mpe biene bali lilie. ¹⁶ Mu ntôo nsüi, biene li bumo nowe mu ndama e ntôo turu, biene ya limuene. ¹⁷ Babake mu bansu ba nde eki babi ibo, <> mu ntôo nsü turu mpe biene limu mono ", ndo ebu me ewe ala tara ?". ¹⁸ Bo balie ni, <> Biuu liyiyabi we ma abibili nde. ¹⁹ Yesu eta nde akiki aza aba furu mando ya ba lie < ²⁰ Ye ibini ibini, me ya lilie, biene li lili mpe biene tika ya ngembe muli bara ba mukili aka mu ise, biene lika ya nzebe, muli ngebe e biene ibamu mu ise. ²¹ Mukara mumo akike mungebe ndo ebu ina e nde ye oburu ya ikia mundo mpuru muli bu aburi mwana abu tunu we mu mpuru ayu nde mundo ise akike ya kio mu ntôo aburi. ²² Biene mpe, biene mu ntôo ise ani kio, muli me eya litita a la biene, mpe miko me biene meka mu ise, mpe muru mumo ekio ise ebiene. ²³ Mu tsu leso, biene libutuu we, mu ibini ibini, me ya lili, kiri biene lela bilo bio mesa a la tara, nde aliwa biene mu nkumu e me. ²⁴ Ti mulie biene kile bio we munkumu eme; lila mpe libubo ndo nki ise ebiene ika yana. ²⁵ Me elilie mando masoala biene mu munua wuke ikiu, muli ntôo yiya kiri me libili we biene mu munua eso muki me yelibili puili mu ndo tara. ²⁶ Mu matsu maso ma biene lmila mu nkumu eme mpe me elilie we kuobu me ebueno tara ndo biene; ²⁷ Ndo ebu tara nde ngako likuini a la biene ndobu biene likuini me mpe ndobu biene eki lekiu ni meyi mu tara. ²⁸ Me eyi mu tara, mpe me eki eyi mu mukili, mbali inke turu me ye siu mukili mpe ye we oki tara. ²⁹ Ba nsu ya balie : < ³⁰ Muli biuu liyabi ni nze yabi mando momaso, mpe mabu nze nzamo we mpe wunuke ya mutii. Mundo kikini, biuu lekiu ni nze eyi mu Nziami". ³¹ Yesu ya batiri liyaba o biene muli ? ³² Limata, ntôo ya iyi, ko buru, mpe ibini ya iyi mpe biene litsamu mura muru mu nzo e nde , mpe biene linzi nzio. Kuobu me nki kabu yu we ndo ebu aki ya me. ³³ Me eki lilie mando maso kiri mu me biene lika yana. Mu mukili biene like ani mando, muli lika ya nzo: me ebii mu mukili.