Nzi 1

1 Jaki, musia e Nziami mpe mwana Yesu Kristu, mumu ngua ku bameme minsiamu: mbwere ebiene. 2 Bamono bobaso anka bitini bibise ya bambwini, mundo ebu nze eyabi tsee mando ma mutini ya mutini. 3 Biene liyabi mando maso lesisi biene mitini ya mitini. 4 Mando ebu mando lisisi mubisia kuobo biene lika bu tsee, mpe biene ilo eweni we. 5 Yabu mumo ebiene ake nza a la Nziami awuwa muko mumo afieri a la bibeso a la nde mpe bamumu wa. 6 A Kaya etsu eyana, kasa mikemi muru esa mikemi ake anka madia ma nzia mamungwa makukubu, we wuwa efu mpe eka nkuankua. 7 Mundo ebu mureso munu efunu,mundo ku abo ilo a la Nziami. 8 Muru eso wunu ebu ya fufunu aka yana mundo e nde 9 Ba biuni babiu ebu bake ilo we babweno ku babo. 10 Muru ebu ake ya Nziami mando make yana, mundo ebu ake ya bitiri bi beburu mu musuru. 11 Yabu mwi etuyu ya mba,ebu eliemi tsee mpe bitire ewumu, felele eka obue we, mando ebu muru mubi nde aka ya mambi ma nde 12 Ise mpe ebari miu ndo ku babo furu limpini kikini nde a la bara bakiuni mando manziami. 13 Mundo ebu muru eso wunu ya bu mo omfiri a lie: << me Nziami ya mfiri.>> Ndo ebu Nziami ba mu mfuru we mu ma mabi nsa nde ngako asa omfuru we. 14 Me muru nde so mpe eka ba mumfuru mu mando afunu, ma musuo, yabu mando ya afifini make ma mabi ya wu masumu ma muru tsee. 15 Mpe ongwe masumu maye ya maya tsee ya ba buiri lifu. 16 Baka li mfuru, babiune ba me nkuini. 17 Ilo bawa bibibue beyana me maru uyebe ya suru ya ntara mu mwii. Yande mando ma mutsia ma siyu mpe maya. 18 Nziami ya liponi a la biu aliwa mpe alilie mando ma ibini, mundo ebu biu lisa mundo mamaki mabu nde akiri bilo bio beso. 19 Biene liyabi bibi, mundo kuo bambwini ba me bakuini tsee: muru ndeso ayu tsee, abi bukebuke. 20 Ndobu mpuru muru ekuku wa maluo maNziame. 21 Litibi mbini ye yoso mpe yalibo lilibi. Mukari osuru, liyio mando ma bakuini, make ya ngu, wewa mawamu muku biene. 22 Lika ba yayu mando mpe likaka babu bayu yu na oyu, biene li emfuru biene bangako. 23 Yabu wumuke ake we yuyu mando mpe webu asasa we, ake mutini mumo muku e tata busu nde bu mukiri bu muru mu itia. 24 E mita nde ngako mpe yawini mpe ya diumu mbalamo ake kimutini. 25 Muli titi yana mumaluo mamabue wumuta nde we, mpe ya firu musa, abubuta we weyuyu, muru osoni aka mambue mu mando e nde asasa. 26 Ya bu buru eke kiu nde ekesama,nde liliminde ayiyu, amfimfiri muku nde, osamu nde okekuo bunu. 27 Usama ku bue mpe akuiu we anku anku Nziame mpe tara: eyilu bamfi tara a ngu mpe mfuembe mulikunu.