¹ Jaki, musia e Nziami mpe mwana Yesu Kristu, mumu ngua ku bameme minsiamu: mbwere ebiene. ² Bamono bobaso anka bitini bibise ya bambwini, mundo ebu nze eyabi tsee mando ma mutini ya mutini. ³ Biene liyabi mando maso lesisi biene mitini ya mitini. ⁴ Mando ebu mando lisisi mubisia kuobo biene lika bu tsee, mpe biene ilo eweni we. ⁵ Yabu mumo ebiene ake nza a la Nziami awuwa muko mumo afieri a la bibeso a la nde mpe bamumu wa. ⁶ A Kaya etsu eyana, kasa mikemi muru esa mikemi ake anka madia ma nzia mamungwa makukubu, we wuwa efu mpe eka nkuankua. ⁷ Mundo ebu mureso munu efunu,mundo ku abo ilo a la Nziami. ⁸ Muru eso wunu ebu ya fufunu aka yana mundo e nde ⁹ Ba biuni babiu ebu bake ilo we babweno ku babo. ¹⁰ Muru ebu ake ya Nziami mando make yana, mundo ebu ake ya bitiri bi beburu mu musuru. ¹¹ Yabu mwi etuyu ya mba,ebu eliemi tsee mpe bitire ewumu, felele eka obue we, mando ebu muru mubi nde aka ya mambi ma nde ¹² Ise mpe ebari miu ndo ku babo furu limpini kikini nde a la bara bakiuni mando manziami. ¹³ Mundo ebu muru eso wunu ya bu mo omfiri a lie: << me Nziami ya mfiri.>> Ndo ebu Nziami ba mu mfuru we mu ma mabi nsa nde ngako asa omfuru we. ¹⁴ Me muru nde so mpe eka ba mumfuru mu mando afunu, ma musuo, yabu mando ya afifini make ma mabi ya wu masumu ma muru tsee. ¹⁵ Mpe ongwe masumu maye ya maya tsee ya ba buiri lifu. ¹⁶ Baka li mfuru, babiune ba me nkuini. ¹⁷ Ilo bawa bibibue beyana me maru uyebe ya suru ya ntara mu mwii. Yande mando ma mutsia ma siyu mpe maya. ¹⁸ Nziami ya liponi a la biu aliwa mpe alilie mando ma ibini, mundo ebu biu lisa mundo mamaki mabu nde akiri bilo bio beso. ¹⁹ Biene liyabi bibi, mundo kuo bambwini ba me bakuini tsee: muru ndeso ayu tsee, abi bukebuke. ²⁰ Ndobu mpuru muru ekuku wa maluo maNziame. ²¹ Litibi mbini ye yoso mpe yalibo lilibi. Mukari osuru, liyio mando ma bakuini, make ya ngu, wewa mawamu muku biene. ²² Lika ba yayu mando mpe likaka babu bayu yu na oyu, biene li emfuru biene bangako. ²³ Yabu wumuke ake we yuyu mando mpe webu asasa we, ake mutini mumo muku e tata busu nde bu mukiri bu muru mu itia. ²⁴ E mita nde ngako mpe yawini mpe ya diumu mbalamo ake kimutini. ²⁵ Muli titi yana mumaluo mamabue wumuta nde we, mpe ya firu musa, abubuta we weyuyu, muru osoni aka mambue mu mando e nde asasa. ²⁶ Ya bu buru eke kiu nde ekesama,nde liliminde ayiyu, amfimfiri muku nde, osamu nde okekuo bunu. ²⁷ Usama ku bue mpe akuiu we anku anku Nziame mpe tara: eyilu bamfi tara a ngu mpe mfuembe mulikunu.