¹ Yiabu ebu, muma tsu mando eka eni ntôo empari. ² Muina esokini bara baka eni bubi, bambuni ba nzemi bara ba ebi ibi, banga li linieni ba kubu, ba kunu we a la tara bo, agiaba ma mabu ba kunde mpe ba me sasama. ³ Ba bu makani mowe, baka bara banku ba ya we bara ngebe, banfiri ba mbuni mapia, mpe ba ba kubu mpe ba yangama tsee, bakunu mando mabue. ⁴ Bara batio ba buni ba bo, baku bu kuakua mpe baka ya ise tsee ebu eluru ise E Nziami. ⁵ Nde anganga ake anka yana, kâo a la bara. ⁶ Bara baki eka basomo munzo mbara, mpe ba mfura ebu mikôo ngowe, mpe bo bake ya musumu ma bu bo ba buru kiu kiu mamitini ya mitini. ⁷ bo eka basuo mando ma mabi ndobu boka kunu ma ibini. ⁸ Mutini kuini banga nkiri ba bake ku Egypte. Jambu akuini we mando elilie Moïse bara bo bana ba kuini we mando ma ibini, boo eke ba ba wa ilo ensipibi, okumu ebo ya oyu bobunu. ⁹ Muli bo ba bowe buneme bu bilo, akiana bo bawe bilo bibu bae beso mundo ema bara ba baso. ¹⁰ Mu ndunze, nzoke eke mami mamaso mali buluo me, mutini ke me mu mando esisa me, mu kiu ume, mu mu tini me eyana, mu likunu le me, mu emomo likunu le leme. ¹¹ Liyabi mutini emuene empari, mpari eme, ki motini empari ? e mune me mpe ya banse karimue nde me ke ku bula Antioche, ku bula icone, mpe mu bula bo lystre ? Basisi mando mabi a la me, ma maso mamana ne kikiu. Bitunu biebeso Nziami eke kengui mawama mpe angiowe. ¹² Mu ibini bo baso baka osiu mbu mo ya Yesu Kristo mu ma ya tulu eke bo. ¹³ Muli bo bôo ba ngankene (Mpuru) mpe ba baku m:u makuini boo, bakia ba ba ke munzi mbue ba bango. ¹⁴ Nze, kuini we omi wa mu mando ewe nze mpe ya babo, yiaba nze ma ba oluo nze. ¹⁵ Bu bo mwana bonze, nze mu kamo eyana wu wanze ma kani mukiu mawama mu kari Yesu Kristo. ¹⁶ Bisueni bie beso ba soni mu bitsui Nziame make mabue musuo a la bara mundo ba muyu a bo, ndo o bama mando basisi bâo, ndoo ku baka yana. ¹⁷ Mu mutini bu bara ba Nziame mondo masomona bayia ba ya na yana.