¹ Nze wu mwana me, bo biya ka ya ngou yifi ula Yesu Christu. ² Mpe ma eyu nze a la me a kiu bara ba mfumu baba mone nze ngi mpe wa a la bara babake ya mayeu suo a la bara babake ya u. ³ Mono mpari ya me; ka mbui mbui eye Yesu Christo. ⁴ kaka buye ba mbui mbui ba ba mu wuya mando ma mukili, a kuini esa ya muru yu musie mando ma Nziami. ⁵ Mpe we bara ntini ba muwa we ngûu, kili nde etowe ku tôo. ⁶ Buani nku we sabia esa icha nku ekirri nde mabie. ⁷ Eke eya bâo ma indieme ndo bûu mfumu Nziame emuwa ma yêe mubilo biobiso. ⁸ Nze kafunu mu ndo Yesu Christo, ebu ndi fû mudumu li David, we wûu bara ba barge, mumuntini ensia yembue etuamu me. ⁹ Mu muntinisowuru me mono mpari erika bankuru misi enka wesi ma mabi. Muli mando ma ntari Nziami bakuiri we. ¹⁰ Mumu ntini sowunu me nkuru muku mu ndo baba puini, ndo bûu bôo mpe babo mawama ma maki mu Yesu Christo, ya mawama ma impini. ¹¹ Ntsia eso yini eki ye ibini : kiri biu lifi ya nde, bui mpe libo mawama ya nde. ¹² Kiri bio likuru muku, bio mpe lisio ya nde mu impini, kiri bio limumi, nde mpe elimâa; ¹³ Kiri bio liki ya kiwe, nde eka ya bio, ndo bûu nde sami nde ngako. ¹⁴ Yi wibu mando mana, Anku Nziami mpe lema mikime mu mando me metio lela biene, mabu leba bara ilo imu isuewe ela bâa baye eyu. ¹⁵ Samfu nze oyasise anku Nziami inka bôo we bio ndo, inka buru besa isa abu kiye yana, wu lilie ntsia ibini. ¹⁶ Mâa bimu be mpama ebu nze kie bôo ewe; ndo bû baba ebôo ma mane ba fieri we ntôo yoso mu mabina, baba emama manda maso mane bayeno ya Nziami. ¹⁷ Munkari bara bana eki HYMENEE mpe ya FILETTE. ¹⁸ Baba mi mando ma ibini, baba lie ebu owu onkari baba nfi yayi ntôo, mpe baba mani okio obaba ki. ¹⁹ Anka muli, etini engu e Nziammi echa mikiri, ya nsia nde ye esi mu katini : Mfumu Nziami yabi bara ba nde; mpe nde so wetuo nkumu Mfumu Nziami, nde ya maru mu mando ma mabi. ²⁰ Mu nzo inene, ekawe kaka bilo ekawe ebu bilo bie or mpr argent, mpe ekika mie miti mpe ende mie mane; ma make makubu ma likumu, mpe ma make maki makubu bunu. ²¹ Kiri muli mu muke iki yana, kû ebo bilo sobi, nde kâa kubu likumu, lie yana, we bû mfumu nde emuwu we yana, yana mu mando ma nde mu maso. ²² We bara ma mabi ma bu mwana, mpe wesiso ma ibini, likumu, vü, baba nanu mfumu Nziami mu muku yana. ²³ Likio bimbeyabi bibumu mpe ebu kibowe, liyabu bôo ba buiri mbuobo eyoyo. ²⁴ Ndo bûu ibuanawe wesa icha e mfumu Nziami eka mbuobo, nde kâa, bukomi, nde mone mamayo nde ndo bara bio baso, ka yana mu osio, yana mpe we kuru muku; ²⁵ nde eyalie ya muku ya mui mubue ela bara baba mini ekunu nde, mu dama nde mu mando ma Nziame, Nziame emuwa lifuru lende bu eyabo nde boyabi nde mando ma ibini; ²⁶ Mpe nde, yayi furu mu nzi ibue, boyama matu mu banier mu mumfu, basi nde ebu bôo baya mama makuiri nde.