¹ Simon Piele mungama mpe we luone Yesu Kristu ba yio mituni mundo wumubue mu kiu ba bakiu biu. Mutini mabue ma mando ma Nziami mpe mfumu ebiu Yesu-Kristu. ² Muli ngebe aka ya biene, muli ma nviu ma yu see, mu ngebe Nziame, mu ye Nziame ya Yesu mfumu. ³ Mando so mana ma masisue ngu ende. ⁴ Nde bilo, nde ya yu isee ya ba wi mando ma manene. Biene liyasa yana ndonki biene liki me nzi ye mbi ye mukiri yini mando mamabi. ⁵ Mando obi, lisa yana biene mpe lisa mubo kuli buara biko kio okiu. Mpe ya biko bi maye. ⁶ Mumakani lisa lika ya kimia ma mo, mpe ya osuru onze ya ngo, mungo enze nga ya ngebe. ⁷ Mpe mu ngebi liyu likunu li iviu. Mpe mungebe likunu ibiene liviu liyi likunu. ⁸ Muli kiri mando so mana uni munkara biene mpe ki ya biene, biene lika we odimu mando ma mfumu ebiu Yesu-Kristu. ⁹ We bu mando so mana mowe mpe nde esuo ma nkwa-nkwa aki imfa mui ya dimu mambi ma nde ma ntama. ¹⁰ Ndo yo mwana ngwame e boo. lisa mamabue ko esa nze muko. Yababi nze mpe ya pueni kiri nze e ndi mando maso, nze ebiri we akia. ¹¹ Mutini eso wunu lisomo mobukuru bo mfumu bu nviu ebiu e Yesu kristu eyi ma ekiu. ¹² Muli me eka too yoso mu oyibu mando see biene liyiabi; ndonki biene nfu see mu okiu. ¹³ Me fini ekiu mubo mundo eme, me olie,mpe muyubu biene mando maso ntama me ngako ki mu olie. ¹⁴ Me nziabi yana me etiu mo odi oso anka bokiu mfumu ebiu Yesu-Kristu esue. ¹⁵ Me esa ndo eme koliyubu me mando maso mana ya ngu eweme. ¹⁶ Ndonki biu lenamu we mpari mwii baba fi ya lilie me biu malibili biu mfu eyitu mfumu ebiu yesu - kristu, mundo ebu biu like babamoni mando maso. bu ma liuri bo. ¹⁷ Ndonki biu a la Nziami tara mu isee e pii mpe likunu li me ofa. Ina ekiu mundo ende bari tine ya ba yu mulikunu li me ofa lililuri pia lileso li me ofa: << wuwu alie mwana nkuini efi a la nde. ¹⁸ Biu liyu ndo nde efi oyu, ya like biu ya nde angia lama lilibue. ¹⁹ Biu endi mando maso ma lilie ma tsee mundonki biene liyasa mamabue mabue livunu ike anka ye elueme embu mpuru tsee tii tsu bi ike mpe ba mpari emweni ipali ba wu mimiko me biene. ²⁰ Liyaba yiyi etere, ntumu we we lie mando maso ma mukiene nde ngako. ²¹ Kuobo ntsa ewe efi mofunu muru nde ngako kuobo, bara basuiri onsi e Nziami ma balie bo babili mundo e Nziami.