¹ Bara ba mpia balilie bayi a la bara, mpe baba susuo bayi tsee a la biene. Balibiri maluo a la bo madudu. Mpe bo bamuma mfumu wu ba suo mando mangu a la bo. ² Tsee babaka mu mambi, mundo ebu mando mamabue ma ba sa. ³ Mundo nsia bakaka bo a la biu mundo mando mamabi. Osama ebo elamu we; bo basisamu molamu we. ⁴ Kiri bu Nziami aba lulue, ngebe ba ntumu bande ba sia mambi, ki bakiu ku mambi ya bayo a la Tararis. Ubaluo mimisi me bibeni mu mpibi tii ya ba samu bo. ⁵ Furu, alilue mukile entamu, mundo ebu wekiu Noel, we eke we luluo mambue, ya sa mamakimi ake ya bo yayio madia mukili wumu bi. ⁶ Nziami mpe ya suru mala ma sodome ya gomore muto vii, bande yadui isa mundo osuo mutini mamaya a la bara babi. ⁷ Baba ke yana Loti, we ke muru we mime. Mundo okiu e nde Nziami ya mu vii. ⁸ Mundo ebo ba ibini ba sisiyu munkara tsu ya tsu aka ku muko vii mumuko ende. mundo mamweni nde. ⁹ Mfumu yabi mutini akukunu mambwe munkara mambi mpe mutini alulue bara,ba babi maluo ma osamu. ¹⁰ Munka mukimi, eka mpe ibini bise emuru, leka furu munduru, ba oma mumaluo, maba kuru, bake bara balilie ni, bara bamitsui ngo, babu bari we otu bara ba Nziami. ¹¹ Ba ntumu bake ya ngo mpe ngo ye tsee, mulibu bobake iboibo ani mitsunu mie otu we olie mando mabi a la mfumu. ¹² Molibu ba ntama baso mana bame oya ya babake mutine ebo oya osamu. Bayiabi we batitiu bo. Baka untsiamu. Ba ba tu tu mangwuomu pia bobaso ba ba dudu. ¹³ Ba ubu ba ba fufuru mu mambi ma ba sisa bo. Ba funu bo ba ka muntsi mumutini eyana. Ba mwa mpe ba sa mambi bo bakika lamu we. ¹⁴ Ba ke a ni miu mi mike a yi ndili li bakara ba banfibi, bise bi ba fifa we bie mando mamambi. Ba kika babu ba sisamu we mumando mabo ma mabi, mpe bake ya miku miu okunu okunu, ba ke bana ba biu. ¹⁵ Bo ba yoo nzi ye mbwe, ki ba nami mpe ya balueni mando ma Balame mwana Beyor, we kiuni onamu lifuru liliwene mutini mubi. ¹⁶ Mundo ebu nde bamufufuru mundo nde kako ma mabi. Mpunu munkara we mibibi ebi ndo anka muru basi onto. ¹⁷ Bara baso bana bake anka mutsu emwele, wu yueni madia. bo bake anka bi fui ebibiri miu ifui. Mundo ebu bo mpibi balue mando mabo. ¹⁸ Ba bibili we bo bakuko bara mutini e nduru, bo bakuko babu basisiyu mutini mumo. ¹⁹ Nde asa balie a ba yuyu we, ndo ebu bo bangako bake bangama mubise be bo bibibi. ²⁰ Me bara mumukiri mu, moluru maye ma mfumu mpe we wuwa ma wama Yesu-Kristu, mpe nde ya furu mumbini nde so, obe ntama oluru bara bake etere. ²¹ Ndo ende ebwani aka yabiwe nzi ye mbwe, kuobu nde ayabi mpe ya furu ngwe mu maluo ye mabue bawi nde. ²² Nkumu eso ike yana mundo ebo: << mbwa ya firu mu bilo be nde a liu ngu ya webe mpe ya firu mutoru.>>