² Ngako Ba-diomu la bapele bakosie le bayambi, pe batepele boe, Ntekolame la so ntenye ilako lika Wangi l'itina li nkele esali eka mesa, ³ ngako bambale boyalolaka bele besambiale ok'etetei le nyo, bato balia lumu lo dilo, bane basonyota la Elimo le tee pe la lianya, pe tongoatika oko kio esali eko. ⁴ Yaaka so tongotika bebonda oko mbotitia pe oko ilako ndaka-laka. ⁵ Iyoyi liko liyokie esuku enkuma nyinga, pe basole Setepano, wele bokonyotaka la boyambi pe la Elimo le tee ndia Pilipo, la Polokolo, la Nikanola, la Timona, la Palamena, la Nikolao, bokalomwi bo bobonda boto lo Antiokiya. ⁶ Baayemie yemaa oko ntondo eka ntomwa, pe ngeng'eki bo basoseya mbotitia, baanangiake babo baabo. ⁸ Setepano lokonyotaka la basoyi pe la nguya, akelake bimwenge la bilimbetelo binene oko beso baka bato ⁹ Yaaka baamo bakoliki oko esuku lekotolwaka esuku eka Basoswe, la basi Kulene, la Baalesandalia, la pe bako bakoyimak'oko KIlikia pe la Asia, bayemale biango nkelakela boa Setepeno. ¹⁰ Yaaka ntaayosonoke nsonde boyeli boka elimo ekotepelaka la nde ye. ¹¹ La mbisa basongimie bele benkina la ntepele boe, tosakooyoka la bayoyi ba nkiosole Mose pe Wangi. ¹² Bayumole esuku, la bingambi bi nza la pe basoneli. Baye pe baowute, pe baokoole kuu oko Ekokayolo, ¹³ pe bayimie ntepelaki bi bongala. Bo batepelake boe, Boto one ntatwenye ntepele mbo bi nkisole ndie ene le sesoo le le bekengo. ¹⁴ Ibango tosakooyoka atepela ndee Yesu ene le bosi nazaleta, angoyimba ndiene, pe angokalomola bekengo beki Mose atolaliake. ¹⁵ Bato bankumela bakoliki oko Ekokayolo baosisiake yee, pe bayeneke boso bo nde nkonga boso boka ntomwa eka Wangi.