¹ Oko ekinda ekoliki oko Antiokiya, bambambi la balaki oko etei. Eliki bane: Balanaba, la Simeona ekotolwaka Nigela, la Luki bosi Kulene, la Manaene one oki babongolake ndiemo ndia nkumu Elode, la Saula. ² Ako ngeng'eki bo batielake Nkolo pe eki bo bakinake ilee, Elimo le Tee atepele ndee, bo ndamwelake bAlanaba ndia Saula ibango la esali esaka mi mabesia la itina li kio. ³ La mbisa bakine ile pe babotitie pe baasangie babo. Ngako baatome. ⁴ Ngako eki bo basosia ntomwa la Elimo le Tee, bayime base oko Selukiya, pe yima ako base oko baswa kuu nko Pululio. ⁵ Eki bo baliki oko Salami, balakake nsango eka Wangi oko bekosamelo beka Bayuda. Yoani aliki ndia bo nkonga basungi. ⁶ Balekake oko esanga enkumela kuu nko Papo, pe batane wele bomo ako, nde aliki nkanga, Boyuda bobambi bo bongala, lina li nde Balayesu. ⁷ Aliki ndiemo ndia bondwa esanga Selugio Paolo, nde aliki wele bo lianya, nde abesie Balanaba ndia Paolo oko le nde, pe aliki la mposa le nzoke ilako lika Wangi. ⁸ Yaaka nkanga Elima (ndimbo eka lina li nde eliki ngako) ayemale esongo la bo, pe akeke mpengole boyambi boka bondwa esanga. ⁹ Yaaka Saula nde Paolo, oki nde anyotake la Elimo le Tee, asisie nkanga yee, pe atepele ndee, Sosolo, osonyota la bongala bonkuma pe la boyeli bo bobe ¹⁰ bonkuma, awu oko Satana, awu boyini boka bokolama, ntoyosone lopito oko mboka eka Nkolo ye? ¹¹ Akoboko solenda, lobo loka Nkolo oko liko li wu, pe beso ba wu bangowa, pe oko yembe ngengo ntongoyitia nyene tee ye, Tataa lobongi la mpitamo biokitele, pe ayalolake bato baokendia la babo. ¹² Eki bondwa esanga asoyene lobo loko, ayambe, ibango akabake la iako lika Nkolo. ¹³ Paolo ndia baa nde bayime oko Papo, pe bayie oko Peluga oko mbotu bi Pampulia, yaaka Yoani akalamole ndia bo, ayitie oko Yelusalema. ¹⁴ Yaaka bo bayime ako Peluga pe bayie oko Antiokiya oko mbotu bi Pesidia. Bayotwe oko lowulu lo ekinda oko losio lo Eyenga, pe bayale anse. ¹⁵ Oko mbise botolwe boka Bekengo, la babambi, bondwa lowulu lo ekinda aatomie nde ndee, bambale, laa bolia lobo lo sunga nyo bato, botepela la lonyo. ¹⁶ Paolo ayumwe wema, la lobo lo nde asesake esuku pe aatepele ndee, bele be Yisalaele, pe nyo bato ba lota Wangi, boyoka. ¹⁷ Wangi boka bato bane Yisalaelasoloke bankaka ba so pe afulie ibotwa li so ngeng'eki bo baliki oko Ezipeto, pe aapasole ako la lobo lo wembu, ¹⁸ pe aabongole oko boleki laape mpela ntuku binei. ¹⁹ Eki nde asoseya ndiake babotwa basambiale oko nse Kanana, aapake bio mbotu biko nkonga engondi nkonga mpela benkama benei la ntuku bitano. ²⁰ OKo mbise bio mbo biko, aapake ntendi kuu nko Samwele lo bobambi. ²¹ La mbisa bakanake nkumu. Wangi pe aapake Saula wana oka KIsi, wele oko ibotwa lika Benyamina, mpela ntuku binei. ²² Ngeng'eki nde asoseya nyimie nde, aayemie Dawidi ayale nkumu. Atepelake lama la nde nde ndee, Nsobaa Dawidi wana oka Yisai, wele bokolami oko bobonda bo mi nkika, oko longokela mposa le mi enkumela. ²³ Oko ibotwa lika boto oko Wangi asakoyeisa Yisalaele bobikie, kweli ngonga oki nde atikake ileno li nde Yesu. ²⁴ Oko ntondo le loya lo nde, Yoani alakake ok'ole bato ba Yisalaele bankumela boyini bo bokalomoli bo bobonda. ²⁵ Ngeng'eki Yoani abangake nseye mboka le nde atepele ndee, Botangela nyoe mi nani? Mi ntinge nde ye, yaaka oko loyala oko mbisa le mi, pe ntiyosone nsotole besinga be bapapa oko bakolo ba nde ye, ²⁶ Bambale, bato ba ibotwa lika Abalayama, pe bato ba yoka Wangi bomo oko eteteile nyo, nsango le lobiko ene esotomwa ok'ole so. ²⁷ Ibango bane ba lamba oko Yelusalema, oko nsio bi bo ntabayebake ye, ntaayebake pe bayoyi baka babambi bako ba tolwa bena eyenga la eyenga pe ye; ngako bakolimiake dweli lo nzimbe nde. ²⁸ Ompa bo ntaaba nkia lobo lokolama la iwa ye, babotitie Pilato boe aodiake. ²⁹ Eki bo basoseya nkolimie mbo binkumela bisakosonwa la itina li nde, baotulole oko bote, baotike oko ilengi. ³⁰ Yaaka Wangi aoyumole yima oko bawi. ³¹ Nde ayenele nsio wuke ndia bane bakoyimaka Galilaya la nzilela oko Yelusalema boa nde loselele. bo bako bale batati ba nde ok'ole bato. ³² So pe toetepela nsango le dilo le ileno likopawuwke ok'ole bankaka, ³³ sosoe Wangi asakotokolimiela, bana ba bo, lio ileno liko, ane osa nde aseya nkundole Yesu, kweli pe nkonga losonwa oko loyembo lo bipele loe, Awu wana lo mi, mi nsokobota wu lene. ³⁴ Pe la itina liki nde aokundole oko bawi nde ndee ntangoyitia oko bopondu, atepele ndee, ngokopa basoyi ba pie-pie baka Dawidi, bako ba sosolo. ³⁵ Kio kieko ngako atepele oko ndie enkina ndee, ntongotwenya bokolami bo wu la nyene bopondu pe ye. ³⁶ Ibango Dawidi atielake ibotwa li nde nkika oko wango boka Wangi. La mbisa atame isilo pe akundame oko etetei eka bankaka ba nde pe aponde. ³⁷ Yaaka one oki Wangi akundole ntapondo ye. ³⁸ Ngako bopaaka loyebatane ok'ole nyo, bambale, loe l'itina li nd'oko, basawue bo bobe bosolakwa ok'ole nyo; ³⁹ pe lama la nde boto la boto loyamba, aswa oko mbo binkumela, bine biki bekengo beka Mose ntaeyosonoko la nswise nyo oko bio ye. ⁴⁰ Ngako bobaaka nkepo nkanga bine bikotefwa la babambi ntaisoya la nyo nyoe, ⁴¹ bosolenda, nyo bakinoli, bokabe pe bopitane! Ibango mi ntikele esali emo oni nsio bi nyo nyoe, bosolenda, nyo bakinoli, bokabe pe bopitane! ibango mi ntikele esali ebongo nyo nzambayamba ye nkia boto asoelimbola kio polele. ⁴² Ngeng'eki bo bapaswake, bato baabotitie boe bayitie ntepele bo bio mbo biko oko eyenga le mbisa. ⁴³ Ngeng'eki bakosami basoseya mpanganyala, bato wuke ba Bayuda, la pe basangoli bakokakalomola bayuda, babenge Paolo ndia balanaba, bo basi;plake la boboe basoyala lelo la iyangi lika Wangi. ⁴⁴ Oko eyenga le mbisa, mpika-mpika la bato bankumela ba nza, bakosame le nzoke ilako lika Wangi. ⁴⁵ Yaaka oki Bayuda bayene wuke bo bato, banyote la ikeke pe bakisoloke bayoyi Paolo, pe baotwake. ⁴⁶ Yaaka Paolo ndia balanaba batepelake la bonzenze boe, Ebongoke ilako lika Wangi Wangi liawue ok'ole nyo ntondo, pe ane osa nyo boiboya, pe ako otangela nyo nyoe, nyo nkika ntabobonge la mbae bokolo bo edie ye, akoboko so tokamwa ok'ole ngendia. ⁴⁷ Ibango Nkolo atolakake ngako ndee, nsakokoyemia wu l'itina lika tee eka ngendia l'itina mie oyale l'itina lika lobiko kuu bakumelo ba bolongo. ⁴⁸ Ngeng'eki ngendia basoyoka ngako, bayoke nyinga pe bateliake ilako lika Nkolo. Bane bankumela basakosolwa oko bokolo bo edie l'edie bayambake. ⁴⁹ Ilako lika nkolo lipanganyala oko mbotu biko binkumela. ⁵⁰ Yaaka Bayuda bayotwe bomfweti boa beto bane bakoliki bakwaki, basangoli baka Wangi, la bingambi bi nza, pe banyokole Paolo ndia Balanaba, pe baapasole oko mbotu bi bo. ⁵¹ Yaaka Ba-Paolo baafumpole bokuytu bokoliki oko bakolo ba bo pe base oko ikoni, ⁵² pe bayambi banyotake la nyinga pe la Elimo le Tee.