¹ Oo teofili, nsonoke bokanda bo ntondo lama la mbo binkuma biso Yesu abanga nkelakela pe la ndakalaka. ² Kuu la losio looki baoyambake oko likolo, ngeng'eki nde asoseya mpae ntomwa ilako, bine biiki nde asoloke, la nguya eka Elimo le tee. ³ Akayenie ok'ole bo ndenakena oko mbis'eka wale booki nde ato, oko bidimbetelo wuke nkia biongo pe ye. Ayenele ndia bo nsio binei, pe aatepele mbo lama la bonkumu boka Wangi. ⁴ Ngeng'eki nde alek'ilambo ndia bo ndiemo, aaleke ndendee ntaayimak'oko Yelusalema ye, yaaka bakongo ileno lika Papa. Atepele ndee, bosoyoka bio oko munya bo mi. ⁵ Ibango Yoani ayinake oko losi, yaaka nyo bongoyimwa la Elimo le tee, oko mbise nsio wuke ye. ⁶ Ngako ngeng'eki bo basokosama, baoyubole boe, bolaki ongoyisena bonkumu boka Yisalaele ngeng'enkeni? ⁷ Aetepele ndee, kio ntenge lobo lo nyo la njebe ngengo laape balemo basaka Papa akolimia oko bonkumu bo nde nkika ye. ⁸ Yaaka ngeng'enga Elimo le tee esia mbelele nyo, bongoba nguya, pe bongoyala batatoli ba Mi, oko Yelusalema, la Yuda enkuma, la Samolono, pe kuu nko bokuma boka bolongo. ⁹ Ngeng'eki Nde asoseya ntempela bio mboiko, pe nk'oko kio ngeng'eko eki bo baolendake, afubwe, pe elenge le liko eodipe oko beso ba bo. ¹⁰ Nko'oko ngeng'eko eki bo balendeke ng'elaka nde oko liko, basisiake nta yee, pe bato bapele bayemale diemo la bo, balatake bisenda bi mbenza. ¹¹ Pe batepele boe, Bele be Galileya, boyemi Liko ndendalenda bokobo be? Yesu nko kio ene omo, one losoyima oni ole nyo, la mposwa oko Liko angoya dweli nko lo, kweli nko nga ooyene nyo ayotwa oko Liko. ¹² Oko mbi'eko bayime ok'enganza le Bilaya, bayitie oko yelusalema, engenz'eko eliki mpika la yelusalema elimo nko nga bolango bo losio lo Eyenga. ¹³ Ngeng'eki bo basoyitia oko nza bayilele oko nsamba le liko, le lowulu lo bo oko ndie eki bo batamake, eliki bane, Petelo la Yoane, la Yakobo, la Andeleya, la Pilato, la Toma, la Balutolomayo, la Mateyo, la Yakobo wana oka Alupaya, la Simona le Boselote, la Yada wana oka Yakobo. ¹⁴ Boankunela Bakalamiake ndiemo la bobonda bomo nkembakemba oko mbotitia, nko la beto, la Malia nyongo eka Yesu, la bambale ba Nde ba bele. ¹⁵ Oko kio ngeng'eko Petelo ayemale ok'etetei eka bambale, (oko kio ndieko eliki esuku le bato mpika mpika bonkama la ntuku bipele), pe atepela ndee ¹⁶ Bambale, ebongeke nko Bosono bakolame, bane baki Elimo le Tee atepelake ntondo, oko munya boka Dawidi l'itina lika Yuda one loko yakokole bato bakowutaka Yesu, ¹⁷ Ibango Yuda atolwa omo lo so, pe abae yeti le ntolo le esali ene. ¹⁸ (Nde Yuda asombe itia la ntolo le bobe bo nde; bienge bi nde biyame, pe ibale li nde liyatwe, pe besopo be nde benkuma befundwe oko bosale. ¹⁹ Loboene pe loyebanake la bato bankuma ba Yelusalema, ngako itia liko libeswe oko iyoyi li bo Akeledama, kalomo boe, Itia li Bolongo. ²⁰ Ibango losakosia nsonwa oko bokanda boka Wangi loe Paaka boyalelo bo nde boyale ntontoo, pe bato ntayalake ako ye, lonkina pe loe. ²¹ Ngako oko etetei le bele bemokosamake la so ngengo binkuma bima Nkolo Yesu ayekanasake nzotwa pe mpaswa ndiemo la so, ²² Banga nko boyini boka Yoani kuu nko losio loko looki Yesu ayimake oni etetei le so lonkina, ebongo nko omo lo bo ayele botati bo bakundwelo ba Nde ndiemo la so. ²³ Batole bena baka bato bapele, Yopesa, l'etolwa Balasaba, lina li nde linkina Yusutu, la pe Matia. ²⁴ Blabotitiake pe boe, Awu Nkolo boyebi bo yeba bobonda boka bato bankuma, otolakiake laape ososolo nani oni etetei eka bane bapele, ²⁵ L'itina wue, ayale nkitwa oni esali ene la pe bontomwa bone bosaka Yuka akit'oko bo la nse oko ndie le nkika. ²⁶ Babokake bisolelo l'intia li bo, pe esolelo esokita ok'ole Matia, ngako ndie eka ntomwa diomu l'omo epawue ok'ole nde.