¹ Nienda hana tshiku eji mu ku vuka ndefi kumsu ma Nzambi ni Yesu Khidishitu waka sambisa afwa ni amoyi kikuma kia kwiza kwa kifumu kienji. ² Longa ndaka khala wa kubama tangwa diosu nganina katula eyi ya mbi longa ni kukasa mutshima muku longa. ³ Kikuma tangwa dienda eza edi athu kaka kukoku epi mu kukwata kisalu kia Nzambi kashi aka wongika kikuma kiowu mweni alongi aka longa ama ma zola eni akevwanga matu mingongu. ⁴ Aka leka mu kwivwa masonga aka dihana mu yishima. ⁵ Kashi ayi khala walala mu mambu mosu kasa mutshima muku mekama hanga yisalu kia mu mwangi tsangu ja Nzambi hanga pimbu kisalu kia Nzambi. ⁶ Kikuma ami nia dihana tangwa dia kwenda dia lunga. ⁷ Nia nwana ndjita ya mboti nia manisa fishi nia kwatidi lukwikilu. ⁸ Mphu ya lukumu ya masonga yidi ya kubama kikuma kia ami mphu ya lukumu eyi fumu zuji wa masonga aka nguhwa kilumbu kienekina keshiku kwa ami mweni pamba kashi kutudi etu osu twenda kuzola kwiza kwenji. ⁹ Hanga mosu wiji kungu mona tswalu tswalu. ¹⁰ Kikuma Demas wangu tshina wa zola mambu ma mvula eji waya ku Tesalonika Crescens waya Galati Tite ku Delmati. ¹¹ Kaka Luka wudi ni ami noma Malaku nwendi nenji kikuma wudi fumu mu kisalu. ¹² Nia tuma Thychiki ku Efese. ¹³ Mvwela yi nia shila ku Troas kudi Carpus yinehi kiva keza ni mikanda hengi kamu yiketa. ¹⁴ Alexandre owu wa mbembu wa hanga mambu ma bola mengi kudi hani a muhu mudi kidi yisalu yenji. ¹⁵ Kebenu ni mweni kikuma wa tunini ndaka ngolu. ¹⁶ Tangwa di niendidi ku samba ata muthu kangu labidiku muku tala athu osu angu leka ka watangiloku nayi. ¹⁷ Kashi yidi fumu wakhedi nia ami wa pedi kikesa kikuma mu njila ya memi malongi ma khadi ma lunga apangi osu evi angu katudidi ku kanu dia thambu. ¹⁸ Fumu uku khatula mu yima yosu yambi ni kungu hulusa kikuma kia kifumu kienji kia ku wulu kudi mweni lukumu lwa mvula ni mvula. amen. ¹⁹ Mboti kudi Pricilla ni Aquilas ni kikanda kia Onesisphore. ²⁰ Eraste wa sala ku Kolinto kashi nia shisa Trophine wayela ku Milet. ²¹ Hanga yosu wiji mu kuyandjika kwa mvula theti Eubulus wa kuhwa mboti Pudens Linus Claudia ni apangi osu akuhwa mboti. ²² Leka fumu akhadi ni pevi yayi leka khenda ji khadi ni ayi. Amen.