¹ Kashi ejiya esthi mu matangwa ma tshuka kwaka khala pashi jingi. ² Athu aka khala emi aka zola mbongu aka khala lulendu kudi zangula kuvwenza Nzambi muthu ngolu kaka buloku kuhwa Nzambi matondu. ³ Akakhala khu yingi kuzinga mu kimbeni kwivwa khabu tshalu kinjongu kuhanga akowu pashi kuzola mambu ma mboti lo. ⁴ Kiyekula athu kuhanga mambu ma konda kubanza kuzola kieshi kia hashi kashi Nzambi loni. ⁵ Kinzambi loni kuleka ngolu jia kiedika hukhaloku mu hunji dia athu mwena wana. ⁶ Athu ekha mu kathsi kowu enda kwingila mu manzu ma akhetu andumba edi azala ni masumu enda kusenda athu mu yisalu ya bola . ⁷ Enda kaka alonguka kashi kabakishidiku kadi njila ya kiedika. ⁸ Pila imoshi ni Jannes ni Jambres abeyidi Moise pila yimoshi yoyi athu mwena awa aku beyanga kiedika mabanza mowu mafwa lukwikilu lwowu lwa khaloku ni fhunu. ⁹ Kashi akendoku kwalaha kikuma ekhina mudi yilawu kumesu ma athu enawa. ¹⁰ Kashi ayi wa labidi mboti mboti malongi mamemi yikalulu yemi lukwikilu lwemi kikesa kiemi luzolu lweni kukasa kwa mutshima wemi. ¹¹ Kuniokwama kwemi pashi jemi ji nia mweni ku Antioche ku Icone ni ku Lystre nia kumbudidi kuniokwama kashi fumu wa khedi ku ngu sadisa. ¹² Kosu muthu wa zola kuzinga wadi kenza kikuma kia Yesu waka niokwama kaka. ¹³ Athu abola akabula kusenda akowu mu nzila ya bola ohu mweni epi aka bila njila. ¹⁴ Ayi keba mambu ma wa longukidi ni ma wa kumbudidi wejika kudi nani wama nonini. ¹⁵ Yanjika kimwana kieyi ayi wejika ndaka ya Nzambi ya lunga kuhanga etshi wikhini mayela uhuluki mu lukwikilu lweyi kudi Khidishitu Yesu. ¹⁶ Mukanda wa Nzambi wudi wa vedila wenda kusadisa mu malongi mu kusemba muku tuleza njila ya kiedika muku tusungika. ¹⁷ Kikuma muthu wa Nzambi akhadi ngolu ni wa lunga muku hanga kisalu kia Nzambi.