¹ Kiki mweni pangi sambenu sambu nietu kikuma ndaka ya fumu yilongami lawu ni lukumu mutshingu yidi kudi enu. ² Lombenu Nzambi atu katudi kudi athu abola edi ni mitshima ya bola kamu kikuma athu osu kesuku ni lukwikilu. ³ Fumu udi wa lunga waka nusha waka nu katula kudi athu a bola. ⁴ Twasha mutshima kudi fumu kikuma nwenda nwa hanga nu bula kuhanga epi mosu ma tuku nulezanga mu kuhanga. ⁵ Leka fumu akhsdi ni mitshima yenu mu njila ya zola ni ngolu ja Khidishitu. ⁶ Pangi tangwa edi twenda twa nuleza mu kukonda kukhalanga ni muthu owu uku ditambikanga mukhidishitu mweni kuhanganga loni mambu ma tuku mulezanga. ⁷ Kikuma nu feti kwijiya mboti etshi nufeti kulaba yikalulu yetu etu twa jingidiku mu mambu ma kisakasaka tangwa di twakhedi kudi enu. ⁸ Twa didiku yima ya muthu ya pamba ejiyanga enu etshi twakhedi kuhanga pipa ni mwania mu tangwa dia pashi kikuma aleki kutu sadisa kudi muthu mwekha. ⁹ Twa hangidiku yosu ejina kikuma etshi twa khediku ni kiyeka kudi enu loni twa yihangidi kikuma kiaku nuleza mutshindu wa ku tulaba. ¹⁰ Tangwa dia twakhedi nienu twanu lejidi etshi kidi muthu kahangidiku kisalu kalungidiku kudia. ¹¹ Twevidi etshi kudi ni athu kudi enu edi amolu akulekanga kuhanga kisalu edi mu yimoku. ¹² Athu a mutshindu owuna twa wahua mulongi mu zina dia fumu Yesu ahangi kisalu mu malembi mosu kikuma adingi luku luowu mweni. ¹³ Enu apangi nu lembwoku muku hanga mambu ma pimbu. ¹⁴ Kidi etshi muthu wa loba mu ndaka eyi yidi mu mukanda owu mutshinenu nu khaloku nenji homa hamoshi kikuma evu soni. ¹⁵ Nu wa talangoku mudi ambeni jenu kashi alezenu mudi apangi. ¹⁶ Leka fumu injimweni anuhu ngemba tangwa diosu ni mu mambu mosu akhadi ni enu osu. ¹⁷ Ami Polu nia nuhwa mboti ku mokhu memi mutshindu umoshi nienda ku yihanga mu mikanda yemi yosu. ¹⁸ Leka khenda ja fumu wetu Yesu Khidishitu ji khadi ni enu osu.